გლობალური ინდუსტრიალიზაციის ეპოქამ თავში ჩაგვინერგა, რომ სახლში ნაყინის მომზადება თითქმის შეუძლებელია. როგორც საყოფაცხოვრებო ტექნიკის გამყიდველები გვარწმუნებდნენ, იდეალური კონსისტენციის მისაღებად სანაყინე აპარატი აუცილებელია! არავის არ აშფოთებდა ის ფაქტი, რომ ნაყინი 5000 წლის წინ გამოჩნდა. ეს ნიშნავს, რომ მისი მომზადების მრავალი რეცეპტი არსებობს სპეციალური აღჭურვილობის გარეშე. ჩემი ერთ–ერთი საყვარელი მაგალითია თაფლის ნაყინი კვერცხის გულით. მისი გემო მყისიერად მაბრუნებს ბავშვობაში, როცა მსგავსი დესერტები კაფეებში ჯერ კიდევ იშოვებოდა.
სახლის ნაყინს ბევრად მეტი სარგებელი აქვს, ვიდრე მაღაზიაში ნაყიდს. პირველ რიგში, პროდუქტებზე დაზოგვა არ მოგიწევთ. პირველი კლასის ნაღებით თავი შეგიძლიათ გაინებივროთ. მეორეც, არანაირი არომატიზატორი და კონსერვანტი – მხოლოდ ნატურალური გემო! მესამეც, სახლის ნაყინი ყოველთვის ახალია, ეს კი სხვა ამბავია. შეუძლებელია, რომ პროდუქტი თვეების განმავლობაში გაყინული იყოს და არ დაკარგოს თვისებები. რა თქმა უნდა, თუ არ გამოიყენება სპეციალური ქიმიკატები.
როგორ მოვამზადოთ ნაყინი თაფლით
დავიწყოთ ჩემი საყვარელი რეცეპტით, რომელიც ბებიამ საგულდაგულოდ ჩაიწერა თავის კულინარიულ წიგნში. თავის დროზე, რეცეპტი ნახა რომელიღაც სატელევიზიო შოუში. მაშინ ძალიან მოდური იყო რეცეპტების ჩაწერა პირდაპირ ტელეეკრანიდან. ყოველწლიურად, როგორც კი მზე დუღილს იწყებს, ძველ, გაცვეთილ ბლოკნოტს ვხსნი ჩემი საყვარელი ნაყინის მოსაძებნად.
ჩვეულებრივ, ამ პოპულარული დესერტის მოსამზადებლად გამოიყენება შაქრის სიროფი, მაგრამ თაფლი მისი იდეალური ალტერნატივაა. პრინციპში, თაფლი იგივე შაქარია, მაგრამ სარგებელი მაინც აქვს. ასე დესერტის გემო და არომატი გაცილებით მდიდრდება.
ინგრედიენტები:
- 250 მლ ცხიმიანი ნაღები (სასურველია 20%, უკეთესია 30%)
- 100 გ თაფლი
- 3 კვერცხის გული
- მწიკვი ვანილინი ან 0,5 ჩ/კ ვანილის შაქარი
მომზადების წესი:
- აიღეთ ქვაბი ანტიმიწვის საფარით, უკეთესია, თუ მოამზადებთ თასს წყლის აბაზანაზე. ასე დარწმუნებული იქნებით, რომ თქვენი ნაყინი იდეალური გამოვა.
- ცხიმიანი ნაღები და თაფლი აურიეთ და სუსტ ცეცხლზე გააცხელეთ. ვანილინი ან ვანილის შაქარი დაუმატეთ, ბოლომდე გახსნამდე აურიეთ.
- ცალკე ათქვიფეთ ნაღები–თაფლის მასა კვერცხის გულებთან ერთად, შემდეგ ცეცხლზე დააბრუნეთ.
- მომავალ ნაყინს მუდმივად ურიეთ, სანამ შესამჩნევად შესქელებას არ დაიწყებს. ადუღებამდე არ მიიყვანოთ. მერწმუნეთ, კვერცხის გულები ნებისმიერ გამასქელებელზე უკეთ დაგეხმარებათ მუსის კონსისტენციის მიღებაში.
- ახლა მომავალი ნაყინი საყინულეში რამდენიმე საათით მოათავსეთ. სუფრაზე გატანისას დამატებითი ულუფა თაფლი მოასხით და კაკლის ნაფშვენი მოაყარეთ. გასაოცარი გამოვა!
თაფლის ნაყინი გორგონძოლით
დიდი ხანია ვიცოდი, რომ კეთილშობილი ყველი შეგვიძლია დესერტებს დავუმატოთ, მაგრამ ნაყინმა, რომელიც ერთხელ ჯელატერიაში გავსინჯე, ერთხელ და სამუდამოდ დამიმტკიცა, რომ ყველი ნაყინის გემოს საუკეთესოდ ავლენს. რა თქმა უნდა, შეგიძლიათ სცადოთ ნაყინის მომზადება კარგად დაძველებულ დორბლიუსთან ერთად, მაგრამ გორგონძოლა, თავისი გამოხატული სიცხარით, უკეთ შეეფერება. თუ შესაფერის თაფლზე ვსაუბრობთ, ამ რეცეპტისთვის წიწიბურას თაფლი საუკეთესოა.
ინგრედიენტები:
- 140 გ გორგონძოლა
- 200 მლ ცხიმიანი რძე
- 200 მლ ცხიმიანი ნაღები
- 3 კვერცხის გული
- 7 ს/კ თაფლი
მომზადების წესი:
- გორგონძოლა დაჭერით ან ხელით დაფშვენით. მსხვილი ნატეხების წარმოქმნას მოერიდეთ.
- სამი კვერცხის გული კოვზ თაფლთან ერთად ათქვიფეთ პატარა ქვაბში ან თასში. გვერდზე გადადეთ.
- რძე ადუღებამდე მიიყვანეთ. ნელ–ნელა დაუმატეთ კვერცხის გულების ნარევს, მუდმივად ურიეთ, რომ კოშტები არ წარმოიქმნას. მიღებული ნარევი სუსტ ცეცხლზე ხარშეთ და თხელი კრემის მასის მიღებამდე ურიეთ. მთავარია, ზედმეტად არ ჩახარშოთ, რომ არაფერი დაიწვას და აიჭრას.
- ჯერ კიდევ თბილ ნარევს ყველის ნაფშვენი დაუმატეთ. დაელოდეთ, სანამ ოდნავ გადნება და აურიეთ, შემდეგ ცივი ნაღები და თაფლი დაუმატეთ.
- მიღებული ნაყინი საყინულეში მოათავსეთ. 3–4–ჯერ გამოიღეთ და აურიეთ, რომ მასა არც ისე მკვრივი გამოვიდეს. მთელი პროცესი 4–10 საათი გრძელდება, მაგრამ მხოლოდ პირველი ორი გამოღებისას მორევა საკმარისია.
გამაგრილებელი კივის სორბეტი თაფლით
კვერცხის გულები ნაღებთან ერთად, რა თქმა უნდა, გემრიელია, მაგრამ ძალიან ცხიმიანი. ზაფხულის სიცხეში კი ხანდახან გვინდა რაღაც წვნიანი და გამაგრილებელი. სორბეტის მომზადება უფრო ადვილია, ვიდრე თაფლის ნაყინის. როგორც მინიმუმ, მისი კონსისტენცია ნაკლებად პრეტენზიულია. მის მოსამზადებლად ბლენდერი დაგჭირდებათ.
ეს ნაყინი არა მხოლოდ გემრიელია, არამედ დიეტური. უფრო ნაკლებ კალორიას შეიცავს, ვიდრე სხვა დესერტები. შეგიძლიათ მოამზადოთ თითქმის ნებისმიერი ხილისგან, რომელიც ადვილად იყინება: კივი, საზამთრო, ნესვი, მანგო, ბანანი და კენკრაც. გემოვნებით ალკოჰოლის დამატება, მაგრამ მხოლოდ ერთი კოვზი სპირტიანი სასმელი, სორბეტს ყინულად გადაქცევაში ხელს შეუშლის. დესერტის ჰაეროვან კონსისტენციას შეინარჩუნებს.
ინგრედიენტები:
- 650 გ კივი
- 2 ს/კ თაფლი
- 1 ს/კ ლიმონის წვენი
- 1 ს/კ ძლიერი ალკოჰოლი (ვისკი, კონიაკი ან არაყი)
მომზადების წესი:
- კივი გათალეთ და ბოლომდე გამაგრებამდე გაყინეთ. მოსახერხებელი რომ იყოს, ხილი წინასწარ შეგიძლიათ დაჭრათ.
- გაყინული კივი ბლენდერში მოათავსეთ. თაფლი, ალკოჰოლი და კოვზი ლიმონის წვენი დაუმატეთ. კარგად დააბლენდერეთ. პიტნის ფოთლების დამატება ზედმეტი არ იქნება.
- მასა ფორმაში ან თასში გადაიტანეთ, შემდეგ საყინულეში მოათავსეთ. სორბეტს გამაგრების პირველი საათის განმავლობაში 3–4–ჯერ აურიეთ, სუფრაზე 6 საათის შემდეგ შეგიძლიათ გაიტანოთ.
ზაფხულის სიცხეში გამაგრილებელი დესერტი საუკეთესო არჩევანია. ახლა იცით, როგორ მოამზადოთ თაფლის ნაყინი. თაფლი დამატკბობლის სახით ყველაზე მეტად მომწონს, მაგრამ დამატებით ვამზადებ ტკბილ სიროფებს ახალი ხილისა და კენკრისგან. ახალი მარწყვი შოკოლადის ნაფშვენით განსაკუთრებით მომწონს. შესანიშნავი წყვილია სახლის პლომბირისთვის.
