უბრალო ქათმის კატლეტით უკვე ვერავის გააკვირვებთ. ბევრი ექსპერიმენტი ჩავატარე შემადგენლობაზე იდეალური კონსისტენციის და გემოს მისაგნებად. იდეალური ოქროსფერი ქერქის მიღებაც ვისწავლე! მაგრამ ნამდვილი ფურორი გამოიწვია კატლეტმა ძვალზე, რომელიც მორიგი დღესასწაულისთვის მოვამზადე.
თითქოს არაფერი უჩვეულო, მაგრამ ასეთი კატლეტი ქათმის ფეხზე ძალიან მიმზიდველად და ეფექტურად გამოიყურება. ასევე ძვლების გადაყრა არ მოგიწევთ, რადგან კატლეტის მოსამზადებლად გამოგადგებათ. ჩაინიშნეთ უნარჩენო რეცეპტი!
როგორ მოვამზადოთ ქათმის კატლეტები ძვლებზე?
ინგრედიენტები
- 9 ქათმის ბარკალი
- 1 კგ კარტოფილი
- 150 გ ყველი
- 2 ჩ/კ მარილი
- 2 ჩ/კ წიწაკა
- 1 ჩ/კ პიტნა
- 2 ჩ/კ პაპრიკა
- 120 გ ფქვილი
- 130 გ საფანელი
- 3 კვერცხი
- კამა გემოვნებით
- მზესუმზირას ზეთი გემოვნებით
მომზადების წესი:
1. ქათმის ბარკლებს წყალი დაასხით და ნახევარი საათი ხარშეთ.
2. კარტოფილი გათალეთ და 4 ნაწილად გაჭერით. ბოსტნეულს წყალი დაასხით და 10 წუთი ხარშეთ.
3. ქათმის ხორცი ძვლებისგან გაწმინდეთ. ძვლები გვერდზე გადადეთ, ხოლო ხორცი პატარა კუბებად დაჭერით.
4. კარტოფილი დაჭყლიტეთ პიურეს მისაღებად. დაუმატეთ თითო ჩაის კოვზი მარილი, შავი წიწაკა, პაპრიკა, პიტნა. ასევე დაუმატეთ დაჭრილი ქათამი, გახეხილი ყველი და დაჭრილი კამა. ინგრედიენტებს კარგად აურიეთ.
5. ხელით კატლეტები გამოძერწეთ. თითოეულში ძვალი ჩადეთ.
6. კატლეტები ჯერ ფქვილში ამოავლეთ, შემდეგ კვერცხის, მარილის, წიწაკის და პაპრიკის ნარევში, ბოლოს – საფანელში.
7. კატლეტები ცხელ ზეთში ორივე მხრიდან შეწვით.
მოსახერხებელი რომ იყოს, ძვლების ბოლოებში ფოლგა შემოახვიეთ, ხელები რომ არ დაგესვაროთ. ქათმის კატლეტები ძალიან ნაზი და წვნიანი გამოდის ყველის და კარტოფილის შემცველობის წყალობით. გემრიელად მიირთვით!
