ზოგიერთი მებოსტნე ბაბუაწვერას სალათების, ნაყენების და ხმელი ყვავილებისთვის სპეციალურად ზრდის. თუმცა ამ სასარგებლო მცენარის მოშორება მარტივი საქმე არაა. ბაბუაწვერა ყველგან იზრდება, კენჭებს შორის ძვრება და კვლებში გაზრდა უყვარს. დღეს Paparazzi გიამბობთ, როგორ ებრძოლოთ ბაბუაწვერას ნაკვეთზე და შესაძლებელია თუ არა მისი ერთხელ და სამუდამოდ მოშორება.
როგორ ვებრძოლოთ ბაბუაწვერას ნაკვეთზე
ბაბუაწვერას მოშორება რთულია, რადგან თავისი თესლი ყველგან შეუძლია დატოვოს. თუნდაც ამოთხაროთ, მთელ მიდამოში თავისი თესლი–პარაშუტის გავრცელებას ასწრებს. ბაბუაწვერას ძალიან გამძლე ფესვები აქვს. იმის მიუხედავად, რომ ფესვები მყიფეა, სწრაფად აღდგენა შეუძლია.
თუ სარეველას სრულად არ ამოთხრით, ძალიან მალე მიწაში დარჩენილი პატარა ფესურადან ახალი ყვავილი და ფოთლები გამოჩნდება. ნაკვეთზე მცენარის სამუდამოდ მოშორება ყოველთვის არ გამოგვდის, მაგრამ მათი რიცხვის შემცირება შესაძლებელია.
ბაბუაწვერა ხშირად მომჟავო მიწაში ჩნდება, რომელიც ჰუმუსს შეიცავს. თუ მიწის მჟავიანობას შეამცირებთ, მცენარე დაიღუპება. სანამ ყვავილის ყუნწი იზრდება, მცენარე სუსტია და სჯობს ამ დროს ამოთხაროთ. თუნდაც ნაკვეთზე ბაბუაწვერა მოიშოროთ, მისი თესლი მეზობელი ნაკვეთიდან მოფრინდება და კვლავ მოგესალმებათ.
გაზონების საკრეჭით ან ცელით შეგიძლიათ ბაბუაწვერა გადაჭრათ. ეს მიწასთან რაც შეიძლება ახლოს გააკეთეთ, რომ ბაბუაწვერას ზრდის წერტილი მიწის ოდნავ ზემოთ დარჩეს. თუ არ გადაჭრით, მოუსვენარი ბაბუაწვერა კვლავ გაიზრდება. ბაბუაწვერა კვირტების ფორმირებისას კვირაში 1–2–ჯერ მოცელეთ. მოჭრილი ბაბუაწვერა კომპოსტს არასდროს დაუმატოთ, რადგან სასუქი მისი სანაშენე ადგილი გახდება.
გაზონების საკრეჭზე მეტად ბაბუაწვერას ამოთხრა ებრძვის. მართალია, დიდ ნაკვეთზე ეს დიდ ძალისხმევას მოითხოვს. ასევე შეგიძლიათ სარეველების ნიადაგი მულჩით დაფაროთ. წამონაზარდი მუქი ფირით ან მულჩით დაფარეთ. ასეთი მეთოდი ნაკვეთზე ბილიკზე ან უდაბნოში გამოგადგებათ, სადაც ბაბუაწვერა ხალიჩასავით იზრდება.
ზოგიერთი მებაღე ბაბუაწვერას მოსაშორებლად ხალხურ საშუალებას იყენებს. მაგალითად, 1:1 პროპორციით არეული ძმრის და წყლის ნარევი. ზოგჯერ უბრალოდ ყვავილებს მარილს აყრიან. თქვენ როგორ ებრძვით ბაბუაწვერას?
