მაიონეზიანი ცომი, გაზვიადების გარეშე, საუკეთესო ცომია, რომელიც გამომიცდია. ძალიან მარტივი მოსამზადებელია. საოცრად მკვრივი და ელასტიკური ტექსტურა აქვს. მისგან ნებისმიერი რამ შეგიძლია გამოაცხოთ: პიცა, ფუნთუშა, პეროგი. დიდებული გამოდის! სწორედ ამიტომ, თამამად შეგვიძლია გირჩიოთ მაიონეზიანი ცომის რეცეპტი.
„პაპარაცი“ გიზიარებთ ცომის რეცეპტს, რომელიც ცომეულზე თქვენს შეხედულებებს შეცვლის.
ცომი მაიონეზით
ცომის ინგრედიენტები ძალიან მარტივია, არაფერი გამორჩეული. შეიძლება ითქვას, რომ თითქმის ყველა სამზარეულოში შეგიძლიათ იპოვოთ. რეცეპტიც მარტივია, თავად შეაფასეთ.
ინგრედიენტები:
- 150 გ მაიონეზი
- 0,5 ჩ/კ მარილი
- 3 ჩ/კ შაქარი
- 25 გ საფუარი
- დაახლოებით 4 ჭიქა ფქვილი
- 1 ჭიქა წყალი
მომზადების წესი:
1. ჯერ საფუარი მოამზადეთ. პატარა თასი აიღეთ, 25 გრამი საფუარი 1 ჭიქა თბილ წყალში გახსენით. გახსოვდეთ, რომ წყალი ცხელი არ უნდა იყოს, რომ საფუარი არ დაზიანდეს. წყლის ტემპერატურა 30–35 გრადუსი უნდა იყოს. კარგად აურიეთ, სანამ საფუარი ბოლომდე არ გაიხსნება.
2. ახლა ინგრედიენტებს აურიეთ. საფუვრის ხსნარი დიდ თასში გადაიტანეთ. დაუმატეთ 150 გრამი მაიონეზი, ნახევარი ჩაის კოვზი მარილი და სამი ჩაის კოვზი შაქარი. კარგად აურიეთ, სანამ ერთგვაროვანი ნარევი არ გამოვა. მაიონეზი კვერცხის და კარაქის იდეალური ალტერნატივაა, რაც ცომის მომზადების პროცესს ამარტივებს.
3. ფქვილი დაუმატეთ. ფქვილი (დაახლოებით 4 ჭიქა) თანდათან დაუმატეთ, მორევა არ შეწყვიტოთ. უმჯობესია ფქვილი ნაწილ–ნაწილ დაუმატოთ, რომ თანაბრად გადანაწილდეს და კოშტები არ წარმოიქმნას. თავიდან კოვზით ან მიქსერით (ცომის თავით) შეგიძლიათ აურიოთ, შემდეგ ხელით მოზელაზე გადადით.
4. როცა ცომი საკმარისად გასქელდება, ფქვილმოყრილ ზედაპირზე გადმოიტანეთ და ხელით მოზელა გააგრძელეთ. მოზილეთ მანამ, სანამ ცომი რბილი და ელასტიკური არ გახდება, მაგრამ არა წებოვანი. ეს პროცესი 10–15 წუთი შეიძლება გაგრძელდეს.
5. ცომი დიდ თასში გადაიტანეთ. წინასწარ თასს ზეთი წაუსვით, რომ ცომი არ მიეწებოს. თასს სუფთა ტილო ან პარკი გადააფარეთ და 1,5 საათი სითბოში გააჩერეთ. ცომი მოცულობაში 2–3–ჯერ უნდა გაიზარდოს. ამოსული ცომი რამდენჯერმე ჩაზილეთ, რომ დაგროვილი ნახშირორჟანგი გამოვიდეს. ეს მომავალ ცომს უკეთესს ტექსტურას მიანიჭებს.
ფაფუკი ცომეული
ცომი მზად არის გამოსაყენებლად. მისგან გამოაცხვეთ ღვეზელები, ფუნთუშები, პიცა ან ნებისმიერი სხვა ცომეული გემოვნებით. ცხობის დრო და ტემპერატურა არჩეულ რეცეპტზე არის დამოკიდებული, მაგრამ ჩვეულებრივ 180–200 გრადუსი და 20–30 წუთი საკმარისია, ნაწარმის ზომის მიხედვით. მაიონეზიანი ცომის რეცეპტი გამოგადგებათ, როცა დრო არ გაქვთ, მაგრამ რაღაცის გამოცხობა გსურთ.
