საკვები პროდუქტების შენახვის ვადა ძირითადად შეზღუდულია. გასაკვირი არ არის, რომ ჩვენს რთულ დროში ადამიანები უფრო მეტყ ყურადღებას აქცევენ პროდუქტებს, რომელიც უპრობლემოდ შეინახება თვეების და წლების განმავლობაში.დღეს პაპარაცის ამ სტატიაში გთავაზობთ იმ პროდუქტების ჩამონათვალს, რომელთაც შენახვის ვადა განუსაზღვრელი აქვთ. ამიტომ მათი მომარაგება ყოველთვის კარგი გადაწყვეტილებაა.
საკვები პროდუქტების შენახვის ვადები
- თაფლი – შრომისმოყვარე ფუტკრების მიერ შექმნილ ამ ჩინებულ პროდუქტს წლების განმავლობაში შეუძლია შეინარჩუნოს გემო და სასარგებლო თვისებები. მთავარია, დაიცვათ ის ზედმეტი სითბოსა და ტენისგან. თაფლი დროთა განმავლობაში შეიძლება ჩაშაქრდეს, შეიცვალოს ფერი, მაგრამ ეს მის გემსა და ხარისხზე არანაირად არ იმოქმედებს.
- თეთრი ბრინჯი – თეთრი ბრინჯის შენახვა შეგიძლიათ 5 წლის განმავლობაში. ხოლო, თუ მას მოათავსებთ ჰერმეტულ ჭურჭელში, მისი შენახვის ვადა ბევრად მეტი გახდება. ბრინჯი მეოთხედი საუკუნის განმავლობაშიც აღარ გაფუჭდება.
- შაქარი – მიუხედავად იმისა, რომ ბევრს უკვირს შაქრის უპრეცედენტო ბუმი, მისი შენახვა ნამდვილად შეიძლება ხანგრძლივი ვადით. შაქარში ბაქტერიები ვერ მრავლდება და ის წლების განმავლობაში ინარჩუნებს გემოს და ხარისხს. მთავარია, შეინახოთ ისე, რომ არ დაინესტოს.
- სიმინდის სახამებელი – ეს პროდუქტიც განუსაზღვრელი ვადით ინახება. მთავარია, მოათავსოთ ჰერმეტულ ჭურჭელში და შეინახოთ მშრალ, გრილ ადგილას. ოფიციალურად სიმინდის სახამებლის შენახვის ვადა ორი წელია.
- ბარდა და ოსპი – ხმელი ბარდა 5 წლის განმავლობაში უპრობლემოდ ძლებს. თუ მას შეინახავთ ვაკუუმში, ან დალუქულ ჭურჭელში, ბევრად დიდხანს არ გაფუჭდება. ასევე ინახება ოსპი.
რა თქმა უნდა, ეს არ არის სრული სია. მრავალი წლის განმავლობაში ასევე ინახება ხსნადი ყავა, დაკონსერვებული საკვები, სოდა, მარილი, ძმარი, სოიოს სოუსი. ასევე ხანგრძლივად ინახება სპირტიანი სასმელები.თქვენ რა პროდუქტების მარაგს ანიჭებთ უპირატესობას? გაგვიზიარეთ კომენტარებში.
