ახალი წლის სუფრა სასმელებისა და გემრიელი კერძების გარეშე წარმოუდგენელია. ამიტომ ამ სტატიაში ერთ-ერთი კულინარიული YouTube არხის შემოთავაზებულ სალათის რეცეპტს შემოგთავაზებთ.
სოკოსა და მჟავე კიტრის სალათი
ინგრედიენტები:
- 300 გრამი მოხარშული კარტოფილი
- 200 გრამი ქაშაყის ფილე
- 100 გრამი კიტრის მწნილი
- 100 გრამი სოკოს მწნილი
- 50 გრამი ზეთისხილი
- 2 კბილი ნიორი
- 20 გრამი მწვანე ხახვი
- 50 გრამი დაჭრილი ხახვი
- რამდენიმე ტოტი ქინძი და კამა
- მწიკვი გამხმარი რეჰანი და ორეგანო
- მარილი და პილპილი გემოვნებით
- 2 სუფრის კოვზი ზეითუნის ზეთი
მომზადების წესი
1. ქაშაყის ფილე მცირე ზომის კუბებად დაჭერით.
2. სოკოს მარინადი, მოხარშული კარტოფილი და კიტრი თხელ კუბებად დაჭერით – ქაშაყის მსგავსად.
3. დაჭრილი ინგრეიენტები კარგად აურიეთ.
4. პატარა ზეთისხილები შეგიძიათ მთელი გამოიყენოთ, დიდები კი რამდნეიმე ნაწილად გაჭერით.
5. ხახვი წვრილ ნახევარ-რგოლებად დაჭერით.
6. ნიორი სახეხზე გახეხეთ და მწვანილი დაჭერით.
7. სალათს დაუმატეთ ხახვი, ნიორი დამწვანილი. შეაზავეთ მცენარეული ზეთით.
8. სულ ეს არის, ჩვენი სალათი სოკოთი და მჟავე კიტრით უკვე მზად არის. ქვემოთ შეგიძლიათ მისი მომზადების პროცესის ვიდეოც იხილოთ. გემრიელად მიირთვით!
ეს სალათი თითქმის ყველა ტრადიციულ ინგრედიენტს შეიცავს: ქაშაყი, სოკო, მჟავე კიტრი, ზეთისხილი. მისი ინგრედიენტები სამარხვოა და საახალწლო სუფრის გამრავალფეროვნებაშიც დაგეხმარებათ!
