დეიდაჩემი ხშირად ამბობს, რომ ფული მოდის მხოლოდ იმ სახლში, სადაც სისუფთავე და კარგი სურნელია. თვლის, რომ სახლის სასიამოვნო არომატით გავსება მნიშვნელოვანია. ასე სახლი მყუდრო და საოცრად სუფრა გახდება. ამისთვის ჰაერის გამწმენდს თავად აკეთებს. მისი თქმით, ნაყიდ ვარიანტში ბევრი ქიმიაა და ეფექტი არ აქვს. Paparazzi გიამბობთ, რა მოაყაროთ ავეჯსა და ხალიჩას, რომ სახლი სურნელებით აივსოს.
შინაურული ჰაერის გამწმენდი – მარტივი და ბანალური საშუალებაა. დაგჭირდებათ სოდა. ბინის ზომას დააკვირდით, მაგრამ ჩვეულებრივ 2 სუფრის კოვზი საკმარისია. სოდას ნახევარი სუფრის კოვზი მარილი დაუმატეთ და აურიეთ. ეთერზეთის შერჩევა მნიშვნელოვანი ეტაპია. აქ თქვენი სურვილით იმოქმედეთ. ზოგს ლავანდის სუნი მოსწონს, ზოგს – ვანილის. თუ გსურთ, რომ თავი მხნედ და აქტიურად იგრძნოთ, მაშინ ციტრუსის ეთერზეთი გამოიყენეთ. მშვიდი განწყობისთვის ჩაის ხე ან ევკალიპტი გამოგადგებათ. ოღონდ ცოტა სპეფიციკური სუნი აქვს. მხოლოდ თქვენი სურვილით შეარჩიეთ. თუ სუნი მოგწონთ, აიღეთ. ალერგიის ფაქტორიც გაითვალისწინეთ.
მოკლედ, სოდისა და მარილის ნარევს 10 წვეთი ნებისმიერი ეთერზეთი დაუმატეთ. უფრო მეტის დამატების შემთხვევაში გაჯერებული სუნი ექნება. კარგად აურიეთ ისე, რომ გრანულები არ დარჩეს. ბინის დამუშავება დაიწყეთ. ცოტა ნარევი გისოსზე დაყარეთ და ხალიჩას მოაყარეთ. 20 წუთით გააჩერეთ, შემდეგ მტვერსასრუტით გაწმინდეთ. ხალიჩა არომატს შეიწოვს და მთელ სახლში სურნელს გააფრქვევს.
იგივე რბილ ავეჯზე გაიმეორეთ. ოღონდ დივანსა და სავარძელზე ჩაღრმავებებთან ფრთხილად იყავით. აქ ნარევის მოშორება გაგიჭირდებათ. ძლიერი მტვერსასრუტი და სპეციალური საცმი გამოიყენეთ. თუ ნარევის ნაწილს ვერ აშორებთ, სველი მიკროფიბრის ჩვრით გაწმინდეთ. ასე ნარევს და ზედმეტ მტვერს მოაშორებთ.
თუ სახლში შინაური ცხოველი ცხოვრობს, მისი საწოლი რეგულარულად გაწმინდეთ. არა ეთერზეთის ნარევით, არამედ მხოლოდ სოდით. მოაყარეთ, 20 წუთით გააჩერეთ და მტვერსასრუტით კარგად გაწმინდეთ. ასე სახლი სასიამოვნო არომატით გაივსება. ამის შემდეგ ოთახში ყოფნა და წიგნის კითხვა გესიამოვნებათ. მაშინვე სიმყუდროვეს და იდეალურ სისუფთავეს იგრძნობთ.
