ოჯახურ ვახშამზე ან მეგობრების გარემოცვაში ჭიქა ნახევრად ტკბილი წითელი ღვინის დალევა მიყვარს, მაგრამ სუპერმარკეტებში ღვინის ფასები უბრალოდ გასაოცარია! გემრიელი და ხარისხიანი სასმელი ქიმიის გარეშე ძალიან ძვირი ღირს. ამიტომაც, ღვინოს სახლში ვაკეთებ. მის შემადგენლობაში 100%-ით დარწმუნებული ვარ.
შეინახეთ ეს რეცეპტი და მოამზადეთ ღვინო ძველი მურაბიდან. დაგჭირდებათ მარტივი და ბიუჯეტური ინგრედიენტები, რომლებიც უკვე გაქვთ სამზარეულოში. კარგი გადაწყვეტილებაა მათთვის, ვინც არ იცის, სად წაიღოს ქილა ძველი მურაბა!
როგორ მოვამზადოთ ღვინო ძველი მურაბიდან?
სახლის პირობებში ღვინო შეგიძლიათ მოამზადოთ ნებისმიერი მურაბიდან: ჟოლოს, ალუბლის, მარწყვის, მოცხარის თუ ქაცვის მურაბიდან. ექსპერიმენტები ჩაატარეთ და დატკბით შინაური სასმლის საოცარი გემოთი და არომატით.
ინგრედიენტები:
- 0,5 ლ მურაბა
- 2 ჭიქა შაქარი
- 1 ჭიქა ბრინჯი
- 2 ლ წყალი
მომზადების წესი:
1. ბრინჯი, შაქარი და მურაბა სამლიტრიან ქილაში მოათავსეთ.
2. ინგრედიენტებს თბილი წყალი დაასხით ისე, რომ ქილის გავსებამდე 10 სმ აკლდეს.
3. ქილას ხელთათმანი ჩამოაცვით და საბნით თბილად შეფუთეთ. ქილა თბილ ადგილას შეინახეთ.
მურაბიდან მომზადებული ხელნაკეთი ღვინო უკვე 20 დღეში შეგიძლიათ დალიოთ, მაგრამ უმჯობესია 1 თვე მოიცადოთ. სასმლის მზაობაზე ხელთათმანი მიგანიშნებთ: თავიდან ვერტიკალურად იქნება, შემდეგ ჩამოვარდება. ამ დროს ღვინო შეგიძლიათ გასინჯოთ! სიტყვაზე, თხელი, სამედიცინო ხელთათმანი შეგიძლიათ გამოიყენოთ.
