ორქიდეას ლამაზი ყვავილები თავისი დიდებულებით გვიპყრობს. ძალიან მოსახერხებელია, რომ მცენარე ქოთანში ყვავილობს და მისი დადება სახლში ფანჯრის რაფაზე შეგიძლიათ. აი, ამ ყვავილის ფლობას ბევრი ვერ ბედავს. მიზეზი ყვავილის აუტანელი პრეტენზიულობაა.
პირველ რიგში, ორქიდეა ბევრ ოთახის მცენარეს არ ემეგობრება, ამიტომ სხვა ყვავილებისგან მოშორებით უნდა დადოთ. ორქიდეას ფესვებში ხშირად იმალებიან შავი ბუზები, რომლებიც სხვა ქოთნებზე გადადიან და მათ ალპობენ.
მეორეც, ორქიდეამ თავისი დიდებული ყვავილებით რომ გაგახაროთ, მასზე სათანადოდ უნდა იზრუნოთ. ხელსაყრელი ზრდის ერთ–ერთი მნიშვნელოვანი პირობა – სწორი და დროული გამოკვება. დღეს „პაპარაცი“ გიამბობთ, რით და როგორ გამოკვებოთ ჭირვეული ორქიდეა, რომ ის დიდხანს და ლამაზად ყვავილობდეს.
სასუქი ორქიდეასთვის
ორქიდეა ნორმალურად რომ გაიზარდოს, მას უწყვეტი სუნთქვის პროცესი სჭირდება. ამაზე მცენარე ბევრ ენერგიას ხარჯავს, რომელიც აუცილებლად რეგულარულად უნდა შეასრულოს. აქტიური ზრდისთვის აუცილებელი მკვებავი ნივთიერების მიღებაში გლუკოზა დაეხმარება.
გლუკოზა ნახშირორჟანგის მონაწილეობით სხვა ორგანულ ნივთიერებებთან რეაქციაში შედის, ამით ყვავილს სასარგებლო ნივთიერებების მაქსიმალურად მიღებაში ეხმარება. თუ ორქიდეს ეს ნივთიერებები აკლია, ყლორტები პატარა იზრდება, ხოლო გაშლილი ყვავილები ფერმკრთალია. გლუკოზამ დადებითი გავლენა რომ იქონოს ორქიდეას ზრდაზე და არა მრავალრიცხოვან მავნე ორგანიზმზე, ის EM პრეპარატთან კომბინაციაში უნდა გამოიყენოთ.
ისინი ნიადაგს სასარგებლო მიკროორგანიზმებით ავსებენ და პათოგენურ ფლორას აფერხებენ, რომელშიც ორქიდეას დაავადებები ვითარდება. როგორც წესი, მცენარეს ზრდის პერიოდის მიხედვით კვებავენ. ჩვეულებრივ, ეს ორქიდეას აქტიური ზრდის დროს ხდება.
როგორ გამოვკვებოთ ორქიდეა გლუკოზით
გლუკოზის შეძენა სირთულეს არ წარმოადგენს. მით უმეტეს, რომ ის არა მხოლოდ აფთიაქში აბების სახით, არამედ მაღაზიებში საკონდიტრო გლუკოზის, სიროფის და გლუკოზის ბადაგის სახით იყიდება. ყველა ზემოთ ჩამოთვლილი სახეობა ორქიდეების გასამოკვებად გამოგადგებათ.
ყველაზე მარტივი მეთოდი გლუკოზის აბებით სასუქის მოსამზადებლად: 1 აბი გლუკოზა 1 ლ თბილ წყალში გახსენით. სითხე შეგიძლიათ გამოიყენოთ მაშინ, როცა აბი სრულად გაიხსნება და წყალი გამჭვირვალე გახდება.
ორქიდეას გამოკვება შაქრით
გლუკოზისგან განსხვავებით სახლში შაქრის პოვნა ადვილია. ფლორისტები ოთახის ყვავილების გამოსაკვებად მას ხშირად იყენებენ. შაქარში, გლუკოზისგან განსხვავებით, ფრუქტოზაც შედის, რომელიც ორქიდეასთვის უსარგებლოა. აი, პათოგენების გასაზრდელად კი ხელსაყრელი გარემოა. ასე, რომ შაქრის გამოყენება შეიძლება, მაგრამ დოზირება მკაცრად დაიცავით.
შაქრის სასუქის მოსამზადებლად 1 ს/კ შაქარი 500 მლ თბილ წყალში გახსენით. ყურადღება მიაქციეთ, რომ ტკბილი წყალი ფოთლებს არ მოხვდეს, წინააღმდეგ შემთხვევაში შეიძლება დალპეს.
სჯობს სუბსტრატი ქვედა სარწყავის დახმარებით გამოკვებოთ, ასე შაქრიანი წყლით თანაბრად გამოიკვებება. ზოგიერთი მებაღე ორქიდეას ყვავილებს მშრალი შაქრის ფხვნილით კვებავს. კარგად დატენიანებულ მიწას შაქრის თხელი ფენა მოაყარეთ.
ფესვების გამოკვების გარდა სასარგებლოა ორქიდეას ფოთლების დამუშავება გლუკოზის ხსნარით. ამისთვის აუცილებელია ფოთლებს სველი ჩვრით მტვერი მოაშოროთ, შემდეგ გლუკოზის წყალში დასველებული ბამბის დისკით გაწმინდოთ. ასე ფოთლებს ვიტამინებით გამოკვებავთ და დაზიანებულ ფოთლებს აღდგენაში დაეხმარებით.
