წელვადი ირისის კანფეტი ბავშვობიდან ნაცნობი ტკბილეულია. ნაყიდი კანფეტი ყველა დაბჟენილ კბილს საფრთხეს უქმნიდა. აი, ბებიის მიერ შინ მომზადებული კანფეტი რბილი და ნაზი გემოთი გამოირჩეოდა. სახლში ირისის კანფეტის მომზადება ნამდვილად ძალიან ადვილია. ჩაიწერეთ მარტივი რეცეპტი მხოლოდ რამდენიმე ინგრედიენტით.
როგორ მოვამზადოთ ირისის კანფეტი სახლის პირობებში?
ამ რეცეპტით მომზადებულ კანფეტს ჯერ კიდევ ბავშვობიდან ვჭამდი. ბებია ყოველთვის მიმზადებდა, როცა სოფელში ჩავდიოდი. ახლა ჩემი შვილებისთვის ვაკეთებ. ისინი ხელნაკეთ ირისის კანფეტებზე გიჟდებიან. მეც უფრო მშვიდად ვარ, რადგან ვიცი, რისგან მზადდება ეს კანფეტები. ტკბილეული ძალიან სწრაფად მზადდება. სანამ ბავშვები საშინაო დავალებებს ასრულებენ, ტკბილეულის მომზადებას ვასწრებ.
ინგრედიენტები:
- 300 გ არაჟანი
- 300 გ შაქარი
- 5 გ ვანილის შაქარი (სურვილისამებრ)
- 40 გ კარაქი
მომზადების წესი:
1. შაქარი პატარა ქვაბში ჩაყარეთ და არაჟანი დაასხით. ვანილი დაუმატეთ სასიამოვნო არომატისთვის. ინგრედიენტებს კარგად აურიეთ. მორევა გააგრძელეთ შაქრის მთლიანად გახსნამდე.
2. ქვაბი ქურაზე საშუალო ცეცხლზე დადგით. არაჟნის მასა უნდა ადუღდეს. ამის შემდეგ ცეცხლს დაუწიეთ და გააგრძელეთ ხარშვა, სანამ კარამელის ფერს არ მიიღებს. მუდმივად მორევა არ დაგავიწყდეთ.
3. ასეთ გამუქებულ არაჟნის მასას კარაქი დაუმატეთ. მომავალ ირისს აურიეთ მანამ, სანამ კარაქი მთლიანად არ გადნება. ამის შემდეგ ქურიდან შეგიძლიათ გადადგათ.
4. ირისის ბაზა ფორმაში ჩაასხით. თუ სპეციალური სილიკონის ფორმა არ გაქვთ, გამოიყენეთ პერგამენტდაფარებული საცხობი ლანგარი.
5. მასა კოვზით ან სპატულით თანაბრად გაანაწილეთ და ზედაპირი გაასწორეთ. ამ სახით დესერტი ოთახის ტემპერატურაზე გამაგრდება. მას შემდეგ, რაც ფირფიტა გამაგრდება ოთახის ტემპერატურაზე, 10-15 წუთით საყინულეში მოათავსეთ.
6. ხელნაკეთი ირისის კანფეტი მზადაა! ისღა დაგრჩენიათ, ტკბილეული პატარა კვადრატებად დაჭრათ. სურვილის შემთხვევაში, კანფეტებს შეგიძლიათ დაუმატოთ მოხალული კაკალი.
როგორც ხედავთ, ირისის კანფეტის სახლის პირობებში მომზადება მარტივი ამოცანაა. მინიმუმი ძალისხმევით მიიღებთ დიდ თეფშ რბილ კანფეტს ორიგინალური გემოთი. ძნელი დასაჯერებელია, რომ ამას მხოლოდ ოთხი ინგრედიენტი სჭირდება.
