ჩვენი წინაპრებისთვის თმა სასიცოცხლო ენერგიას და ძალას განასახიერებდა. უძველესი დროიდან ადამიანები თავიანთ ლამაზ კულულებს განსაკუთრებული მოწიწებით ეპყრობოდნენ და თვლიდნენ, რომ მათ მეტაფიზიკური მნიშვნელობა გააჩნდათ. ითვლებოდა, რომ თმასთან არასწორმა მოპყრობამ შეიძლება უბედურება მოიზიდოს და ბედზეც კი იქონიოს გავლენა. ეს უძველესი ნიშნები დღემდე არსებობს, თუმცა ყველა არ იცავს მათ. პაპარაცის დღევანდელ სტატიაში საუბარია იმაზე, თუ რის გაკეთება არ შეიძლება თმაზე, რათა სასიცოცხლო ძალა და ბედნიერება არ დაკარგოთ.
რის გაკეთება არ შეიძლება თმაზე, თუ არ გინდათ, რომ ბედნიერება განდევნოთ
არ შეიჭრათ თმა თვითონ
დიახ, გოგოებო, დაიმახსოვრეთ: როცა იმიჯის შეცვლა გსურთ, უმჯობესია პროფესიონალებს მიენდოთ. ამას შესაძლოა კატასტროფული შედეგები მოჰყვეს. ხომ არ გსურთ ქუდით სიარული ან წლობით ლოდინი, სანამ თმა ნორმალურ სიგრძემდე არ გაგეზრდებათ? და მეორეც, ამბობენ, რომ სიცოცხლეს იმოკლებთ, როცა თავად ჯადოქრობთ მაკრატლით საკუთარ კულულებზე. ვინ იცის, იქნებ თქვენი თმა – ხანგრძლივი სიცოცხლის საიდუმლოა.
ბევრ გოგოს ვიცნობ, რომლებსაც თმას ახლობლები ჭრიან: დედა, და, ბებია. ესეც არასწორია. ბევრს მიაჩნია, რომ აუცილებლად ეჩხუბება ნათესავს, რომელიც თმას აჭრის.
არ ჩააგდოთ თმა წყალში
ზოგიერთ კულტურაში ითვლება, რომ თმას ჯადოსნური ძალა გააჩნია და შეუძლია გავლენა მოახდინოს ბედზე. ასე რომ, თუ შემთხვევით ან განზრახ აგდებთ თმას წყალში, მზად იყავით იმისთვის, რომ ამ თმას შეუძლია თქვენი ბედნიერი ბედი უცნობი მიმართულებით წაიყვანოს.
ნუ გაიკეთებთ ვარცხნილობას ძილის წინ
მართლაც, ჩვენი წინაპრები იმდენად უფრთხილდებოდნენ თმას, რომ ძილის წინ ვარცხნილობის გაკეთებასაც კი საკმაოდ სარისკო საქმედ თვლიდნენ (ან რა საჭირო იყო ამის გაკეთება). ითვლებოდა, რომ ამას შეეძლო მოეზიდა არასასურველი ენერგია ან უსიამოვნო სიზმრების და კოშმარების მიზეზი გამხდარიყო.
თუმცა, არ ღირს პანიკაში ჩავარდნა და თმის მოვლაზე უარის თქმა იქამდე, სანამ კომფორტულად დადებთ თავს ბალიშზე. ძილის წინ თმის დავარცხნა, პირიქით, სასარგებლოდ და აუცილებლადაც კი ითვლება. ეს ხელს უწყობს უარყოფითი ენერგიის მოშორებას, რომელიც შეიძლება დაგროვდეს დღის განმავლობაში. ასე რომ, ძვირფასო მკითხველო, იყავი მამაცი და დაივარცხნე თმა ძილის წინ იმ რწმენით, რომ სუფთავდები ყველაფრისგან, რაც ზედმეტია.
არავის მისცე შენი თმა
არსებობს ცდუნება, რომ, მაგალითად, საკუთარი კულულის ნაწილი საყვარელ ადამიანს გაუზიაროთ, მაგრამ ასეთი ქმედებებისგან თავი უნდა შეიკავოთ. თმა ხომ თქვენი ნაწილია. ის თქვენს ენერგეტიკას შეიცავს. მისი გაცემით, შეიძლება თქვენი ძალის ნაწილი სხვა ადამიანს გადასცეთ და შემდეგ ნელ-ნელა დაიწყოთ ჭკნობა.
ნუ შეგეშინდებათ ჭაღარა თმის
გაიხსენეთ, რა ლამაზები არიან ვარსკვლავები თავზე ვერცხლისფერი დალალებით! გახსოვთ, რა ელეგანტურად გამოიყურებოდა ჰელენ მირენი წითელ ხალიჩაზე? ეს ღირსების მაგალითია. ასე რომ, მოდით, თამამად მივესალმოთ ჭაღარას, როგორც სიბრძნისა და გამოცდილების სიმბოლოს, რომელიც ჩვენთან წლებთან ერთად მოდის. თუ თქვენ არ ხართ მზად ჭაღარა თმის სატარებლად, მაშინ ტონიკები და საღებავები დაგეხმარებათ. უბრალოდ, ხარისხიანი პროდუქტები აირჩიეთ.
არ დატოვოთ თმა სავარცხელზე
ეს შეიძლება გახდეს უსიამოვნო მომენტების მიზეზი ოჯახურ ცხოვრებაში. ბევრ კულტურაში მიჩნეულია, რომ სავარცხელზე დარჩენილმა თმამ შეიძლება ოჯახში სხვადასხვა ნეგატიური სიტუაციები მოიზიდოს.
ამიტომ იყავით ყურადღებიანი ამ ნიშნის მიმართ და არ დაგავიწყდეთ სავარცხლის თმისგან გასუფთავება დავარცხნის შემდეგ. ეს არა მხოლოდ შესაძლო პრობლემებს აგაცილებთ თავიდან, არამედ ოჯახურ ურთიერთობებში ჰარმონიის შენარჩუნების სურვილის სიმბოლოც იქნება. გარდა ამისა, ეს ჰიგიენურია, რადგან სავარცხელსაც სჭირდება მოვლა.
არსებობს კიდევ უამრავი სხვადასხვა ნიშანი. მაგალითად, ბებიაჩემი ყოველთვის მასწავლიდა, რომ თმა სავარცხლიდან ქარში არ გადამეყარა. თუ ამას გააკეთებ, თავი საშინლად გეტკინება.
