დამეთანხმებით, ძნელია იპოვოთ უფრო პოპულარული საშუალება სილამაზის თანამედროვე ინდუსტრიაში, ვიდრე მყარი შამპუნია. ის ეკოლოგიურად სუფთაა, მოსახერხებელი, შედარებით იაფია და უფრო ხშირად დადებით შთაბეჭდილებას ტოვებს მათზე, ვინც უკვე გამოსცადა. ამავდროულად, ყველამ არ იცის ამ პროდუქტის სწორად გამოყენებისა და შენახვის წესი.
ამიტომ, პაპარაცის დღევანდელ სტატიაში დეტალურად გაგაცნობთ, რა შედის ამ პროდუქტის შემადგენლობაში, ვის უხდება და ზოგადად რომელი პროდუქტით არის თმის დაბანა უკეთესი. ეს სტატია ეხება მყარ და თხევად შამპუნებს, საპონ-შამპუნებს და თმის მოვლის სხვა საშუალებებს.
რა განსხვავებაა ჩვეულებრივ და მყარ შამპუნს შორის
თხევადი და მყარი შამპუნები მსგავსია ძირითადი კომპონენტებით – ზედაპირულად აქტიური ნივთიერებებით. ისინი, ხელს უწყობენ ცხიმიანი ფენის და დაგროვილი ჭუჭყის სათუთ მოცილებას თავის კანის ზედაპირიდან. ასე რომ, შამპუნით თმის საფუძვლიანი დაბანის შემდეგ თმა და თავის კანი სუფთავდება.
ბუნებრივი საპონი, კოკამიდოპროპილბეტაინი, კოკოგლუკოზიდი, ნატრიუმის ლაურილ სულფატი და კოკო სულფატი – ზედაპირულად აქტიური ნივთიერებებია, რომლებიც გამოირჩევიან რბილი მოქმედებით, ეკოლოგიური სისუფთავით და სხვა. მაღალი ხარისხის შამპუნებში ხშირად გამოიყენება არა ერთი სურფაქტანტი, არამედ მთელი კომპოზიცია. ერთი, მაგალითად, ქმნის კარგ ქაფს, მეორე კი – ხელს უშლის თავის კანის გაღიზიანებას.
ჩვეულებრივ შამპუნში ზედაპირულად აქტიური ნივთიერებები განზავებულია. ამავდროულად, ისინი იქ 20-25% -ზე მეტი არ არის, დანარჩენი – წყალი და სხვადასხვა დანამატებია (კონსერვანტები, ზეთები და ექსტრაქტები). მყარი შამპუნი არის 90% სურფაქტანტი, დანარჩენი 10% – ექსტრაქტები და ზეთები. წყალს თქვენ თავად უმატებთ (თმის დაბანის პროცესში).
საინტერესო ფაქტი: ეკოლოგები აღნიშნავენ, რომ მყარი შამპუნი გამყიდველიდან მყიდველამდე ტრანსპორტირებისას ნახშირბადის ნაკლებ კვალს ტოვებს, ვიდრე მოვლის სხვა საშუალებები სტანდარტულ შეფუთვებში. მაგალითად, 1 შამპუნი მასით 350 გ უდრის – 50 გრამიან ერთ ცალ მყარ შამპუნს. გამოდის, რომ მყარი შამპუნის ტრანსპორტირება ატმოსფეროში ემისიას 7-ჯერ შეამცირებს.
მყარი შამპუნის უპირატესობები
თხევად შამპუნთან შედარებით, მყარ შამპუნს მთელი რიგი უდავო უპირატესობები გააჩნია.
- კომპაქტურობა. მყარი შამპუნი იდეალური გამოსავალია მოგზაურობისას. პატარა ნაჭერი დიდ ადგილს არ დაიკავებს, მაშინაც კი, თუ ზურგჩანთით მოგზაურობ.
- ეკოლოგიურად სუფთა შეფუთვა. როგორც წესი, მყარი შამპუნის მწარმოებლები თავიანთ პროდუქტებს ყუთებში, მრავალჯერად თუნუქის ქილებში ან ქაღალდის ჩანთებში ფუთავენ. მათთვის, ვინც მსოფლიოში ეკოლოგიურ მდგომარეობაზე ზრუნავს, პლასტმასის არარსებობა დამატებითი პლიუსია. მყარი შამპუნის ნაჭრები შესანიშნავად ინახება ერთი წლის განმავლობაში ჩვეულებრივ საპნის ჭურჭელში ან თავისივე შეფუთვაში.
- კონსერვანტების არარსებობა. სხვა კოსმეტიკურ საშუალებებთან შედარებით, ეს უაღრესად მნიშვნელოვანი უპირატესობაა. ნებისმიერი პროდუქტი, რომელიც წყალს შეიცავს, სწრაფად ფუჭდება და მავნე კონსერვანტების გამოყენების გარეშე შეუძლებელია.
- სწორი სურფაქტანტები. იმისათვის, რომ მყარი შამპუნები ძალიან აგრესიული არ იყოს, მათი წარმოებისთვის გამოიყენება რბილი ზედაპირულად აქტიური ნივთიერებები.
- მეტი ექსტრაქტები და ზეთები. მყარი შამპუნის ფორმულა მასში ბევრად უფრო მეტი სასარგებლო ნივთიერებების დამატების საშუალებას იძლევა, ვიდრე თხევადში. იმისათვის, რომ თხევადი შამპუნები არ გაშრევდეს, ტექნოლოგები მათ სინთეტიკური დანამატებით ავსებენ. ეს კეთდება იმისთვის, რომ პროდუქტი ერთგვაროვანი ფერისა და სტრუქტურის გამოვიდეს.
თხევად შამპუნში არსებული ბუნებრივი ზეთები მას საკმაოდ მღვრიეს ხდის. თუ ხედავთ, რომ შეფუთვაზე 3-ზე მეტი ზეთია მითითებული, ხოლო თხევადი შამპუნის ფერი გამჭვირვალეა, სინამდვილეში მასში ზეთები 1%-ზე ნაკლებია.
მყარი შამპუნი ან საპონ-შამპუნი
ხშირად ეს ორი პროდუქტი ერთმანეთში ერევათ. ზოგჯერ მწარმოებლები თავად უწოდებენ საპონ-შამპუნს მყარ შამპუნს. და ეს გამოწვეულია იმით, რომ სულ რაღაც ორიოდე წლის წინ, თითქმის არავინ იცოდა მყარი შამპუნის არსებობის შესახებ. საპონ-შამპუნი მყარი შამპუნის გამოყენების ერთადერთი ვარიანტი იყო. ასეთ გაუგებრობას უამრავი უარყოფითი გამოხმაურება მოჰყვა, რადგან ეს პროდუქტები სრულიად განსხვავებულია შედგენილობით და მოქმედებით.
შედგენილობა
როგორც უკვე ვთქვით, მყარი შამპუნი თითქმის მთლიანად დაპრესილი სურფაქტანტებისგან შედგება. საპონ-შამპუნი საპონიფიცირებული მცენარეული ზეთებისაგან მზადდება. საპონ-შამპუნი ჩვეულებრივი საპნისაგან იმით განსხვავდება, რომ თმაზე ნადებს არ ტოვებს და თავის კანისთვის სასარგებლოა. თუმცა, საპონ-შამპუნის გამოყენების შემდეგ, ბევრი ჩივის, რომ მათი თმა კვლავ “ცხიმიანად” გამოიყურება. მყარ შამპუნთან შედარებით, საპონ-შამპუნი ყველასთვის არ არის განკუთვნილი. ის შეიძლება გამოადგეს მათ, ვისაც ძალიან მშრალი თმა აქვს.
მყარი შამპუნი საპონ-შამპუნისგან ვიზუალურადაც განსხვავდება. საპონ-შამპუნი ჩვეულებრივ საკმაოდ ნაზი და გლუვია. მყარი შამპუნი ოდნავ განსხვავდება ჩვეულებრივი ხელნაკეთი საპნისგან. გამოყენებისას ის გარეგნულად არაერთგვაროვანი იქნება. ასეთ პროდუქტში მარტივად შეგიძლიათ ნახოთ ზედაპირულად აქტიური ნივთიერებების გორგლები და ბუნებრივი თიხის მცირე ჩანართები. ეს ნორმალურია.
გამოყენება
საპონ-შამპუნის და მყარი შამპუნის გამოყენება დიდად არ განსხვავდება. მაგრამ არის ერთი რამ: მაღალი ხარისხის მყარი შამპუნის შემდეგ, შეგიძლიათ არ გამოიყენოთ კონდიციონერი. საპონ-შამპუნის გამოყენების შემდეგ, უმჯობესია არ ჩაატაროთ ექსპერიმენტები და აუცილებლად გამოიყენოთ კონდიციონერი. ეს შეიძლება იყოს როგორც ჩვეულებრივი მაღაზიაში შეძენილი კონდიციონერი, ასევე თქვენს მიერ მომზადებული ლიმონმჟავას სავლები.
ფასი
მყარი შამპუნის ბუნებრივი კომპონენტები ბევრად ძვირი ღირს, ვიდრე საპონ-შამპუნის ინგრედიენტები. ფასში სხვაობა შესამჩნევია (2-3-ჯერ მეტი).
მყარი შამპუნის გამოყენება
სინამდვილეში მყარი შამპუნის გამოყენება ძალიან მარტივია. გთავაზობთ, ორ ყველაზე გავრცელებულ ვარიანტს:
- 1.მარტივი გზა. რამდენჯერმე წაისვით საპონი სველ თმაზე. შემდეგ კარგად ააფეთქეთ და ჩამოიბანეთ გამდინარე წყლით.
- 2. სათუთი გზა. ააქაფეთ შამპუნი ხელების გულებში და თმაზე მხოლოდ ქაფი წაისვით. ეს უნდა გაიმეოროთ მინიმუმ 2-3 ჯერ.
პირველი მეთოდი – უფრო ადვილია, მაგრამ აქ მნიშვნელოვანია, რომ არ გადააჭარბოთ. მყარი შამპუნი საკმაოდ კონცენტრირებულია, ამიტომ გთავაზობთ შემდეგ ტაქტიკას. საპონი სველ თმაზე ჯერ ერთხელ გადაისვით და ააქაფეთ. თუ ქაფი საკმარისი არ იქნება, ხელახლა გადაისვით და ასე შემდეგ. ასე განსაზღვრავთ შამპუნის რაოდენობას, რომელიც თქვენი თმისთვის გჭირდებათ. ეს პირდაპირ დამოკიდებულია დაბინძურების ხარისხზე და თქვენი თმის სისქეზე. რამდენიმე გამოყენების შემდეგ მიხვდებით, რამდენჯერ გჭირდებათ მყარი შამპუნის თმაზე გადასმა შამპუნის სწორი რაოდენობის მისაღებად.
მეორე მეთოდი – უფრო შრომატევადია, მაგრამ უფრო სათუთია თმასთან მიმართებაში. მყარი შამპუნი ხელის გულებში უნდა ააქაფოთ და მხოლოდ ამის შემდეგ წაისვათ ქაფი თმაზე. ამის გაკეთება რამდენჯერმე დაგჭირდებათ, რადგან პირველად ქაფი საკმარისად არ ამოვა. სამაგიეროდ, თქვენ ნამდვილად არ გადააჭარბებთ შამპუნის საჭირო რაოდენობას.
პირველ ჯერზე, მთელი ზედაპირული ჭუჭყი და ცხიმი ჩამოიბანება. მეორე ჯერზე ხდება ღრმა წმენდა. ამ მეთოდს მშრალი, დაზიანებული და შეღებილი თმისთვის გირჩევთ. თუ თმას ყოველდღე იბანთ, მაშინ ეს სათუთად მაინც გააკეთეთ. გახსოვდეთ, რომ ყოველი დაბანის შემდეგ ხელებზე დამატენიანებელი კრემი უნდა წაისვათ.
დასკვნა ასეთია: მყარი შამპუნის გამოყენება საკმაოდ მარტივია, ამასთანავე, მოსახერხებელია და ეკოლოგიურად სუფთა. მისი ხარჯი მინიმალურია, ამიტომ პროდუქტის ღირებულება სრულად გამართლებულია. ყოველდღიური გამოყენების შემთხვევაშიც კი, 50 გრამიანი ნაჭერი 60-ზე მეტ გამოყენებაზე გეყოფათ.
