ადამიანები კრიზისულ სიტუაციებს სხვადასხვა გზით უმკლავდებიან. ამიტომ ომის დროს მნიშვნელოვანია ურთიერთობისას სწორი სიტყვების და მოქმედების შერჩევა. პაპარაცის წინა სტატიაში ვისაუბრეთ, თუ როგორ უნდა ვეკონტაქტოთ საომარი მოქმედებების მსხვერპლს, დღეს კი მოგიყვებით როგორ გავუძლოთ ერთმანეთს თანამედროვე სამყაროს კატეგორიული ხასიათის პირობებში.

სიტყვები ომის დროს

ყველა უკრაინელი თავისი შესაძლებლობების ზღვარზეა. ზოგი ომის პირველივე დღიდან მოხალისედ მსახურობს, ზოგს გაუმართლა და სამსახური შეინარჩუნა. ადამიანები იქცნენ ერთ მუშტად შეკრულ მექანიზმად, რომლის თითოეული ნაწილი მნიშვნელოვანია.არიან ისეთებიც, რომლებიც საკუთარ თავში სიცარიელეს გრძნობენ, მათთვის რთულია ახალ რეალობასთან შეგუება, მითუმეტეს, როცა ის ძალიან უსამართლოა.ბევრი თვლის, რომ სამყარო შავ-თეთრი გახდა და ვერ შეეწინააღმდეგები, ომია გარშემო. ასეთ პირობებში არსებობს რისკი, რომ ადამიანმა ჩართოს განზოგადების კოგნიტური ფილტრი. ისინი იწყებენ ფიქრს, რომ მათი ქცევა სწორია და თუ განსხვავებულ აზრს შესთავაზებთ, იწყება კონფლიქტი.შეხედულებების განსხვავებულობის გამო ადამიანს შეუძლია შემთხვევის და ფასეულობების სრულიად განსხვავებულ კონტექსტში აღქმა და არაადეკვატური რეაქციის გამოხატვა. ზოგჯერ ფიქრობენ, რომ მათ იციან და ესმით რა გამოიარეს სხვებმა.

უკუკავშირი ომის დროს – როდესაც ვიმყოფებით ჩვენი შესაძლებლობების ზღვარზე, სხვებისგანაც იგივეს ველით. “მე ვაკეთებ და შენც უნდა შეძლო!” – ომის დროს ასეთი სიტყვები ძალიან მტკივნეულია ადამიანისთვის და არასწორია. ამიტომ ყოველთვის უნდა ვეცადოთ თავი სხვა ადამიანის ადგილას წარმოვიდგინოთ.დამეთანხმებით, ყველას აქვს საერთო საჭიროებები, მაგრამ თითოეული საკუთარ სტრატეგიას იყენებს მის დასაკმაყოფილებლად. არ შეიძლება საკუთარი გამოცდილების პროეცირება სხვაზე. უკრაინელები ფსიქოლოგიურ კრიზისს განიცდიან – თითოეული თავისებურად. რა რთულიც არ უნდა იყოს, ცხოვრების ახალ პირობებთან ადაპტაცია უნდა მოხდეს.

ადამიანი თავის რეაქციებს და ქცევას უკეთ აკონტროლებს, როცა აქვს უსაფრთხოების შეგრძნება. ომში მყოფი ადამიანი ებრძვის არა მარტო აგრესორ რუსეთს, არამედ საკუთარ თავს. ამიტომ კონტაქტის დროს, მნიშვნელოვანია, ეს მუდამ გვახსოვდეს. შეეცადეთ არ იყოთ ზედმეტად ცნობისმოყვარეები, იყავით თავაზიანები და კორექტულები.თუ იგრძნობთ, რომ მოსაუბრესთან ურთიერთობა იძაბება, შეეცადეთ შეცვალოთ მიმართულება და იპოვოთ სხვა საერთო თემა თქვენსა და მოწინააღმდეგეს შორის. სამშობლოს სიყვარული, გამარჯვების სურვილი და ა. შ.

რჩევა რედაქციისგან: რუსეთს, რომელიც 24 თებერვალს თავს დაესხა უკრაინას, სურდა ხალხის დაყოფა, თუმცა პირიქით მოხდა და ეს ერთობა აძლიერებს უკრაინელებს. მიუხედავად უდიდესი განსაცდელისა, ისინი არ კარგავენ ნათელი მომავლის რწმენას.უკრაინას უაღრესად ძვირი უჯდება თავისუფლებისთვის ბროლა, მაგრამ აცნობიერებს რისთვის ხდება ეს. ვისურვებდით, რაც შეიძლება მალე დასრულდეს ომი და მშვიდობამ დაისადგუროს ყველგან. თქვენ რას ფიქრობთ? გაგვიზიარეთ კომენტარებში.