მარწყვი ბაღ-ბოსტნის დედოფალია. მას მსხვილი და მწიფე კენკრა აქვს, გემოთი კი, თითქოს, შაქარია. მეზობლები მეკითხებიან მოვლის საიდუმლოებს. ახლა ამას საჯაროდ მოვყვები – ჩემი საიდუმლო მარწყვის სწორად შესუქებაა. ამას წელიწადში ოთხჯერ ვაკეთებ, თან სასუქის რამდენიმე ვარიანტი მაქვს.

მარწყვის სასუქი უხვი მოსავლისთვის

ყველა მებაღე და მიწათმოქმედი ნაკვეთზე ნაყოფიერი ნიადაგით ვერ დაიტრაბახებს. ხანდახან, მოსავლის მისაღებად ნამდვილი ბრძოლა გვიხდება. სწორედ ამისთვის არსებობს სასუქი.

პირველად მარწყვის შესუქებაზე გაზაფხულზე უნდა დაფიქრდეთ. ეს თოვლის დადნობის შემდეგ აგარაკზე პირველად მისვლისას უნდა გაკეთდეს. ამ პერიოდში სასუქის მიზანია ახალგაზრდა ნერგებისა და ფოთლების ზრდის გააქტიურება. ამას კი ქიმიური საშუალება – აზოტი გაუმკლავდება.

შეგიძლიათ, კომპლექსური მინერალური სასუქი გამოიყენოთ. ამისთვის, 1 ს.კ. ნიტროამოფოსი 10 ლ წყალში გახსენით. შესანიშნავი ვარიანტია ორგანული სასუქის (ქერიფქლას ან ქათმის სკორეს) გამოყენება. ქერიფქლასა და წყლის თანაფარდობა – 1:10, ქათმის სკორესა და წყლის – 1:12.

თხევადი სასუქი მარწყვის თითოეულ ბუჩქთან უნდა დაასხათ. სითხის რაოდენობა ბუჩქის ზომის მიხედვით უნდა გათვალოთ. ჩვეულებრივ, 0.5-1 ლ სასუქი საკმარისია.

მეორე სასუქი მარწყვისთვის: როცა მარწყვის ბუჩქებზე კვირტები და ნაყოფის პირველი ჩანასახები გაჩნდება, სასუქის გამოყენება ძალიან კარგი ქმედება იქნება. გამოიყენეთ კალიუმის გვარჯილა, ხის ნაცარი ან წყალში გახსნილი ქათმის სკორე. სხვათა შორის, ამ პერიოდში მნიშვნელოვანია ისიც, რომ მარწყვი მიკროელემენტთა კომპლექსით დამუშავდეს. ამისთვის გააზავეთ მწიკვი ბორის მჟავა 10 ლ წყალში.

მესამე სასუქი : მარწყვი მესამედ ზაფხულში უნდა შეასუქოთ. იფიქრებთ, რატომ უნდა გამოიყენოთ სასუქი, როცა ძირითადი მოსავალი უკვე აიღეთ, არა? გამოცდილმა მიწათმოქმედებმა იციან, რომ ამ დროში ახალი ფესვები და ყვავილედები იწყებს გაჩენას. სწორედ მათზეა დამოკიდებული მომავალი სეზონის მოსავალი.

მოსავლის აღების შემდეგ, ბუჩქებს გააცალეთ ძველი ან დაზიანებული ფოთლები. სასუქის სახით გამოიყენეთ ორგანული და მინერალური სასუქების კომპლექსი. ამისთვის 2 ს.კ. ნიტროამოფოსკა და 1 ჭიქახის ნაცარი 10 ლ წყალში გააზავეთ.

აგვისტოს დასაწყისში, მარწყვის მორწყვა შეგიძლიათ შადოვანას ხსნარით – 30 გ 10 ლ წყალზე. ეს იმიტომ, რომ შემდეგ სეზონზე მცენარემ მეტი კვირტი გამოიღოს.

მარწყვის შესუქება შემოდგომაზე: მარწყვი ბოლოს სექტემბრის შუა რიცხვებში უნდა შესუქდეს, როცა ჯერ კიდევ თბილა და ამინდიც, ასე თუ ისე, მშრალია. ამ დროისთვის, მარწყვი ზამთრისთვის უნდა მოამზადოთ.

საშემოდგომო სასუქების არჩევანი:

• 1 წილი ქერიფქლა + 1/2 ჭიქა ხის ფერფლი 10 წილ წყალზე;
• 1 წილი ქერიფქლა 10 წილ წყალზე + 2 ს.კ. სუპერფოსფატი + 1 ჭიქა ხის ფერფლი;
• 2 ს.კ. ნიტროამოფოსკა, 30 გ კალიუმის სულფატი და 1 ჭიქა ფერფლი 10 ლ წყალზე.

ხოლო მათთვის, ვისაც უხვი მოსავალი და ორგანული მიწათმოქმედების წესების დაცვა სურს (მულჩირების გათვალისწინებით), ვურჩევთ, მარწყვი ბიოჰუმუსის ნაყენით მორწყონ. მცენარე ყოველ სეზონზე ოთხჯერ უნდა დაამუშაოთ.

გისურვებთ წარმატებულ მიწათმოქმედებასა და უხვ მოსავალს!