ექიმებმა დაასახელეს 5 მნიშვნელოვანი მოქმედება, რომლებიც ინსულტს აღკვეთს

0
679

იცოდით, რომ ინსულტთა უმეტესი ნაწილი აუცილებლად არ ხდება ხოლმე? ინსულტთა 80%-ის აღკვეთა ჯანსაღი ცხოვრების წესის შემოღებითა და ექიმთან ინსულტის რისკ-ფაქტორების გაკონტროლებით შეიძლება.

მკვლევარებმა განსაზღვრეს რამდენიმე ნაბიჯი, რომლებიც ინსულტის რისკს შეამცირებს, თუმცა, ჯანდაცვის ექსპერტები ფიქრობენ, რომ ერთბაშად ამ ყველაფრის შესრულება რთული იქნება.

“ადამიანის ყველაზე დიდი შეცდომა იმაში მდგომარეობს, რომ ზედმეტად ამბიციურია, შემდეგ მარცხს განიცდის და ნებდება.” – თქვა ექიმმა ვლადიმერ ხაჩინსკიმ, კანადელმა ნევროლოგმა და მსოფლიო ექსპერტმა ინსულტის საკითხებში. “მცირედით უნდა დაიწყოთ!”

ინსულტის რისკის შემცირება

1. მოეშვით სიგარეტს

კვლევებმა აჩვენა, რომ ყოველი 5 სიგარეტი, რომელსაც ადამიანი ყოველდღე ეწევა, ინსულტის რისკს 12%-ით ზრდის.

“ხალხს ესმის, რომ მოწევა ფილტვების კიბოს იწვევს, თუმცა, ის არ იციან, რომ მოწევა ტვინსა და სისხლძარღვებსაც აზიანებს.”

2. მეტი იმოძრავეთ

უფრო აქტიურ ქალებსა და მამაკაცებში ინსულტის რისკი 25-30%-ით უფრო დაბალია, ვიდრე პასიურებში. დამტკიცდა, რომ ფიზიკური აქტივობა ამცირებს ქოლესტერინის დონეს, გვეხმარება ჯანსაღი წონის შენარჩუნებასა და წნევის შემცირებაში – ყველა ეს ფაქტორი ინსულტის რისკს შეამცირებს.

“ფიზიკური აქტივობის სარგებლიანობა უდავოა. ყოველ 10 წუთში სიარულიც კი სჯობს დიდხანს ჯდომას. ერთბაშად 5 კმ-ის გარბენა აუცილებელი არაა.”

3. აკონტროლეთ არტერიული წნევა

მაღალი წნევა ინსულტის ძირითადი მიზეზია. სტატისტიკის თანახმად, მამაკაცთა 52 და ქალთა 43% ზედმეტად მაღალ წნევას ატარებენ. ამის გაკონტროლება ჯანსაღი ცხოვრების წესით ან მედიკამენტების მიღებით შეიძლება, 5-დან მხოლოდ 1 ზრდასრული ადამიანი იცავს სწორ მკურნალობას. მოწევა, დიაბეტი, სიმსუქნე, ქოლესტერინის მაღალი დონე და არასწორი კვება არტერიულ წნევას ნორმალური დიაპაზონიდან გაიყვანს.

“ადამიანებმა სისხლის წნევას უნდა მიაქციონ ყურადღება. მათ უნდა იცოდნენ რაოდენობა, წამალი და მისი მიღების წესი.”

4. დაიცავით ჯანსაღი დიეტა

ხაჩინსკის თქმით, ჯანსაღი საკვების ფრთხილად შერჩევა წონას მინიმუმამდე დაიყვანს. თუმცა, წონის მიუხედავად, ჯანსაღი საკვების მიღებაც ძალიან კარგი გადაწყვეტილებაა. გაზარდეთ რაციონში ხილის, ბოსტნეულისა და რძის უცხიმო პროდუქტის, სრულმარცვლიანი საკვების, თევზისა და თხილის რაოდნეობა, შეზღუდეთ ნაჯერი ცხიმების, ქოლესტერინისა და ტრანსცხიმების შემცველი პროდუქტის რაოდენობა.

5. იმოძრავეთ ნელა, მაგრამ სტაბილურად

დაისახეთ კონკრეტული და გაზომვადი მიზანი, შემდეგ დაყავით იგი ორ ნაწილად და შეასრულეთ, სანამ არ მიაღწევთ მას. პარტნიორის არსებობა მოტივაციის შენარჩუნებაში დაგეხმარებათ, თუ ამ ადამიანს ჯანსაღი ჩვევები აქვს.

გისურვებთ ჯანმრთელობას!