კლემენტე დელ ვეკიო არის კოპმპანია Luxottica-ს დამაარსებლის უკანონო ვაჟი. ახლა ახალგაზრდა 19 წლისაა და ნაკლებად სავარაუდოა, რომ ინტერნეტში მისი სულ მცირე ათი ახალი ფოტო მაინც იყოს.
გენიოსი, მილიარდერი, ფლეიბოი, ფილანტროპი – სწორედ ასე აღწერდა რობერტ დაუნი უმცროსი თავის პერსონაჟს მარველის სამყაროდან. სამწუხაროდ, რეალურ ცხოვრებაში ტონი სტარკთან შეხვედრა შეუძლებელია, მაგრამ იმისთვის, რომ გაიგოთ მათი ვინაობა, ვინც თეორიულად მის ადგილს დაიკავებდა, უბრალოდ გადახედეთ Forbes-ის სიებს. მთავარში, ალბათ, ყველა მამაკაცი უკვე დაკავებულია, მაგრამ ეს არ არის განაწყენების მიზეზი. ასევე არის ყველაზე შესაშური მარტოხელების რეიტინგი და ყველა, ვინც მასში შედის, არის სრულიად ახალგაზრდა, ლამაზი და უმეტეს შემთხვევაში უცოლო!
წელს ყველაზე ახალგაზრდა მილიარდერთა სიაში (მკაცრად არაუმეტეს 30 წლისა!) პირველი ადგილი კვლავ იტალიელმა კლემენტე დელ ვეკიომ დაიკავა. ის ფაქტი, რომ ის ზღაპრულად მდიდარია, დიდი ხანია ცნობილია, მაგრამ ის, რომ ბიჭი ასეთი სიმპათიურია, სულ ახლახან გაირკვა. საქმე ისაა, რომ კლემენტეს მამა, კომპანია Luxottica-ს მფლობელი (რომელიც მოიცავს Ray Ban ბრენდსაც) ლეონარდო დელ ვეკიო, გულდასმით იცავდა ბიჭს სხვების ყურადღებისგან. თავად ბიზნესმენი გარდაიცვალა 2022 წლის 27 ივნისს, 87 წლის ასაკში და მის შვილს მემკვიდრეობით ერგო ბიზნესში წილი და 4,7 მილიარდი დოლარი.
ამის შემდეგ, ახალგაზრდამ ცოტა უფრო ხშირად დაიწყო საზოგადოებაში გამოჩენა, მაგრამ მაინც ნაკლებად სავარაუდოა, რომ ინტერნეტში მისი ახალი ათი ფოტო მაინც შეგხვდეთ. ის, თუ რატომ მალავდა უფროსი დელ ვეკიო თავის ვაჟს საზოგადოებისგან, რამდენიმე მიზეზით შეიძლება აიხსნას. უპირველეს ყოვლისა, მეწარმე აფასებდა მემკვიდრის უსაფრთხოებას და ეშინოდა, რომ არაკეთილმოსურნეებს არ გაეტაცათ იგი. მეორეც, კლემენტე უკანონო შვილია და მისმა დაბადებამ ერთ დროს დიდი ხმაური გამოიწვია.
ყველაზე ახალგაზრდა მილიარდერის დედა საბინა გროსია. ის ლეონარდო დელ ვეკიოზე 30 წლით უმცროსი იყო და მის კომპანიაში მუშაობდა. საბინა იყო Luxottica-ს ერთ-ერთი ტოპ მენეჯერი და პასუხისმგებელი იყო ახალი ინვესტორების მოზიდვაზე, შემდეგ კი მიიღო ადგილი დირექტორთა საბჭოში. 2001 წელს მას დელ ვეკიოსგან შეეძინა ვაჟი, ლუკა. სამი წლის შემდეგ კი – კლემენტე შეეძინა. საბინა გროსის და ლეონარდო დელ ვეკიოს ურთიერთობა ოფიციალურად არ დაურეგისტრირებიათ და 2010 წელს ისინი დაშორდნენ. მეწარმე განქორწინებიდან ათი წლის შემდეგ კვლავ დაუბრუნდა თავის პირველ მეუღლეს, ნიკოლეტა ზამპიოლოს.
საერთო ჯამში, ლეონარდო დელ ვეკიოს ექვსი შვილი ჰყავდა – სამი სხვადასხვა ქალისგან. ყველა მათგანმა, მათ შორის მეწარმის უკანასკნელმა მეუღლემ, მემკვიდრეობით მიიღო დაახლოებით 3,5 მილიარდი დოლარი და ასევე გაიყვეს იახტა, თვითმფრინავი, პორტი, ბინები მილანში, ვილა და ასევე სახლი კარიბის ზღვის ერთ-ერთ კუნძულზე.
იმისდა მიუხედავად, რომ 19 წლის კლემენტე დელ ვეკიო უკვე მილიარდერთა სიაშია, ჯერ უცნობია, იღებს თუ არა მონაწილეობას მამის კომპანიის მართვაში. რამდენიმე წლის წინ ინტერნეტში გაჩნდა ინფორმაცია, რომ სამსახურში ჩართვამდე, ახალგაზრდა გეგმავდა სპეციალიზებული განათლების მიღებას.
„მამა, შენ ყოველთვის მიბიძგებდი შრომისმოყვარეობისაკენ და მეუბნებოდი, რომ სკოლაში უკეთესად მესწავლა. ოდესღაც იმედგაცრუებული ვიყავი შენით, მაგრამ ახლა მესმის, რომ შენ საუკეთესო მამა იყავი“,- თქვა მან ლეონარდო დელ ვეკიოს დაკრძალვაზე და ხაზგასმით აღნიშნა, რომ ცხოვრების საშინელი ტემპის მიუხედავად, მამა ყოველთვის პოულობდა დროს, რომ მონაწილეობა მიეღო თითოეული მემკვიდრის აღზრდაში.
თავად ლეონარდო დელ ვეკიო ძალიან ღარიბ ოჯახში დაიბადა და თავისი ბიზნეს კარიერა ნულიდან დაიწყო. მან მამა ადრე დაკარგა და ქმრის გარეშე დარჩენილმა დედამ ბიჭი ბავშვთა სახლში გაგზავნა, რადგან მას კიდევ სამი უფროსი შვილი ჰყავდა. მომავალმა მეწარმემ თავისი კარიერა დაიწო მუშაობით იარაღებისა და მარკების წარმოების სპეციალისტთან, შემდეგ კი გახსნა საკუთარი კომპანია, რომელიც სათვალეების ჩარჩოებს აწარმოებდა. სხვათა შორის, კლემენტემდე, ყველაზე ახალგაზრდა მილიარდერების რეიტინგს ასევე სათავეში ედგა მდიდარი მემკვიდრე – გერმანელი კევინ დევიდ ლემანი, რომელიც ფლობს წილს გერმანულ სააფთიაქო ქსელში dm-drogerie.
