ონკოლოგი ბორის კასპაროვი ხაზგასმით აღნიშნავს, რომ ხალის მუდმივი დაზიანება შეიძლება გახდეს კიბოს განვითარების კატალიზატორი.
პეტროვის ონკოლოგიის ეროვნული სამედიცინო კვლევითი ცენტრის მთავარი სპეციალისტის, ბორის კასპაროვის თქმით, ონკოლოგიური დაავადებების მიზეზი შეიძლება იყოს არა მხოლოდ გენეტიკური ფაქტორები და ორგანიზმზე არახელსაყრელი პირობების ხანგრძლივი ზემოქმედება, არამედ ყოველდღიური დაზიანებებიც.
აღსანიშნავია, რომ ყველაზე ხშირად კიბო ვითარდება ხალების მუდმივი დაზიანების შედეგად, განმარტავს კასპაროვი. ამასთან აღნიშნავს, რომ ადამიანი შეიძლება გაუცნობიერებლად, მაგრამ რეგულარულად აზიანებდეს ჰიპერპიგმენტურ ნევუსს. ეს იწვევს ქრონიკულ დაზიანებას, რომელიც ხელს უწყობს კიბოს უჯრედების წარმოქმნას.
სწორედ ამიტომ, რეკომენდებულია მოიშოროთ ნევუსი, რომელიც მდებარეობს სხეულის იმ ადგილებში, რომლებიც ყველაზე მგრძნობიარეა დაზიანებების მიმართ, ამბობს სპეციალისტი.
ზოგადი პრაქტიკის ექიმი ტატიანა ზახაროვა ასახელებს, რომელი ნიშნები საუბრობს კიბოზე.
„კანის კიბო კანზე განვითარებული ავთვისებიანი სიმსივნეების ჯგუფის ზოგადი სახელწოდებაა. კანის კიბოს რამდენიმე ძირითადი ტიპი არსებობს, თითოეულს საკუთარი მახასიათებლები და პირველი ნიშნები აქვს“ – ამბობს ზახაროვა.
ბაზალიომა (ბაზალურ–უჯრედოვანი კარცინომა):
- ჩვეულებრივ, საწყის ეტაპზე ჩნდება როგორც პატარა გამჭვირვალე ან მოყვითალო ხორკლი კანზე, ხშირად მოწითალო ან მარგალიტისფერი ელფერით.
- შესაძლებელია სისხლდენა ან ქერქის წარმოქმნა, რომელიც რამდენიმე კვირის განმავლობაში არ ხორცდება.
- ყველაზე ხშირად ჩნდება სახეზე, ყელზე, ყურებზე, მაგრამ შეიძლება გამოჩნდეს ნებისმიერ სხვა ადგილას, განსაკუთრებით მზის სხივების ზემოქმედების ქვეშ მყოფ კანზე.
ბრტყელუჯრედოვანი კანის კიბო (ბრტყელუჯრედოვანი კარცინომა):
- შეიძლება დაიწყოს როგორც ბრტყელი, წითელი წყლული, ჭრილობა, რომელიც არ ხორცდება.
- შესაძლებელია ჩამოყალიბდეს მეჭეჭი ან გამონაზარდი, სდიოდეს სისხლი და ნელ–ნელა ზომაში იზრდებოდეს.
- ჩვეულებრივ ვითარდება მზის სხივების ზემოქმედების ქვეშ მყოფ კანზე, როგორიცაა სახე, ყურები, ტუჩები, ზურგი, ხელები.
მელანომა
- ხშირად იწყება კანზე ხალის ან ახალი წარმონაქმნის ცვლილებით.
- შეიძლება იყოს არათანაბარი ფერის (შავი, ყავისფერი, მოწითალო, თეთრი, ლურჯი), ჰქონდეს უჩვეულო ფორმა და 6 მმ–ზე მეტი დიამეტრი.
- ხალი შეიძლება გამუქდეს ან დროთა განმავლობაში შეიცვალოს ფერი, ზომა და ფორმა.
„მნიშვნელოვანია გვახსოვდეს, რომ კანის კიბოს პირველი ნიშნები შეიძლება განსხვავდებოდეს ადამიანში და სხვადასხვა შემთხვევაში. თუ შეამჩნიეთ კანზე საეჭვო ცვლილებები, განსაკუთრებით თუ დიდი ხნის განმავლობაში არ ქრება ან იცვლება, მიმართეთ ექიმს პროფესიული შეფასებისა და დიაგნოსტიკისთვის“ – ხაზს უსვამს ზახაროვა.
კანის კიბოს დროული გამოვლენა ზრდის წარმატებული მკურნალობის და გამოჯანმრთელების შანსებს.
მნიშვნელოვანია! ინფორმაცია გაცნობით ხასიათს ატარებს. უკუჩვენებებზე და გვერდით მოვლენებზე სპეციალისტს მიმართეთ და არავითარ შემთხვევაში ჩაიტაროთ თვითმკურნალობა. დაავადების პირველი ნიშნების გამოვლენისას ექიმს მიმართეთ.
