ბებიას უყვარდა გამეორება: „ხავერდულა ლამაზია, მაგრამ ეს მისი მთავარი უპირატესობა არ არის. დალიე ხავერდულას ჩაი და ჯანმრთელი იქნები!” რა თქმა უნდა, ბავშვობაში ეს გემო არ მომწონდა და ვერ ვხვდებოდი, რა საჭირო იყო ამ სასმლის დალევა. მაგრამ ასაკთან ერთად, ყვავილების ჩაი ჩემთვის რაღაც ტელეპორტის მსგავსი გახდა: სვამ ერთ ფინჯანს და მყისიერად ბავშვობაში აღმოჩნდები.
ის ასევე შესანიშნავი საშუალებაა, რომელიც ბევრ სხვადასხვა დაავადებას შველის. პაპარაცის დღევანდელ სტატიაში გიამბობთ, როგორ უნდა მოამზადოთ ხავერდულას ჩაი. სტატიის ბოლოს კი – გაეცნობით ამ ყვავილის გამოყენების სხვა მეთოდებს.
ხავერდულა
ხავერდულას ჩაის მომზადება შესაძლებელია სხვადასხვა გზით. ბევრი რამ, თქვენს საჭიროებებზეა დამოკიდებული. მაგალითად, თუ ღვიძლის ტკივილი გაწუხებთ, შეგიძლიათ მხოლოდ ერთი დაქუცმაცებული ყვავილი დააყენოთ 1 ჭიქა მდუღარე წყალში. მაგრამ ეს წამალი ერთ ჯერზე არ უნდა დალიოთ – ჭიქის მეოთხედი საკმარისია.
ხავერდულა შეიცავს დიდი რაოდენობით ეთერზეთებს. ისინი ამსუბუქებენ ტკივილს და ათავისუფლებენ სპაზმებს. ხავერდულასგან შეგიძლიათ მოამზადოთ ნაყენი და მცენარეული ჩაი. მაგალითად, თუ მხედველობის პრობლემები გაქვთ, შეგიძლიათ მოამზადოთ შესანიშნავი სასმელი ყვავილებისგან.
თუ მხედველობის გაუმჯობესება გსურთ, შეგიძლიათ უბრალოდ მიირთვათ ხავედრულა. საკმარისია 3 პატარა ყვავილი დღეში. პროფილაქტიკური კურსი გრძელდება 1 თვე. მცენარე შესანიშნავ გავლენას ახდენს მხედველობაზე, რადგან შეიცავს კაროტინოიდ ლუტეინს. ეს ნივთიერება ასევე გვხვდება ნარინჯისფერ ბოსტნეულში, ისპანახში, ნიახურში, პარკოსნებში და სხვა პროდუქტებში.
ამისათვის, 500 მლ. მდუღარე წყალში უნდა ჩაყაროთ ერთი კოვზი მწვანე ჩაი და 2 ცალი ხავერდულას ყვავილი. ასევე ჩაამატეთ გულყვითელას 3 ყვავილი, 2 ცალი ჭინჭრის ფოთოლი, 1 ცალი ახალგაზრდა ტოპინამბურის ფოთოლი და 2 ღერი პიტნა.
ჩაი 30 წუთის განმავლობაში უნდა დაყენდეს. მისი მიღება შესაძლებელია წყლით გაზავებულ მდგომარეობაში – მთელი დღის განმავლობაში. გარდა ამისა, ეს სითხე შესაფერისია თვალების დასაბანად.
საინტერესოა, რომ თანამედროვე მეცნიერება არ უარყოფს, რომ ხავერდულას სამკურნალო თვისებები გააჩნია. მეცნიერებმა დაადგინეს, რომ ყვავილს შეუძლია ტკივილის შემსუბუქება, მეტაბოლიზმის დაჩქარება, იმუნიტეტის გაძლიერება და საჭმლის მომნელებელი ტრაქტის მუშაობის ნორმალიზება.
როგორ იყენებენ მცენარის ყვავილებს
ხავერდულა ასევე შესაფერისია ინჰალაციისთვის. ის მშვენიერი საშუალებაა სუნთქვის გასაადვილებლად. ამისათვის ჩაიდანში 5 ყვავილის ნაყენი მოამზადეთ. ჩაიდანს პირსახოცი შემოახვიეთ და 5 წუთის განმავლობაში გააჩერეთ. ამის შემდეგ სითხე ღრმა თასში ჩაასხით და შეისუნთქეთ ყვავილების ორთქლი პირსახოცის ქვეშ. 5-7 წუთი საკმარისი იქნება შვების შესაგრძნობად.
ხავერდულასგან ამზადებენ სამკურნალო ზეთს. ამისათვის მცენარეულ ზეთში უნდა მოათავსოთ დაქუცმაცებული ყვავილები გარკვეული პროპორციებით. 500 მლ ზეთისთვის დაგჭირდებათ 50 გრამი ხმელი ყვავილი ან 100–150 გრამი ახალი ყვავილი. თავდაპირველად, ნარევს ორთქლის აბაზანაზე ათბობენ, შემდეგ აგრილებენ, ფილტრავენ და ჭურჭელში ასხამენ შემდგომი გამოყენებისთვის. ამ ზეთით შეგიძლიათ ზურგისა და მკერდის დაზელა სასუნთქი გზების ანთების დროს. ეს საშუალება იმ შემთხვევაშიც დაგეხმარებათ, თუ ახველებთ.
თუ მოდუნება და დაძაბულობისგან განთავისუფლება გსურთ, მიიღეთ აბაზანა ხავერდულას ნახარშით. ამ მცენარეს დამამშვიდებელი თვისებები გააჩნია. ის შესანიშნავი საშუალებაა სტრესისა და შფოთვის დროს.
ქართულ სამზარეულოში გამხმარ ხავერდულას ყვავილებს ფხვნილად აქცევენ. მიღებულ მასას იმერულ ზაფრანას უწოდებენ. ეს სანელებელი შეუცვლელი პროდუქტია ნებისმიერი ქართველი ქალის სამზარეულოში. ის არის ხმელ სუნელშიც. გარდა ამისა, მისი გამოყენება აუცილებელია ისეთ კერძებში, როგორიცაა საცივი და ხარჩო.
თუ ბუნებაში დასვენებას გეგმავთ და კოღოების გეშინიათ, ცეცხლში რამდენიმე ცალი ხავერდულას ყვავილი ჩააგდეთ. ყვავილების წვისას განსაკუთრებული არომატი დადგება, რომელიც მწერებს შეაშინებს.
