სულ ცოტა ხნის წინ, დედაჩემმა შემომჩივლა საშინელ ტკივილზე, სახლის აქტიური დასუფთავების შემდეგ. სიმპტომების მიხედვით თუ ვიმსჯელებთ, ეს სხვა არაფერი იყო, თუ არა საჯდომის ნერვის დაჭიმვა ან მიჭყლეტა. ტკივილი ძლიერდებოდა ჯდომისა და სიარულის დროს. მე ექიმი არ ვარ, ამიტომ დახმარებისთვის მეგობარ ექიმს მივმართე. მან დედაჩემს ურჩია მარტივი მეთოდი, რომელიც განკურნავდა მას აბების და ინიექციების გარეშე.
დედაჩემს ვუთხარი მეთოდის შესახებ, რომელიც ჩემმა მეგობარმა მირჩია, მაგრამ მე თავად ნამდვილად არ მჯეროდა მისი ეფექტურობის. წარმოიდგინეთ ჩემი გაოცება, როცა მეორე დღეს დედამ დამირეკა და მითხრა, რომ ძალიან კმაყოფილი იყო. ტკივილი გაქრა და მას განწყობა გამოუკეთდა. პაპარაცის დღევანდელ სტატიაში ამ საინტერესო მეთოდს გაგიზიარებთ.
საჯდომის ნერვის დაჭიმვა: მიზეზები და მკურნალობა
საჯდომის ნერვი ყველაზე დიდია ადამიანის სხეულში. იგი იწყება ზურგის ქვედა ნაწილში, გადის ხერხემლის ლუმბოსაკრალურ ნაწილში, შემდეგ დუნდულაში ბარძაყის უკანა მხარეს და მთავრდება ფეხში. სწორედ ამიტომ, როდესაც ნერვის ერთი ნაწილი იჭყლიტება, ტკივილი მთელ ფეხზე ვრცელდება.
საჯდომის ნერვის დაჭიმვის მიზეზები
დისკების თიაქარი ერთ-ერთი ყველაზე გავრცელებული მიზეზია. შედეგად, ხერხემლის არხი ვიწროვდება, რაც შემდეგ აწვება ფესვებს, რომლებიც ქმნიან ნერვს.
ტრავმა, მაგალითად, დაცემის ან მოტეხილობის გამო.
ხანგრძლივი ფიზიკური დატვირთვა, როგორიცაა გადაჭარბებული სპორტული ვარჯიშები ან უხერხულ მდგომარეობაში ჯდომა.
ხერხემლის სიმსივნეები: კეთილთვისებიანი და ავთვისებიანი.
ორსულობა, რომლის დროსაც გადიდებული საშვილოსნო ახდენს ზეწოლას ახლომდებარე ქსოვილებზე.
როგორ მოვხსნათ საჯდომის ნერვის მიჭყლეტით გამოწვეული ტკივილი
ეს მარტივი ერთჯერადი ვარჯიში დაგეხმარებათ რადიკულიტის ტკივილის შემსუბუქებაში (საჯდომის ნერვის მიჭყლეტის სამედიცინო სახელწოდება). ვარჯიში გავლენას ახდენს მსხლისებრ კუნთზე უკანა მენჯში, რომელიც მდებარეობს საჯდომის ნერვის მახლობლად.
ამ ვარჯიშისთვის დაგჭირდებათ ჩოგბურთის ბურთი. როდესაც ისწავლით, თუ როგორ უნდა ჩაიტაროთ თვითმასაჟი ერთი ბურთით, შეგიძლიათ დაიწყოთ წყვილის გამოყენება. ორი ბურთით მასაჟის დროს ხდება დატვირთვის გადანაწილება შესაძლო ტკივილის შესამცირებლად.
დაწექით ან დაჯექით იატაკზე და მოათავსეთ ბურთი ზუსტად მტკივნეული კუნთის ქვეშ. ნელა და ფრთხილად ამოძრავეთ თქვენი სხეული ისე, რომ ბურთმა გაიაროს მტკივნეულ კუნთზე და მის ზედაპირზე. თუ გრძნობთ მტკივნეულ წერტილს, უნდა გაჩერდეთ მასზე 20 წამის განმავლობაში. დღეში ერთხელ ამ ვარჯიშის შესრულებით, თავიდან აიცილებთ საჯდომი ნერვის დაჭიმვის პრობლემას.
თუ ჩოგბურთის ბურთები ხელთ არ გაქვთ, მაშინ ტკივილის შემსუბუქება შეიძლება მარტივი ვარჯიშით. უნდა დაწვეთ იატაკზე, მოხაროთ მტკივნეული ფეხი მუხლში და მიიზიდოთ მხრისკენ. როგორც კი იგრძნობთ კუნთების დაჭიმვას, გააჩერდით ამ მდგომარეობაში 30 წამის განმავლობაში. გაშალეთ ფეხი, დაისვენეთ 1-2 წუთი და გაიმეორეთ ვარჯიში კიდევ 2-ჯერ. ეს ხელს შეუწყობს სპაზმირებული კუნთის მოდუნებას და ტკივილის შემსუბუქებას.
გახსოვდეთ, რომ ჯანსაღი ცხოვრების წესი და რეგულარული, ზომიერი ფიზიკური აქტივობა ხელს უშლის საჯდომი ნერვის დაჭიმვას.
