ყველა ადამიანის ცხოვრებაში არის სიტუაციები, როცა ფულის გასესხება უწევს. რა თქმა უნდა, თუ გაქვთ შესაძლებლობა ფული გაასესხოთ და თავი შეზღუდულად არ იგრძნოთ, ეს კარგი მაჩვენებელია. მაგრამ რატომღაც ყველაზე ხშირად ის, ვინც ფულს ასესხებს, თავს შებოჭილად გრძნობს. მოვალე კი მშვიდად ცხოვრობს და ფულის დაბრუნებაზე არც ფიქრობს. პაპარაცი გიამბობთ, როგორ დასაჯოთ მაწყენარი და გაუღვიძოთ სინდისის გრძნობა.
ამბობენ, კარგად ცხოვრობს ის, ვინც სინდისით არ სარგებლობს. ოღონდ ამით ცხოვრების და ჯანმრთელობის ხარისხი უარესდება. სწორედ ამიტომ, მაინც სჯობს სინდისით ცხოვრება და დანაპირების შესრულება. თუ ვალი აიღეთ, მნიშვნელობა არ აქვს, ფულია თუ რაიმე ნივთი, სცადეთ ვადაში დააბრუნოთ მთელი და უვნებელი. მანამ, სანამ პირი, რომელმაც ნივთი გაასესხა, უკიდურეს ზომებს არ მიმართავს.
როგორ დავსაჯოთ მაწყენარი?
ხშირად მოვალე თავს მშვიდად გრძნობს, საკუთარ თავს არაფერზე საყვედურობს. სხვა კი წუხს და არ იცის, როგორ შეახსენოს ადამიანს ვალის შესახებ. ერთი მხრივ, უხერხულია და არც ისე ლამაზი, თუმცა დაბრუნების ვადა უკვე მოვიდა. სიტუაცია დამაბნეველი ხდება და, ალბათ, ამიტომაც ვალის დიდი ნაწილი არასოდეს ბრუნდება. არ ვიცით, როგორ გავასესხოთ სწორად, რომ მოხდეს დაბრუნება და არ ვიზარალოთ. ამ მდგომარეობაში ადამიანს უვითარდება ნერვული დაავადებები, ქრება ძილი და უქვეითდება მადა.
ამ მდგომარეობას თავი რომ აარიდოთ, უნდა ისწავლოთ, როგორ გაუგზავნოთ სწორად მოვალეს ენერგიული გზავნილი ვალის დაბრუნების შესახებ. დაე, მან ვერ შეძლოს დაძინება და იფიქროს, როგორ დააბრუნოს ფული დროულად. იქნებ, ისწავლოს ვალის გარეშე ცხოვრება, მხოლოდ საკუთარი ძალებით და საკუთარი შესაძლებლობების გაზრდით. რიტუალი ძალიან მარტივია და არც თქვენ, არც მოვალეს საფრთხეს არ უქმნის. დაგჭირდებათ ძველი უსარგებლო წინდა და ჩაის კოვზი მარილი. მარილი წინდაში ჩაყარეთ და საღამოს ძილის წინ თქვით: „ჩემს მოვალეს (მისი სახელი) ეშმაკნი მარილით აწამებენ, ძილს ართმევენ. როგორც კი ვალს დააბრუნებს, მაშინვე გაუშვებენ“. ახლა იცით, როგორ დასაჯოთ მაწყენარი.
ამ სიტყვების თქმის შემდეგ წინდა ბნელ ადგილას დამალეთ. ისე, რომ ვერავინ იპოვოს. ამ სიტყვების შემდეგ იგრძნობთ, რომ შფოთვა გაქრა და გადავიდა მასზე, ვისაც ვალის დაბრუნება არ უნდა. ადამიანი ასეთ მდგომარეობაში დიდხანს ვერ რჩება და იწყებს ვალის დაფარვის გზების ძიებას. სიტუაცია უბრალოდ უნდა გაუშვათ და უკვე სამყარო თავად გადაწყვეტს, როგორ განვითარდეს მოვლენები. მას შემდეგ, რაც მოვალე ვალს დაგიბრუნებთ, წინდა უნდა იპოვოთ. მარილი წინდიდან გარეთ მიწაში ჩაყარეთ, თავად წინდა გადააგდეთ – აღარ დაგჭირდებათ.
როგორ გავასესხოთ სწორად?
ასეთი სიტუაციები საკუთარი ნივთების და ფულის სწორად მართვას გვასწავლის. ვის შეგიძლიათ ენდოთ და ვის შეგიძლიათ ასესხოთ. როგორ ვისწავლოთ სწორად გასესხება, რომ აღარ მოვხვდეთ ფულის დაბრუნების უსიამოვნო სიტუაციაში? ძველად იყო ასეთი პროფესია მევახშე. ადამიანი, რომელიც ხალხს ფულს აძლევდა ძალიან მაღალი პროცენტით. რა თქმა უნდა, ასეთი ვალის დაბრუნებას ყველა ვერ ახერხებდა და მევახშეს უფლება ჰქონდა ფული სხვა ქონებიდან ამოეღო. ალბათ, ამიტომაც ვალის მიმართ ასეთი უსიამოვნო დამოკიდებულება გვაქვს.
მევახშისგან ფულის მისაღებად მოვალეს უწევდა თავისი ქონების ნაწილის ჩადება, რომელიც ვალის ოდენობის იქნებოდა. ნივთი ვალის დაფარვის შემდეგ ბრუნდებოდა. ასეთი ზომა აუცილებელი იყო მოვალეების დისციპლინისა და ვალის დაბრუნების ვადის უზრუნველსაყოფად. თუ გიყვართ გასესხება, წესად უნდა გქონდეთ ვალის ოდენობის გირაოს აღება. ასე მშვიდად დაიძინებთ და თქვენი ფინანსური კეთილდღეობაც არ დაზარალდება დაუბრუნებელი ვალის გამო.
