რატომღაც ადრე, არც კი გამჩენია კითხვა, საჭიროა თუ არა ჟოლოს გარეცხვა. კენკრას ბაზარში ვყიდულობდი, სახლში მოვდიოდი, წყალს ვასხამდი, ცოტა ხნით ასე ვაჩერებდი და შემდეგ წყალს ვღვრიდი. ცოტა ხნის წინ კი ინტერნეტში ვნახე, როგორ ენერგიულად განიხილავდნენ თემას, მართლა საჭიროა თუ არა ჟოლოს გარეცხვა. სწორედ ამაზეა საუბარი პაპარაცის დღევანდელ სტატიაშიც!
უნდა გავრეცხოთ თუ არა ჟოლო
ჟოლოს სეზონზე აუცილებლად უნდა გაახაროთ საკუთარი თავი და ახლობლები ახალი კენკრით. დიახ, მისი ფასი ოდნავ იკბინება, მაგრამ ვიტამინების მარაგი, რომელსაც ეს კენკრა შეიცავს, ნამდვილად ღირს ამად. ზამთრისთვის ამზადებენ ჟოლოს მურაბას, ყინავენ მთლიან კენკრას ან შაქარში ინახავენ. ჟოლოს ღვეზელები გიჭამიათ? ეს ხომ კულინარიული შედევრია!
ჟოლოს ყიდვა აუცილებელია და უმჯობესია ეს კენკრა ბაზარში შეიძინოთ, სადაც შესაძლებლობა გექნებათ, რომ არომატული კენკრა უფრო დაბალ ფასში იყიდოთ.
ყიდვის შემდეგ, კენკრას ჩვეულებრივ ვრეცხავ, კონტეინერში ვათავსებ და მაცივარში ვინახავ. თუმცა ცოტა ხნის წინ მოვისმინე მოსაზრება, რომ ჟოლოს გარეცხვა საერთოდ არ სჭირდება, რადგან მას ბაქტერიოციდული თვისებები გააჩნია. თუ გარეცხავთ, მაშინ მისი მთელი სარგებელი გაქრება. ასეთი ზღაპარი ცხოვრებაში არ მომისმენია! ვიტამინები ხომ კენკრის შიგნით არის და მის ზედაპირზე. ასე არ არის?
ასე რომ, ამის გამო არ უნდა ინერვიულოთ. გარდა ამისა, ზოგი ფიქრობს, რომ თუ კენკრას გარეცხავს, ის ფაფად გადაიქცევა. ეს არგუმენტიც შორს არის სიმართლისგან. ჯერ ერთი, არავინ გაიძულებთ ჟოლოს წყალში რეცხვას ძალიან დიდი ხნის განმავლობაში. მეორეც, გადაიქცევა თუ არა ჟოლო ფაფად, ეს კენკრის საწყის მდგომარეობაზეა დამოკიდებული.
ლოგიკურად რომ ვიმსჯელოთ, ჩვენ არ ვიცით, ვინ დაკრიფა ეს ჟოლო, ჰქონდა თუ არა სუფთა ხელები. ასევე გაურკვეველია, მოყვანისას კენკრა რაიმეთი იყო თუ არა დამუშავებული. არავინ მოგცემთ გარანტიას, რომ გაურეცხავი კენკრის ჭამის შემდეგ მუცელი არ აგტკივდებათ. და ეს საუკეთესო სცენარია!
ჟოლოს სწორად გარეცხვის წესი
თუ კენკრას საკუთარი ხელით კრეფთ და ზუსტად იცით, რა პირობებში გაიზარდა, მაშინ, რა თქმა უნდა, შეგიძლიათ არ გარეცხოთ. ყველა სხვა შემთხვევაში ჯობია გონივრულად მოიქცეთ და კენკრა გარეცხოთ. როგორ გავრეცხოთ? უპირველეს ყოვლისა, გირჩევთ, რომ ჟოლო უშუალოდ გამოყენებამდე გარეცხოთ. განსაკუთრებით იმ შემთხვევაში, თუ პროდუქტი ბევრია.
გაურეცხავი კენკრა მაცივარში უფრო დიდ ხანს ინახება და ფორმასაც უკეთ ინარჩუნებს. არავითარ შემთხვევაში არ უნდა გარეცხოთ ჟოლო გამდინარე წყლის ქვეშ. ამან შეიძლება ნამდვილად ავნოს კენკრას.
ჩაასხით ცივი წყალი ღრმა თასში. ჟოლო საწურში მოათავსეთ და ასე ჩადგით თასში. შემდეგ ხელის მსუბუქი მოძრაობით საწური ისე შეანჯღრიეთ, რომ კენკრამ წყალში იმოძრაოს. შეგიძლიათ რამდენჯერმე გაიმეოროთ ეს მანიპულაცია.
კენკრა ასე გარეცხეთ და ნახავთ, რომ ის მთლიანი და უვნებელი დარჩება. უმჯობესია იგი ქაღალდის ხელსახოცებზე გადმოიტანოთ, რათა ზედმეტი ტენიანობა გაქრეს. თუმცა, ეს აუცილებელი არ არის – ჟოლო უკვე მზად არის გამოსაყენებლად.
თუ ჟოლოს გაყინვას აპირებთ, მაშინ მის გარეცხვას ნუ იჩქარებთ. დიასახლისების უმეტესობა ფიქრობს, რომ უმჯობესია კენკრა არ გაირეცხოს, რადგან დაბალ ტემპერატურაზე მთელი ნაგავი მაინც ნადგურდება. მაგრამ თუ ჟოლოს გარეცხავთ და შემდეგ გაყინავთ, მაშინ გალღობის შემდეგ შესაძლოა მან ფორმა დაკარგოს. ეს ყოველთვის არ არის მოსახერხებელი, განსაკუთრებით, თუ მისი გამოყენებით რაიმე ნამცხვრის გამოცხობა გსურთ.
