ბავშვების აღზრდა ნამდვილი ხელოვნებაა და ამ პროცესში მნიშვნელოვან როლს ასრულებს სიტყვები, რომელთაც ვაჟიშვილებს და ქალიშვილებს ვეუბნებით. ფსიქოლოგები აღნიშნავენ, რომ სიყვარულით და ზრუნვით ნათქვამი ძირითადი ფრაზები ბავშვის თავდაჯერებულობის და ბედნიერების საფუძველი შეიძლება გახდეს. პაპარაცი გიამბობთ, რომელი ჯადოსნური სიტყვები უნდა თქვათ ხშირად, რომ ბავშვებს თავდაჯერებულობა და ცხოვრების სიხარული აჩუქოთ, გაიზარდონ თავდაჯერებული პიროვნებები.
რა უნდა უთხრათ ბავშვებს, რომ გაიზარდონ სწორი ფსიქოლოგიური დოგმებით
„არასოდეს დანებდე“
ეს ფრაზა ბავშვის ნებისყოფის და სიმტკიცის განვითარების ნამდვილი დევიზია. ექსპერტები ამტკიცებენ, რომ მიზნის მიღწევაში შეუპოვრობა მთავარ როლს ასრულებს. ამის მნიშვნელობის ხაზგასმით, დაეხმარებით თქვენს შვილს, რომ საკუთარი ოცნებების მებრძოლი გაიზარდოს.
„მოდი, ჩაგეხუტო“
ფსიქოლოგები გვირჩევენ, რომ შვილებს კვირაში მინიმუმ 8–ჯერ ჩავეხუტოთ. ჩახუტება არა მხოლოდ სიყვარულის გამოხატვაა, არამედ ძლიერი მხარდაჭერა. განსაკუთრებით მნიშვნელოვანია ჩახუტება, როცა ბავშვს რაღაც არ გამოსდის. ამ მომენტებში ბავშვებს თქვენი სინაზე და გაგება განსაკუთრებით სჭირდებათ.
„ყოველთვის შენ გვერდით ვიქნები“
მშობლებისგან საიმედო მხარდაჭერის გაცნობიერება მომავალში თავდაჯერებულის და წარმატების საფუძველია. როცა თქვენმა შვილმა იცის, რომ ყოველთვის შეუძლია თქვენი იმედი ჰქონდეს, თავისუფალი და თავდაჯერებული ხდება, მზად არის თავისი ამბიციები განახორციელოს.
„მე შენ მიყვარხარ“
ეს ფრაზა ცხოვრებისა და გარშემომყოფების მიმართ ნდობის ჩამოყალიბების გასაღებია. მშობლების სიყვარული და მხარდაჭერა მთავარი ასპექტია, რომ ბედნიერი და თავდაჯერებული ბავშვი გაზარდოთ და აღზარდოთ. ილაპარაკეთ თქვენს სიყვარულზე, განსაკუთრებით მაშინ, როცა ბავშვი შეცდომებს უშვებს. თქვენი სიტყვა მის თვითშეფასებაზე მაქსიმალურ გავლენას მოახდენს.
„მე შენი მჯერა“
ეს ფრაზა ძლიერი სტიმულია ბავშვისთვის სამყაროს და საკუთარი თავის შესაცნობად. როცა თქვენი პატარა ბავშვი იგებს, რომ მისი გჯერა, ახალი გამოცდების, შეცდომების აღარ ეშინია და დაბრკოლებების გადალახვას სწავლობს. ამრიგად, ბავშვი იზრდება მიზანდასახული და თავდაჯერებული ადამიანი.
რა არ უნდა უთხრათ შვილებს, განსაკუთრებით გოგონებს?
მშობლები ყურადღებით უნდა იყვნენ, რომ ბავშვებში არ ჩამოაყალიბონ სტერეოტიპები და როლები, რომლებიც მომავალზე ნეგატიურად აისახება. თუ გსურთ გაზარდოთ თანამედროვე, ძლიერი და თავდაჯერებული პიროვნება, თავი აარიდეთ შემდეგ ფრაზებს.
„შენ მომავალი დიასახლისი ხარ“
ეს ფრაზა, თუნდაც საუკეთესო ზრახვით ნათქვამი, ქალიშვილის პოტენციალს ზღუდავს. მტკიცებულება, რომ ცხოვრებაში მისი ერთადერთი როლი სახლზე ზრუნვა იქნება, ხელს შეუშლის გახდეს წარმატებული და ბედნიერი ქალი.
„დაუთმე, იყავი უფრო გონიერი, გოგო ხარ“
სიტყვა, რომელიც ქალიშვილს მოუწოდებს იყოს დამთმობი, ხელს უწყობს მსხვერპლის პიროვნების იმიჯის შექმნას, რომელიც საკუთარ თავზე უარს ამბობს სხვების სასარგებლოდ. ზრდასრულ გოგოს, რომელსაც მუდმივად ეს ფრაზა ესმის, თავისი ინტერესებისა და სურვილების გამოხატვა შეიძლება გაუჭირდეს.
„იყავი ცბიერი“
არსებობს მოსაზრება, რომ ქალმა თავისას ცბიერობით უნდა მიაღწიოს. მაგრამ ნებისმიერი ფსიქოლოგი გეტყვით, რომ ეშმაკობის წახალისება ჯანსაღი მიდგომა არაა. უმჯობესია, თქვენს ქალიშვილს გულწრფელობა და ღირსეულად მოქცევა ასწავლოთ. ეს მის მიერ დასახული მიზნების მიღწევისთვის საფუძველი გახდება.
„მთავარია, გათხოვდე“
მოძველებული ფრაზა, რომელიც თანამედროვე რეალობას არ შეესაბამება. მიეცით ქალიშვილს არჩევანის თავისუფლება, მიეცით საშუალება იყოს დამოუკიდებელი. დაე, თავად გადაწყვიტოს, რა არის მნიშვნელოვანი მისი ბედნიერებისთვის: კარიერა, ოჯახი თუ რაღაც სხვა.
„უსაქმოდ ნუ ზიხარ“
ფრაზამ, რომელიც დასვენების გამო თავს დამნაშავედ გაგრძნობინებთ, ზედმეტი აქტივობა შეიძლება გამოიწვიოს. ამის ნაცვლად ქალიშვილი წაახალისეთ, რომ ახალი ინტერესები და ჰობი შეიძინოს, დაეხმაროთ იმის გაგებაში, რომ დასვენება მისი განვითარების მნიშვნელოვანი ნაწილია.
„ფულში არაა ბედნიერება“
ამ ფრაზამ ქალიშვილში ფულისადმი უარყოფითი დამოკიდებულება შეიძლება ჩამოაყალიბოს. დიახ, არა მხოლოდ მატერიალური ფასეულობების დაფასება უნდა ასწავლოთ. თუმცა ბავშვს უნდა ესმოდეს, რომ ფული უზრუნველყოფს კომფორტს და სრულფასოვანი ცხოვრების შესაძლებლობას.
არ დაგავიწყდეთ, რომ თქვენი სიტყვა არა მხოლოდ ბგერების ერთობლიობაა, არამედ თქვენი შვილის პიროვნებად ჩამოყალიბების ერთ–ერთი მთავარი ელემენტი. აღზარდეთ თქვენი შვილები სიყვარულით, მხარი დაუჭირეთ და გჯეროდეთ თქვენი პატარა ჩემპიონების.
