დასუფთავების ნებისმიერმა სპეციალისტმა იცის, რომ ძმრით წმენდა ხელმისაწვდომი, ეკოლოგიური და ეფექტური მეთოდია, რომ ავეჯს, ფანჯრებსა და ჭურჭელს ჭუჭყი მოაშოროთ.მეგობრები ახალ წელს ჩვენს სახლში აღნიშნავდნენ, ყველაფერი თეთრებად ღირებული ხსნარით გავწმინდე, რომ საცხოვრებლისთვის ძველებური ბზინვარება დამებრუნებინა.

ძმრით წმენდა

• სამუშაო ზედაპირი – წყალი და ძმარი 50/50 პროპორციით აურიეთ, რომ მძაფრი სუნი მოიშოროთ. ახლა სპრეი ბოთლში ჩაასხით. სამუშაო ზედაპირს შეასხურეთ და სუფთა ჩვრით გაწმინდეთ.
• ყავის აპარატი – ავტომატური ყავის აპარატი 1:1 თანაფარდობით არეული ძმრისა და წყლის ნარევით გაავსეთ. შემდეგ ერთხელ ჩართეთ და რამდენჯერმე წყლით ჩამორეცხეთ. ასე ჭუჭყს და ნაქაფს მოაშორებთ.
• სამზარეულოს ნიჟარა – ჭუჭყიანი ჭურჭლისა და საკვების ნარჩენების გამო ნებისმიერ ნიჟარაზე ბაქტერიები გროვდება. ქვის ნიჟარაზე ყავის და ჩაის კვალიც რჩება. გარდა ამისა, მუქი ქვის ნიჟარაზე დროთა განმავლობაში კირის ნადები ჩნდება, თუ წყლის წვეთებს არ მოაშორებთ. თუ ნადები უკვე გაჩნდა, მის მოსაშორებლად 3%–იანი ძმრის ხსნარი გამოიყენეთ. ძმრის გამოყენების შემდეგ წყლით ჩამორეცხეთ.
• ფანჯარა – სუფთა ძმარი ფანჯრის საწმენდად კარგი საშუალებაა. ცხელ წყალში გააზავეთ, რომ მძაფრი სუნი მოიშოროთ.
• ჭურჭელი – თუ ჭურჭლის სარეცხ მანქანაში გარეცხილი თეფშები საკმარისად ბზინვარე არაა, 1 ჭიქა ძმარი დაუმატეთ. შედეგი თქვენს მოლოდინს გადააჭარბებს.
• ფილები სააბაზანოში – ძმარი სააბაზანო ოთახში ფილების საწმენდად გამოგადგებათ. ყველა ფილას ძმარი შეასხურეთ და სამოქმედოდ 1 საათით გააჩერეთ. ძალიან ჭუჭყიან ადგილებში ფილებს შორის ღარები ჯაგრისით გახეხეთ. ახლა წყლით ჩამორეცხეთ და ჩვრით გაამშრალეთ. იმის გამო, რომ სააბაზანოში ფილებზე წყალი მუდმივად ხვდება და გაშრობას ვერ ასწრებს, მასზე ობი და კირი ჩნდება.
• უნიტაზის ავზი – ძმარი 40-50 გრადუსამდე შეათბეთ. წყალი ჩაუშვით და ავზის ავსების პროცესში გამთბარი ძმარი დაუმატეთ. ხსნარი ავზში 2-3 საათით გააჩერეთ. ძმარი ნადებს და ჟანგს დაშლის. ამის შემდეგ წმენდის პროცესი გაიმეორეთ.
• შემრევი ონკანი – ქაღალდის პირსახოცი ძმარში დაასველეთ და 30-40 წუთით ონკანს შემოახვიეთ. ამის შემდეგ სალფეთქს ცოტა საბავშვო საპონი წაუსვით და ზედაპირი გააპრიალეთ. ასეთი პროცედურით ონკანი სუფთა და ბზინვარე გახდება.

რედაქციის რჩევა: ზოგჯერ დაგჭირდებათ ჩვეულებრივი 9%–იანი ძმარი, ჩვენ კი მხოლოდ ესენცია გვაქვს ან პირიქით. სინამდვილეში, ეს სითხეები ურთიერთშემცვლელნი არიან. უბრალოდ სწორი პროპორციები უნდა იცოდეთ.