ანჯელა პერლმა უკვე გაშალა ტაროს კარტი 2023 წლის ოქტომბრისთვის. პაპარაცი შედეგებს სიხარულით გიზიარებთ. გიამბობთ, რას უნდა ელოდოს ზოდიაქოს თითოეული ნიშანი. რა თქმა უნდა, კარტი მომავალს ზუსტად ვერ ხედავს, მხოლოდ რბილად მიგვანიშნებს. ყველაფერი მხოლოდ თქვენზეა დამოკიდებული, მაგრამ თუ მინიშნება გჭირდებათ, ჰოროსკოპი კარგი მეთოდია მის მისაღებად.
ანჯელა პერლი: რა ამოვიდა ტაროს კარტზე ზოდიაქოს თითოეულ ნიშანზე 2023 წლის ოქტომბერში
ვერძი
ვერძისთვის ოქტომბერი აღმოჩენების თვეა. კარტი აჩვენებს, რომ თანავარსკვლავედის წარმომადგენლებმა თვითშემეცნებაზე ყურადღება უნდა გაამახვილონ. შესაძლოა ფსიქოლოგთან ვიზიტი დანიშნოთ, თუ დიდი ხანია გსურდათ, ან წაიკითხოთ ფსიქოლოგიური წიგნი, რომელიც პასუხს გაგცემთ ამაღელვებელ კითხვაზე. უკიდურეს შემთხვევაში შეგიძლიათ გაიაროთ ონლაინ ტესტი პიროვნების უკეთ გასაგებად. თუ საკუთარ თავს არ იცნობთ, ვერ მიხვდებით, რა მიმართულება აიღოთ. თუ ცხოვრებაში სიცხადე გსურთ, ჯერ თქვენს პრიორიტეტებსა და სურვილებში გაერკვიეთ.
კურო
ოქტომბერში ცხოვრებისგან ფინანსური ბონუსის მიღების შესაძლებლობა გამოჩნდება. ბედმა სასიამოვნო სიურპრიზი მოგიმზადათ. ოქტომბერში კარიერულ კიბეზე ერთი საფეხურით მაღლა შეიძლება ახვიდეთ ან უფროსთან დაწინაურების საკითხი განიხილოთ. იქნებ, დამატებითი შემოსავლის მიღების ვარიანტი გამოჩნდეს. მოკლედ, ყურადღებით იყავით, რომ ზეციური ნიშანი დროულად დაინახოთ. რა თქმა უნდა, არ დაგავიწყდეთ, რომ სასურველის მისაღწევად ძალისხმევის გაღება მოგიწევთ.
ტყუპები
ცნობილი გრძნეული ტყუპებს ურჩევს საკუთარ თავს მოუსმინოს და დაისვენოს. ბოლოს როდის გადადეთ საქმე და თავისუფალი დრო საკუთარ თავს მიუძღვენით? არც ქმარს, არც შვილებს, არც მეგობრებს, არამედ საკუთარ თავს. თუ დაღლილი ხართ, დაფიქრდით, როგორ იზრუნებთ საკუთარ თავზე. ზოგს განსატვირთად დასვენების დღეს სერიალის ყურება და სწრაფი კვების პროდუქტების ჭამა ყოფნის. იქნებ, სიმშვიდესა და სიწყნარეში დღის გატარება საკმარისი იყოს? ზოგს სრულფასოვანი დასვენება სჭირდება, რომ ნერვული სისტემა მოიწესრიგოს და ძალები მოიკრიბოს.
კირჩხიბი
კირჩხიბის თანავარსკვლავედში დაბადებულმა უნდა გაიხსენოს ჰობი და გატაცება, რომელიც ენერგიით აავსებს. დროა იპოვოთ საქმე, რომელიც სულს უხარია. ოქტომბერი შემოქმედებით სფეროში ნაყოფიერებას გპირდებათ. თუ არ იცით, რით დაკავდეთ, გაიხსენეთ, რა მოგწონდათ ბავშვობაში. თქვენს ფანტაზიებს მოუსმინეთ და შემოქმედებით ფრენაში თამამად გადაეშვით.
ლომი
2023 წლის ოქტომბერში ლომმა სხვებთან ურთიერთობას ყურადღება უნდა მიაქციოს. მოსალოდნელია გამოცდა, რომელშიც თავი კარგ მეგობრად უნდა გამოავლინოთ. ბედმა შეიძლება მზაკვრული გამოცდა ჩაგიტაროთ რომანტიკულ პარტნიორთან ერთგულებაზე. ნებისმიერ შემთხვევაში ყურადღებით იყავით. ეს თვე ლომს უმტყუნებს და სხვებს მის ადამიანურ თვისებებში დააეჭვებს.
ქალწული
ქალწულისთვის ეს სტატია ნიშანია: დროა თქვენი ცხოვრება ნათელი ფერებით აავსოთ. ოქტომბერი პოზიტიური ემოციებით და სასიხარულო შეხვედრებით სავსე იქნება. ბედის სასიამოვნო საჩუქრების მისაღებად გული გახსენით. ტაროს კარტი კარგ განწყობაზეც მიუთითებს. თქვენს ცხოვრებაში დადებითი ცვლილებებია მოსალოდნელი. თუ მუცელში პეპლების გრძნობა მოგენატრათ, არ იდარდოთ, თქვენკენ მოფრინავენ.
სასწორი
ძველი ვალების გასტუმრების დრო მოვიდა. საქმე მხოლოდ ფინანსებს არ ეხება. პატიება სთხოვეთ ახლობლებს, რომელთა გრძნობა ნებით თუ უნებლიეთ შელახეთ. გაიხსენეთ ყველა პირობა, რომელიც დღემდე ვერ შეასრულეთ. დროა იმოქმედოთ! ოქტომბერი ამ ნიშნის ყველა წარმომადგენელს შანსს აძლევს, წარსული წარსულში დატოვოს და ცხოვრება ახალი ფურცლიდან დაიწყოს. საუკეთესო მომენტია, სინდისი გაასუფთავოთ და ახალი საქმე დაიწყოთ.
მორიელი
მორიელი ცხოვრებაში სერიოზული ცვლილებებისთვის მორალურად უნდა მოემზადოს. ახალ წელს ძველი ოცნებები შეიძლება აიხდინოთ. თქვენს პრიორიტეტებს გადახედეთ და ყველაზე მნიშვნელოვანი მიზნები მონიშნეთ. 2024 წელს გრანდიოზული გეგმების მისაღწევად ძალისხმევა არ დაზოგოთ. ცვლილებებს უკვე ოქტომბერში შეამჩნევთ. რეკომენდებულია თავი აარიდოთ ზედმეტ საქმეებს და შეხვედრებს, რომლებიც მთავარ პრიორიტეტებთან არ დაახლოებაში არ გეხმარებათ. დაფიქრდით, რა გიშლით ხელს თქვენი მორალური ღირებულებების დაცვაში.
მშვილდოსანი
ოქტომბერი მშვილდოსნისთვის ოჯახის თვეა. დრო მეუღლეს და შვილებს დაუთმეთ. ვარსკვლავები მიგითითებთ, რომ უნდა დაახლოვდეთ. წარმოიდგინეთ, რომ საყვარელი ადამიანი თავიდან უნდა გაიცნოთ. მის მიმართ გულწრფელი ინტერესი გამოხატეთ. გულითადი საუბრისთვის დრო გამოყავით, რომ ერთმანეთს გული გადაუშალოთ. უახლოეს დროში თქვენი ყურადღება უახლოესი ადამიანებისკენ უნდა იყოს მიმართული.
თხის რქა
ოქტომბერი პირადი საზღვრების გამოცდის თვე იქნება. ასტროლოგი ამ ნიშნის წარმომადგენელს ურჩევს მოთმინება მოიკრიბოს. ალბათ, ურთიერთობის ახლო წრეში ტოქსიკური ადამიანი გამოჩნდება. ძლიერი იყავით და დაჩაგვრის უფლება არავის მისცეთ. სტრესული თვისთვის მოემზადეთ. ბუნებაში მეტი დრო გაატარეთ, სუფთა ჰაერით ისიამოვნეთ. გაიხსენეთ ფსიქოლოგიური პრაქტიკა, რომელიც ხელს შეუწყობს თქვენს ფსიქიკურ ჯანმრთელობას. არ შეგეშინდეთ სირთულეების, არ დაგავიწყდეთ მეგობრებს და ნათესავებს მხარდაჭერა სთხოვოთ, თუ დაგჭირდებათ.
მერწყული
ოქტომბერი რომანტიკული თავგადასავლებით გაგახარებთ. დროა ლამაზი თეთრეული აიღოთ და პირადი ცხოვრება მოაწესრიგოთ. დაივიწყეთ ყველა გაუგებრობა, რომელიც პარტნიორთან წარსულში გქონდათ. პოზიტიურად განეწყვეთ. მალე თავს სასურველად და საყვარლად იგრძნობთ. თქვენი ცხოვრება ნაზი გრძნობებით აივსება. ყოველ საღამოს ბალიშში თავჩარგულმა ტირილი შეწყვიტეთ. მოძებნეთ წამწამების ტუში და საყვარელი ტუჩსაცხი. ოქტომბერი რომანტიკული პაემნებით არ იძუნწებს.
თევზები
თევზებს ტაროს კარტი ჩახლართულ თვეს ჰპირდება. კარტი აჩვენებს ეჭვებს, გაურკვევლობას და გამოცდებს. შესაძლოა, ამ ნიშანს სიმტკიცის შენარჩუნება დასჭირდეს, რომ ახალ წელს ფსიქოლოგიურად მომზადებული შეხვდეს. მოთმინება და გამძლეობა მოიკრიბეთ. მზად იყავით, ბრძნული რჩევების მოსასმენად. აუცილებლად ყველაფერს მიაღწევთ, შემოდგომის სევდას არ აჰყვეთ.
