ხშირად იჭედება ნიჟარა თქვენს სამზარეულოში? შესაძლოა უშვებთ შეცდომებს, რომლებიც ნებისმიერ სანტექნიკოსს შოკში ჩააგდებს. არსებობს მთელი რიგი პროდუქტები, რომლებიც არ უნდა ჩარეცხოთ კანალიზაციაში, რათა თავიდან აიცილოთ სამზარეულოს ნიჟარის გაჭედვა.
აღმოჩნდა, რომ ზოგიერთი პროდუქტის წვრილი ნაჭრებიც დროთა განმავლობაში ბლოკირებას იწვევს. არ მჯეროდა, სანამ სანტექნიკოსმა, გაწმენდის შემდეგ, არ მაჩვენა, რამ გამოიწვია ნიჟარის გაჭედვა. გაოგნებული ვიყავი. ახლა ასეთ შეცდომას აღარ ვუშვებ.
რა იწვევს ნიჟარის გაჭედვას სამზარეულოში?
ზეთის და ცხიმის ნარჩენები შეწვის შემდეგ
რა თქმა უნდა, გახსოვთ, რომ ცხიმი წყალში არ იხსნება. თუ ეს ცხიმი ცივ წყალში ხვდება, მაგრდება და თანდათან გროვდება. დროთა განმავლობაში წყალი სულ უფრო ნელა გადის, სანამ არ წარმოიქმნება ბლოკირება, რომლის დაშლას შეძლებს მხოლოდ პროფესიონალური საშუალება და სანტექნიკოსი.
ცოტა ზეთი ტაფიდან ქაღალდის ხელსახოცით ამოიღეთ. თუ ძალიან ბევრი ზეთი დარჩა, გაცივებას დაელოდეთ, შემდეგ პარკში ან პლასტმასის ბოთლში ჩაასხით და გადააგდეთ.
ყავის ნალექი
ერთი შეხედვით, ყავის ნალექი ძალიან წვრილი ნაწილაკებისგან შედგება და ადვილად უნდა გავიდეს მილში, მაგრამ ასე არ არის.
საქმე იმაშია, რომ ყავა წყალში არ იხსნება და თანდათან მილის კედლებზე ილექება. ცხიმთან ერთად, რომელიც სამზარეულოს მილში ხვდება, ყავის ნაწილაკები ქმნის მკვრივ, გაუვალ ბლოკირებას. ამიტომაც, ყავის ნარჩენი ნაგვის ურნაში ჩაყარეთ.
ფქვილი
საჭმლის მომზადების შემდეგ დარჩენილი ფქვილი ნიჟარაში არ ჩარეცხოთ. გაიხსენეთ, რა ემართება ფქვილს წყალთან კონტაქტისას. მართალია, ხდება ცომი. ცომის ნარჩენები და ფქვილი მილში გროვდება და ცხელ წყალთან კონტაქტისას ძალიან წებოვანი ხდება. ამ მასას ადვილად ეკვრის ნიჟარაში ჩარეცხილი საკვების ნარჩენები.
კვერცხის ნაჭუჭი
კვერცხის ნაჭუჭი კიდევ ერთი მყარი კომპონენტია, რომელმაც სამზარეულოს მილი შეიძლება გაჭედოს. წვრილი ნაწილაკებიც ცხიმთან კომბინაციაში დროთა განმავლობაში საცობს ქმნის. უმჯობესია კვერცხი ნაგვის ურნასთან გაფცქვნათ, რომ ნაჭუჭის ნაწილაკები ნიჟარაში არ მოხვდეს.
მარცვლეული და მაკარონი
მაკარონი, როგორც ფქვილისგან დამზადებული პროდუქტი, წყალთან შეხებისას ადვილად სივდება. რაც უფრო დიდხანს იმყოფება წყალში, მით უფრო იზრდება ზომაში და მილს ჭედავს.
მარცვლეულიც წყალთან კონტაქტისას სივდება და წვრილი ნაწილაკებით მილს ჭედავს. ჭურჭლის გარეცხვამდე საჭმლის ნარჩენები ნაგვის ურნაში ჩაყარეთ.
ქაღალდი
ჩვეულებრივი ქაღალდი წყალში ძალიან ნელა იშლება, ზოგჯერ მხოლოდ ოდნავ სველდება. რა თქმა უნდა, სუფთა ქაღალდი ნიჟარის მილში იშვიათად ხვდება. აი, პროდუქტების წებოვანი სტიკერები მარტივად. აქ შედის ეგზოტიკური ხილის, ქილის და პარკის სტიკერები.
წებოს ნაწილაკები წყალში არ იხსნება, რის გამოც გასივებულ ქაღალდს ერთმანეთში აწებებს.
ჩაი
ჩაის ფოთლები, როგორც ზემოთ ჩამოთვლილი პროდუქტების უმეტესობა, წყალში არ იხსნება. გასივებული ჩაის ფოთლები ცხიმს უერთდება და ფენას ქმნის, რომელიც თანდათან წყლის გამტარობას ამცირებს. ამ უსიამოვნების თავიდან ასაცილებლად არ დაუშვათ ჩაის ფოთლების ნიჟარაში მოხვედრა.
ნიჟარაში მცირე ბლოკირება მარტივი ხალხური საშუალებებით შეგიძლიათ მოიშოროთ, მაგრამ უმჯობესია პრობლემა თავიდან აიცილოთ. ჩვენი რჩევები გაითვალისწინეთ და ნახავთ, როგორ შემცირდება სანტექნიკოსის ვიზიტები თქვენს სახლში.
