სახლში სისუფთავის და წესრიგის უზრუნველყოფა რთული ამოცანაა ,თუმცა მასთან პირისპირ გამკლავება ყველას უწევს. ვიღაც შესამჩნევი პრობლემების გარეშე ახერხებს სახლის შესანიშნავ მდგომარეობაში შენარჩუნებას, სხვებს კი არ შეუძლიათ დაუპირისპირდნენ ყოველდღიური სირთულეებს. დღეს რედაქცია “paparazzi” გაგიზიარებთ ათობით საინტერესო რეკომენდაციას, რომლებიც დაგეხმარებათ სახლში სისუფთავის და წესრიგის შენარჩუნებაში ისე, რომ დაგეხარჯებათ მინიმალური დრო და ენერგია.

სისუფთავის და წესრიგის უზრუნველყოფა

1. 20 წუთი გამოყავით დალაგებისთვის – სახლის დალაგებაზე მთელი დღე რომ არ დახარჯოთ, ჯობს ამ საქმისთვის ყოველდღიურად 15-20 წუთი გამოყოთ. მსგავსი მიდგომის შემთხვევაში, ოჯახში მუდამ სისუფთავე იქნება, ამავდროულად, გამოგიმუშავდებათ ჩვევა, რომ მუდმივად იზრუნოთ წესრიგზე. დალაგების დასაწყისი დააყენეთ წამზომი, რათა პროცესი დროში არ გაიწელოს. ამ 20 წუთის განმავლობაში ჩართეთ სასიამოვნო მუსიკა.

2.ყურადღება მიაქციეთ ჰორიზონტალურ ზედაპირებს – საკმარისია გადაწმინდოთ ჰორიზონტალური ზედაპირები ( სარეცხი ნიჟარები, ფანჯრის რაფები) და საცხოვრებელი ადგილი თქვენს თვალწინ სრულებით გარდაიქმნება. არ დაგავიწყდეთ ეს პატარა ხრიკი, რათა ყოველთვის შეძლოთ გაასუფთაოთ სივრცე სწრაფად და მინიმალური ძალისხმევის დახარჯვით.

3.საწოლის დალაგება – ეს მოქმედება ყოველი დღის დასაწყისში უნდა გაიმეოროთ. უბრალოდ დაალაგეთ საწოლი და ოთახის იერსახე გაცილებით სასიამოვნო გახდება. ამასთანავე, ეს პროცედურა რამდენიმე წუთზე მეტი არ  წაიღებს.

4.თითოეულ ნივთს მიუჩინეთ საკუთარი ადგილი – თუ ნივთს არ აქვს საკუთარი ადგილი, ის ან უნდა გადააგდოთ,  ან თავისი ადგილი მიუჩინოთ. ეს დაგეხმარებათ არა მხოლოდ წესრიგის შენარჩუნებაში, არამედ დალაგებისას დროის დაზოგვაშიც.

5.ყველაფერი დააბრუნეთ თავის ადგილას – ეს მარტივი ჩვევაა, რომელიც გაგიადვილებთ სახლში წესრიგის და სისუფთავეს უზრუნველყოფას. ნებისმიერი ნივთი დააბრუნეთ თავის ადგილას .ეს ძალიან მარტივია და სწრაფი მოქმედებაა, შედეგიც მალევე ხდება შესამჩნევი.

რა მოვუხერხოთ უსარგებლო ნივთებს?

6.ადგილი უსარგებლო ნივთებისთვის – Ზოგჯერ უსარგებლო ნივთები  რაღაც დროის შემდეგ შეიძლება დაგჭირდეთ, ამიტომ მათი გადაყრა ყოველთვის  არაა  გონივრული. ჯობს მათთვის ცალკე ადგილი გამოყოთ, რათა მომავალში   ვინმეს აჩუქოთ,  გაყიდოთ  ან სადმე  გადაიტანოთ.

7.დასალაგებლად ყველაფერი მზადაა – ყველაფერი, რაც დალაგებისას  შეიძლება  დაგჭირდეთ, ხელთ უნდა გქონდეთ. ეს შეეხება  ტილოებს, ღრუბლებს, მტვერსასრუტს, სარეცხ საშუალებებს. წინააღმდეგ შემთხვევაში, მოგიწევთ ზედმეტი დროის დახარჯვა ყველაფრის ორგანიზებაში.

8.სასწრაფო დალაგება – თუ რაღაცაზე  სითხე დაგეღვარათ, ჯობს მყისიერადვე  იმოქმედოთ. რაღაც დროის შემდეგ პრობლემის გადაჭრა კიდევ უფრო რთული იქნება.

9.რეგულარული განიავება – Სუფთა ჰაერი სახლში არანაკლებ მნიშვნელოვანია, ვიდრე მბრწყინავი ზედაპირები და დალაგებული საწოლი. ეს ქმნის სწორ ატმოსფეროს, ამაღლებს განწყობას.

10.დალაგება ძილის წინ – Საღამოს დალაგების უპირატესობა იმაში მდგომარეობს, რომ დილით ადამიანი იღვიძებს სუფთა და მყუდრო სახლში, რაც დღის შესანიშნავი დასაწყისია.

ვიმედოვნებთ, რომ ეს მარტივი რეკომენდაციები დაგეხმარებათ საკუთარი  ჩვევების შესწორებაში,  რათა სახლის დალაგება კიდევ უფრო გაგიადვილდეთ.