გამოსაჯანმრთელებლად ხანდახან ანტიბიოტიკების მიღება გვიწევს, თუმცა მათ გაცილებით უფრო მეტი ზიანი მოაქვს ჩვენი ორგანიზმისთვის, ვიდრე სარგებელი.

სწორედ ამიტომ, პაპარაცის რედაქციაში გადავწყვიტეთ თქვენთვის უნიკალური რეცეპტის გაზიარება. ეს წამალი, რომლის მომზადებასაც თავისუფლად შეძლებთ სახლის პირობებში, შუა საუკუნეების ევროპაში წარმოიშვა, როდესაც ადამიანები სხვადასხვა ეპიდემიებისგან იტანჯებოდნენ.

ეს სამკურნალო სასმელი ფლობს ანტივირუსულ და სოკოს საწინააღმდეგო თვისებებს, აუმჯობესებს სისხლის ცირკულაციას და ლიმფის დრენაჟს, ამაღლებს იმუნიტეტს.

უნიკალური ფორმულა, რომელსაც დღეს შემოგთავაზებთ, მრავალი წლის განმავლობაში ეხმარებოდა ადამიანებს საშიში დაავადებებისგან თავის დაღწევაში. მის უპირატესობას მაღალხარისხიანი და ნატურალური ინგრედიენტების კომბინაცია წარმოადგენს.

ანტიბიოტიკი სახლის პირობებში

თქვენ დაგჭირდებათ:

• 2 ახალი წითელი წიწაკა;
• 2 ს.კ კურკუმა;
• 2 ს.კ გახეხილი პირშუშხა;
• 700 მლ ვაშლის ძმარი;
• 0,25 ჭ. დანაყული ნიორი;
• 0,25 ჭ. დანაყული ხახვი;
• 0,25 ჭ. გახეხილი ჯანჯაფილი;

მომზადება:

1. ამ სამკურნალო სასმლის მომზადებისას გამოიყენეთ ხელთათმანები. აურიეთ ყველა ინგრედიენტი ერთმანეთში გარდა ვაშლის ძმრისა.
2. მიღებული ნარევი მოათავსეთ ქილაში.
3.  ჩაამატეთ ქილაში ვაშლის ძმარი, მჭიდროდ დააფარეთ თავსახური და კარგად შეანჯღრიეთ. იდეალური ვარიანტი – ქილის 2/3 უნდა იყოს სავსე მშრალი ინგრედიენტებით, ხოლო დარჩენილი ნაწილი ვაშლის ძმრით.
4.  მოათავსეთ ქილა ცივ ადგილას 2 კვირით.
5. შეანჯღრიეთ მომზადებული სასმელი პერიოდულად.
6. 14 დღის გასვლის შემდეგ გაფილტრეთ ნარევი და დაიტოვეთ მხოლოდ წვენი.
7. მიღებული სასმლის მაცივარში შენახვა არ არის აუცილებელი.

გამოყენება:

1. აურიეთ ერთმანეთში ზეითუნის ზეთი და თქვენ მიერ მომზადებული 1 ს.კ სასმელი. მიღებული ნარევით შეაზავეთ სალათები.
2. ამ სასმლისთვის საკმაოდ ძლიერი არომატი და გემოა დამახასიათებელი. მისი მირთმევის შემდეგ შეჭამეთ ლიმონის ან ფორთოხლის პატარა ნაჭერი.
3. მიირთვით ყოველდღიურად 1 ს.კ სასმელი, რათა აიმაღლოთ იმუნიტეტი და დაივიწყოთ გაციება.
4. უშუალოდ ავადმყოფობის დროს ყოველდღიურად მიღებული სამკურნალო სასმლის დოზა შეგიძლიათ გაზარდოთ.

სასარგებლო ინგრედიენტების კომბინაციის წყალობით, ეს უნიკალური ხალხური ელექსირი ძალზედ ეფექტური საშუალებაა სხვადასხვა დაავადებების წინააღმდეგ საბრძოლველად!

რედაქციისგან:ბუნებრივი საშუალებების გამოყენება ჯანმრთელობის გაძლიერებისთვის მართლაც დიდი ხნის ტრადიციას ემყარება. მოცემული რეცეპტი შეიცავს იმუნიტეტის გამაძლიერებელ და ანთების საწინააღმდეგო ინგრედიენტებს, როგორიცაა ნიორი, ჯანჯაფილი, კურკუმა და ვაშლის ძმარი. ნიორი ცნობილია თავისი ანტიმიკრობული თვისებებით და მისი აქტიური კომპონენტი, ალიცინი, ხელს უწყობს ბაქტერიებისა და ვირუსების წინააღმდეგ ბრძოლას. კურკუმას კურკუმინოიდები ძლიერი ანტიოქსიდანტებია, რომლებიც ასევე ამცირებენ ანთებას ორგანიზმში.

აღსანიშნავია, რომ ეს სახლის პირობებში მომზადებული სასმელი არ შეიძლება ჩაითვალოს კლასიკურ ანტიბიოტიკად, რადგან მას არ აქვს ისეთი პირდაპირი მოქმედება, როგორიც ანტიბიოტიკურ პრეპარატებს, თუმცა მისი კომპონენტები ხელს უწყობენ იმუნური სისტემის გაძლიერებას და შესაძლოა, პროფილაქტიკურ საშუალებად გამოდგეს. მნიშვნელოვანია, რომ ძლიერი არომატისა და მაღალი აქტივობის მქონე ინგრედიენტების გამოყენებისას დავიცვათ ზომიერება, განსაკუთრებით მათთვის, ვისაც კუჭის პრობლემები ან ალერგია აქვს.

ამგვარი ნარევების მიღებამდე რეკომენდებულია ექიმთან კონსულტაცია, განსაკუთრებით იმ შემთხვევაში, თუ ადამიანი იღებს სხვა სამკურნალო პრეპარატებს, რადგან ზოგიერთი ინგრედიენტი შესაძლოა ურთიერთქმედებდეს მედიკამენტებთან. ბუნებრივი საშუალებების სწორად გამოყენება ხელს უწყობს ჯანმრთელობის გაუმჯობესებას, თუმცა მათ ჩანაცვლება არ შეუძლიათ მტკიცებულებებზე დაფუძნებულ მედიცინასთან.