ბევრს სჯერა, რომ სიზმრები ტყუილად არ გვესიზმრება. განსაკუთრებით მაშინ, როცა სიზმარი მეორდება. ასე ქვეცნობიერი ხმის მოწვდენას და მნიშვნელოვანის შეტყობინებას ცდილობს. ჩვენი დღევანდელი ისტორიის გმირს ასეთმა სიზმარმა მოქმედება აიძულა. ბიჭი ცდილობდა გაეგო, რატომ ესიზმრებოდა ყოველ ღამე ძველი სახლი. სიმართლის გაგების შემდეგ მისი ცხოვრება შეიცვალა. Paparazzi ამ მისტიკურ ისტორიას გიზიარებთ.
რატომ გვესიზმრება ძველი სახლი – ლაშა ეზოში საქანელაზე იჯდა. სახლში წასვლა არ სურდა. ოცნებობდა, როგორ დაასრულებდა სკოლას რამდენიმე თვეში და ამ ბინიდან გადავიდოდა. ახლა დედინაცვალთან ერთად ცხოვრობდა. აქ ცხოვრება მამის გარდაცვალების შემდეგ აუტანელი გახდა. დედინაცვალს არასდროს უყვარდა, მაგრამ მამასთან თავს იკავებდა. ახლა გამოთქმებში აღარ მორცხვობს. ჯერ კიდევ პატარა იყო, მამამ ახალი ცოლი რომ მოიყვანა. იმ დროის შესახებ ცოტა რამ ახსოვს, მაგრამ დედის სახე და მისი თბილი ხელები არ დავიწყებია. ასევე დღე, როცა დედისგან წამოიყვანეს. უკან სურდა, ტიროდა და მამას დედასთან წაყვანას სთხოვდა. მაშინ მამამ უთხრა, რომ დედა მათთან აღარაა, ზეცაში წავიდა. პატარამ ამის გაცნობიერება ვერ შეძლო, მაგრამ მალე შეეგუა და ახალი ცხოვრება დაიწყო. თითქოს ამ ცხოვრებაში მისი ადგილი არ იყო. მამა სამსახურში ბევრ დროს ატარებდა, ხოლო სახლში ახალგაზრდა ცოლს ელოლიავებოდა. ბიჭი ბაღში ადრე შეიყვანეს, რადგან ოლღას (ასე ერქვა ლაშას დედინაცვალს) ბავშვთან სახლში დარჩენა არ სურდა და თვლიდა, რომ თანატოლებთან უფრო გაერთობოდა. როცა მამა სახლში არ იყო, ბიჭს მუდმივად უყვიროდა. სწრაფად მიხვდა, რომ მამასთან ჩივილს აზრი არ ჰქონდა. მხოლოდ ოლღასი სჯეროდა.
მკვეთრი ცვლილებები – ასე უკარება და გულჩაკეტილი ბიჭი გაიზარდა. თავის ცხოვრებას უკვე მიეჩვია და აღარ წუწუნებდა. 6 თვის წინ, როცა მამა ავარიაში მოყვა, მისი ცხოვრება შეიცვალა. მამა გარდაიცვალა და ლაშას ცხოვრება კოშმარად იქცა. დედინაცვალი მუდმივად ეჩხუბებოდა და შეურაცხყოფას აყენებდა. ეუბნებოდა, რომ მისი ბინიდან სწრაფად წასულიყო. ყველაფერი, რაც ადრე მამას ეკუთვნოდა, ახლა მისი საკუთრება გახდა. ლაშას ამ სახლიდან მალე წასვლა სურდა. გეგმა ჰქონდა. სკოლას დაამთავრებს, ავტოსახელოსნოში სრულ განაკვეთზე სამსახურს დაიწყებს, სადაც ახლა ნახევარ განაკვეთზე მუშაობს, და ბინას იქირავებს. ცოტა დანაზოგი ჰქონდა, ამიტომ ამის გაკეთებას სკოლის დამთავრებისთანავე აპირებდა. ასეც მოიქცა. როცა დედინაცვალს უთხრა, რომ მიდიოდა, უმადური უწოდა და უთხრა, რომ აქედან დაკარგულიყო. დაამატა, რომ მემკვიდრეობით არაფერს მიიღებდა, რადგან ყველაფერი მისია. ანდერძი არაა, ამიტომ ყველაფერი ოლღამ მიიღო. ლაშას ეწყინა, რომ არაფერი შეხვდა. პირველ ხანებში ფული გამოადგებოდა, მაგრამ ამ საქმეში არაფერი იცოდა. დედინაცვალმა ყველაფერი სწრაფად გააფორმა: ბინაც და მამის ბიზნესიც. ლაშას მხოლოდ შეგუება დარჩენოდა.
აკვიატებული სიზმარი – ახალ ბინაში გადასვლის შემდეგ ყოველ ღამით ერთსა და იმავე სიზმარს ხედავდა. მამის ხმა ესმოდა, რომელიც პატიებას და სახლში დაბრუნებას სთხოვდა. მხოლოდ მთაზე ძველ სახლს ხედავდა. პირველად ყურადღება არ მიაქცია, მაგრამ სიზმარი ისევ და ისევ განმეორდა. ლაშა დაღლილი და გაბრაზებული გახდა. მთელი დღე ამ სახლზე ფიქრობდა. ძველი სახლი ბუნდოვნად ნაცნობი ეჩვენებოდა, მაგრამ ვერ ხვდებოდა საიდან. გრძნობდა, რომ უნდა გაერკვია, რატომ ესიზმრებოდა ძველი სახლი. დედინაცვალთან წასვლა გადაწყვიტა. ოლღა ყვირილით და პრეტენზიებით შეხვდა. ისევ უყვიროდა, რომ ერთ თეთრსაც არ მისცემდა. როცა ბიჭმა უთხრა, რომ მხოლოდ მამის ფოტოები და მისი ძველი ქაღალდები სურდა, დამშვიდდა. მამის ნივთები, რომელიც ოლღას ნაკლებად ღირებული მოეჩვენა, წამოიღო.
ლაშამ ქაღალდების გადახედვა დაიწყო. ბავშვობის ფოტო იპოვა და გაშეშდა, როცა ფოტოზე დაინახა სახლი სიზმრიდან. გამოდის, ეს მათი ძველი სახლია, სადაც ერთად ცხოვრობდნენ. მოგვიანებით კონვერტში წერილი იპოვა. მამა ნამდვილ დედას წერდა. ბოდიშს იხდიდა, რომ მიატოვა და ბავშვი წაართვა. ვერ ხვდებოდა, რატომ დაწერა მამამ ეს წერილი. თარიღის მიხედვით, დედა უკვე ცოცხალი აღარ იყო. უფრო აღიარებას ჰგავდა. კონვერტზე მისამართი იყო. წასვლა და შემოწმება გადაწყვიტა, ნამდვილად იმ სახლის მისამართი იყო თუ არა, რომელიც ესიზმრებოდა. სხვა ქალაქში უნდა წასულიყო, ამიტომ დასვენების დღეს დაელოდა. მისამართზე საჭირო სახლი ნამდვილად იპოვა.
გაოცებული იყო. მაშინვე გაახსენდა, რომ ამ სახლში ყველა ერთად ცხოვრობდა. მოგონებები ერთი მეორეს მოყვა. სახლი მიტოვებული და დანგრეული არ აღმოჩნდა. კარზე დააკაკუნა. ქალის ხმა მოესმა: „გთხოვთ, შემოდით“. შიგნით ნესტის სუნი ეცა. ძველი სახლი ღარიბულად გამოიყურებოდა. ქალმა ოთახში შეიპატაჟა „მაპატიეთ, ავად ვარ, ვერ გამოვალ“. საძინებელში არც თუ ისე მოხუცი ქალი დაინახა. ცხადი იყო, ძალიან ავად იყო. ოთახს სწრაფად თვალი მოავლო და შენიშნა, რომ საწოლის ტუმბოზე მისი ბავშვობის ფოტო იდო. ფერი დაკარგა, კინაღამ ფეხებმაც უმტყუნა. ქალის სახეს დააკვირდა და მასში დედა იცნო. მხოლოდ ამოილუღლუღა: „დედა?“ მწოლიარე ქალმა თვალებში შეხედა და ჰკითხა: „ლაშა, შვილო, შენ ხარ? აქ საიდან? ძვირფასო, მესიზმრებოდი“. ქალის თვალები ცრემლებით აივსო. მაშინვე გონება დაკარგა. ლაშამ ხელი შუბლზე მიადო და მიხვდა, რომ მაღალი სიცხე ჰქონდა. სასწრაფო გამოიძახა. ფილტვების ანთებით საავადმყოფოში გადაიყვანეს.
ახალი სიცოცხლე – როცა დედა უკეთ გახდა, უამბო, როგორ წავიდა მამა სხვა ქალთან. იმ მომენტში მხოლოდ ეს სახლი ჰქონდა, რომელიც მშობლებისგან დარჩა. მასწავლებლად მუშაობდა და ცოტას იღებდა. მამამ გადაწყვიტა, რომ ბავშვი მასთან უკეთ იცხოვრებდა. დედის სახლიდან ბავშვი უბრალოდ მოიპარა. მის პოვნას ცდილობდა, მაგრამ პოლიციამ დახმარებაზე უარი უთხრა. თავად არ იცოდა, როგორ ეპოვა. ბავშვის დაკარგვამ ძლიერ იმოქმედა. სამსახური დაკარგა. მთელი ეს წლები სიღარიბეში ცხოვრობდა, ზოგჯერ სკოლაში დამლაგებლად მუშაობდა. მეტის ძალა არ ჰქონდა. ხშირად ავადმყოფობდა, ფიქრობდა, რომ ამ ზამთარს ვეღარ გადაიტანდა. ლაშა მისი მოსმენისას ტიროდა. მთელი ეს წლები ყოლია დედა და წარმოდგენა არ ჰქონია. ის კი მარტოობაში იტანჯებოდა.
მასთან გადასვლა და ყველაფერში დახმარება გადაწყვიტა. ნივთებს რომ აგროვებდა, კიდევ ერთხელ მამის ნივთების ყუთს გადააწყდა. ბრაზობდა, მაგრამ ესმოდა, რომ მამა ჩადენილს ნანობდა. ამაზე მისი წერილი მეტყველებდა. ნივთების გადარჩევა და მის მოსაგონად ყველაფრის შენახვა გადაწყვიტა. ნივთებს შორის კიდევ ერთი კონვერტი იპოვა. იქ მამის ანდერძი იყო, სადაც ამბობდა, რომ მთელ ქონებას შვილს უტოვებს და არა ოლღას. ლაშამ გადაწყვიტა, რომ მამის შეძენილი ქონება არ დაეთმო ქალისთვის, რომელმაც მათი ცხოვრება დაანგრია. ხანგრძლივი სასამართლო პროცესი წარმატებით დასრულდა. ყველაფერი მიიღო, მაგრამ ოლღას ბინა მაინც დაუტოვა. ქალს წასასვლელი არსად ჰქონდა. თან არავის რთულ მდგომარეობაში დატოვება არ სურდა, როგორც ეს დედას გაუკეთეს.
ამის შემდეგ ცხოვრება დალაგდა. ლაშამ სახლის შეკეთება დაიწყო. მამის ბიზნესში ერკვეოდა და რამდენიმე წელში მისი ხელმძღვანელი გახდა. სიზმარი აღარ დასიზმრებია. მიხვდა, რატომ ესიზმრებოდა ძველი სახლი. ფიქრობდა, რომ მამა ვერ ისვენებდა, ამიტომ დედასთან მიიყვანა. ახლა ერთმანეთი იპოვეს და მამამ იმქვეყნად სიმშვიდე მოიპოვა.
რედაქციის მოსაზრება – ზოგჯერ ცხოვრებას მოულოდნელი სიურპრიზები მოაქვს. აქ იდუმალმა სიზმარმა ყველაფერი მისტიკურად მოაგვარა. რთული სათქმელია, რამ გამოიწვია სიზმარი. ან მამის სული სიმშვიდეს ვერ პოულობდა ან ლაშას გაუცნობიერებლად სიმართლის გაგება სურდა. ამაში ქვეცნობიერი დაეხმარა. ამას უკვე მნიშვნელობა არ აქვს. მთავარია, ამბავი კეთილად დასრულდა.
