ეზოფაგიტი მაქვს, როგორ ვიმკურნალო? პატივისცემით, დ.მ.
წერილს პასუხობს კლუბ “ჯანმრთელობა”-ს დირექტორი, ექიმი-ფიტოთერაპევტი, ბორის სკაჩკო:
ეზოფაგიტი საყლაპავი მილის ანთებაა, ამიტომ, უპირველეს ყოვლისა, საკვების მოხმარებისას, იგი უნდა დაიცვათ გაღიზიანებისგან. ამისათვის, მდგომარეობის გაუმჯობესებამდე, ადამიანი უნდა დარწმუნდეს, რომ საკვები არ იყოს ძალიან ცხარე, ცივი ან ცხელი.
გარდა ამისა, საკვები კარგად უნდა დაიღეჭოს, რათა საყლაპავის ლორწოვანი გარსის მექანიკური გაღიზიანება არ გამოიწვიოს.
დამარბილებელი და შემხორცებელი მოქმედება აქვს ქაცვისა და ასკილის ზეთს. მას მიირთმევენ თითო ჩ.კ. დღეში ერთხელ, ჭამამდე 20-30 წუთით ადრე.
შეგიძლიათ გამოიყენოთ სამკურნალო მცენარეების ნაყენი (მაგალითად, გვირილის ან პიტნის, რომელთაც ანთების საწინააღმდეგო თვისებები აქვთ). დააყენეთ ისინი ჩაის მსგავსაც და დალიეთ თბილი, 30 მლ, მცირე ულუფებად, ჭამამდე 20 წუთით ადრე.
