ბევრი ადამიანი აღმერთებს არომატულ წასახემსებელს პეკინის კომბოსტოთი, რომელიც ხრაშუნა ტექსტურით გამოირჩევა. სალათა გვაოცებს მარტივი შემადგენლობით და მდიდარი გემოთი. სალათა პეკინის კომბოსტოთი და ბარდით წვნიანობით ხიბლავს ყველას, ვინც ერთხელ მაინც გასინჯა.
გირჩევთ, ასეთი კერძის საკაზმად გამოიყენოთ შინ მომზადებული მაიონეზი და არა მაღაზიაში ნაყიდი. პირველ რიგში, სახლის მაიონეზი უფრო სასარგებლოა, ვიდრე მაღაზიაში ნაყიდი. მეორეც, მისი მომზადება შეგიძლიათ ბარდის კონსერვის სითხისგან. ბოლო მიზეზი აქტუალურია პეკინის კომბოსტოთი წასახემსებლის მომზადებისას.
გემრიელი სალათა პეკინის კომბოსტოთი და ბარდით
სურვილის შემთხვევაში, ამ კერძის სამარხვო ვარიანტი შეგიძლიათ გააკეთოთ. ამისთვის ინგრედიენტების სიიდან ამოიღეთ მოხარშული კვერცხი. სულ ესაა! სახლის მაიონეზში კვერცხი და რძე ისედაც არ შედის, ამიტომ ამაზე შეგიძლიათ არ ინერვიულოთ.
ინგრედიენტები:
- 420 გ დაკონსერვებული ბარდა
- 350 გ პეკინის კომბოსტო
- 2 კვერცხი
- 1 ს/კ ვაშლის ძმარი
- 1 ჩ/კ მდოგვი
- 300 მლ მზესუმზირას ზეთი
- 0,5 ჩ/კ შაქარი
- 0,25 ჩ/კ მარილი
- დაფქული შავი წიწაკა
მომზადების წესი:
- მაიონეზი გააკეთეთ. ბლენდერის ჭიქაში ჩაასხით 100 მლ სითხე ბარდის კონსერვიდან. შაქარი, მარილი და მდოგვი დაამატეთ.
- ვაშლის ძმარი ჩაასხით და ქაფის წარმოქმნამდე დააბლენდერეთ. თანდათან მზესუმზირას ზეთი დაუმატეთ. ერთგვაროვანი სქელი მასის მიღებამდე დაბლენდერება გააგრძელეთ.
- კვერცხი ქვაბში მოათავსეთ. წყალი დაასხით. წყლის ადუღების შემდეგ კვერცხი 10 წუთი ხარშეთ. შემდეგ გაფცქვენით და პატარა კუბებად დაჭერით.
- პეკინის კომბოსტო კარგად გარეცხეთ. მწვანე და თეთრ ნაწილებად დაჭერით. ახალი კამა და მწვანე ხახვი გამდინარე წყალში გარეცხეთ და წვრილად დაჭერით.
- პეკინის კომბოსტო და მოხარშული კვერცხი ღრმა თასში მოათავსეთ. ახალი მწვანილი და დაკონსერვებული ბარდა დაუმატეთ. ხელნაკეთი მაიონეზით შეკაზმეთ. შავი წიწაკა გემოვნებით დაუმატეთ და ინგრედიენტებს აურიეთ.
თუ მაიონეზის გაკეთება არ გსურთ, სუპერსაკაზმი მოამზადეთ. 4 სუფრის კოვზი არაჟანი თასში მოათავსეთ. მსხვილი კბილი ნიორი გაფცქვენით და დაჭყლიტეთ. არაჟანს დაუმატეთ ნიორი და 0,5 ჩ/კ მდოგვი. მარილი და დაფქული შავი წიწაკა გემოვნებით დაამატეთ. ინგრედიენტებს კარგად აურიეთ. არომატული საკაზმი სალათისთვის მზადაა.
