ადრე მეგონა, რომ პომიდორი უპრეტენზიო კულტურა იყო, რომელსაც მხოლოდ მორწყვა და მზე სჭირდებოდა. თუმცა, ასე არ ყოფილა. წინა ზაფხული მზიანი იყო, მაგრამ პომიდორი არ მწიფდებოდა. სპეციალურად ვიყიდე მომგებიანი ჯიშები, მაგრამ რატომღაც მათ რამდენიმე ცალი ნაყოფი გამოიღეს და ისიც დიდხანს ეკიდა ტოტებზე მწვანედ. მაინტერესებდა, რა სჭირდა პომიდორს, სანამ ჩემმა მეზობელმა რამდენიმე ხრიკი არ მასწავლა. ახლა პომიდვრის კრეფას ვერ ვასწრებ, გიჟივით მწიფდება. დღეს მებოსტნეობის საიდუმლოებებს გაგიზიარებთ.
10 შეცდომა, თუ რატომ არის პომიდორი ცოტა
ჩვეულებრივ, რამდენ კგ მოსავალს იძლევა თქვენი პომიდვრის ბუჩქები? 5-7 კგ-ს? თქვენ კი – 10-15 გინდათ? ეს შესაძლებელია ნებისმიერი ჯიშის შემთხვევაში, რომელსაც ჩვენ ჩვეულებრივ ვზრდით სათბურებში ან მზიან ბოსტანში. ეს ყველაფერი დამოკიდებულია სასოფლო-სამეურნეო ტექნიკაზე და ნერგების სწორად გაშენებაზე.
1. ნებისმიერი სასუქი გამოიყენება რეგულარულად, ვინაიდან საკვები ნივთიერებები მუდმივად მონაწილეობს ნაყოფის ფორმირებასა და მომწიფებაში. თუ სასუქს იშვიათად ან ძალიან ხშირად მისცემთ, კარგ მოსავალს არ ელოდოთ. პომიდორი დელიკატური კულტურაა, რომელიც არ პატიობს შეცდომებს გამოუცდელ მებოსტნეებს. შეიმუშავეთ სასუქის მიცემის საკუთარი გრაფიკი და მკაცრად იმოქმედეთ მის მიხედვით. სასუქის მიცემის ინტერვალი არის დაახლოებით 10, 12 ან 14 დღე.
2. ნერგები იზრდება 50 დღის განმავლობაში, ამიტომ სასუქი უნდა მისცეთ მკაცრად 3-4 ჯერ მთელი პერიოდის განმავლობაში, 10 დღის ასაკიდან დაწყებული. თუ სასუქის მიცემის დროს გამოტოვებთ, პომიდორი მაღალი გაიზრდება, სუსტი იქნება, რაც მოგვიანებით მოსავალზე აისახება.
3. რატომ უნდა გამოვკვებოთ ნერგები? ბევრი ვერ ხედავს განსხვავებას ნაზ ნერგებსა და მომწიფებულ ძლიერ ბუჩქებს შორის, მაგრამ ამაოდ. თუ დიდი ბუჩქები შეგიძლიათ კვებოთ ქიმიური სასუქებით საფრთხის გარეშე, მაშინ ნერგების სუსტი ფესვები შეიძლება დაიწვას ქიმიური საშუალებებით. ამიტომ, ნერგებისთვის გამოიყენეთ ყვავილის სასუქი ან ბუნებრივი ნეშომპალა.
4. მოზრდილი პომიდვრის საუკეთესო მინერალური სასუქები ღია გრუნტში ან სათბურში შემდეგია: სუპერფოსფატი, შარდოვანა, კალიუმის ნიტრატი, კალიუმის ან მაგნიუმის სულფატი, ნიტროფოსკა. ეს მინერალური პრეპარატები საიმედოა, იაფი და უკვე დიდი ხანია გამოიყენება მებოსტნეების რამდენიმე თაობის მიერ.
5. ჯგუთვა (პიკირება) – პროდუქტიულობის გაზრდის საიდუმლო პროცედურაა, მაგრამ ბევრს ეშინია მისი გამოყენების. თესლის გაღივებიდან მე-12-14 დღეს პომიდორს უნდა ჰქონდეს წყვილი ნამდვილი ფოთოლი. ეს საუკეთესო დროა ჯგუთვისთვის – ძირითად, ყველაზე სქელ ფესვს მაკრატლით ჭრიან, ან ფრთხილად აწყვეტენ 1/3-ს, რის შემდეგაც ნერგებს რგავენ უფრო დიდ კონტეინერებში. ჯგუთვა ასტიმულირებს ძლიერი ფესვების წარმოქმნას, რომლებიც შთანთქავს ბევრ საკვებ ნივთიერებას მოსავლიანობის გაზრდის მიზნით.
6. როგორც ნერგის, ასევე ზრდასრული პომიდვრის შემთხვევაში ფესვებთან სასუქი შეგვაქვს ყოველთვის წყლით მორწყვის შემდეგ. პროცედურებს შორის ინტერვალი 1 საათია. თუ მშრალ ნიადაგს მორწყავთ სასუქით, განსაკუთრებით მინერალურით, არსებობს საშიშროება, რომ დაიწვას დელიკატური შემწოვი ფესვები, რომლთა გაზრდასაც 10 დღე დასჭირდება. გასაგებია, რომ ამ დროს ნაყოფის მომწიფება შენელდება.
7. თუ პომიდორი სათბურში იზრდება, მაშინ ყველა ბუჩქი მსუბუქად უნდა შეანჯღრიოთ, კვირაში 2 – 3-ჯერ. საქმე ისაა, რომ მცენარეებისთვის სასიცოცხლოდ აუცილებელია ჰაერის ცირკულაცია. ბუნებაში, ამ პასუხისმგებლობას საკუთარ თავზე იღებს ქარი, ბუჩქების ტოტების რყევით. სათბურში კი უმჯობესია ვენტილატორის დაყენება ან ხანდახან პომიდვრის ხელით შერყევა. ეს მოქმედება პირდაპირ გავლენას ახდენს ნაყოფის სწრაფ მომწიფებაზე.
8. შეარხიეთ ბუჩქები, როცა ისინი მზად იქნებიან ფესვების გასაზრდელად. რაც უფრო ძლიერია ფესვები, მით უფრო დიდი იქნება ნაყოფი. თავად პომიდორი გკარნახობთ, როდის არის ამის დრო: მთავარ ღეროზე ჩნდება ღია მწვანე ფერის წანაზარდები – ეს არის ფესვების ჩანასახები.
9. კიდევ ერთი შეცდომაა – ნიადაგის მულჩირების გამოტოვება. ეს მარტივი პროცედურა მოსავალს 30%-ით ზრდის! მულჩად ვიყენებ ნახერხს, ჩალას ან ამ დანამატებისა და ჰუმუსის ნარევს. აქ უკვე ორმაგი სარგებელია: მულჩი იცავს ნიადაგს ტენის დაკარგვისგან, ხელს უშლის სარეველების ზრდას, ნეშომპალა კი შესანიშნავად კვებავს ბუჩქს.
10. გასხვლა – ზედმეტი მწვანე ყლორტების მოცილება, რომლებიც საკვებ ნივთიერებებს მოიხმარს, აუცილებელია. ეს ზრდის ნაყოფს და ჩნდება მეტი კვირტი.
ახლა კი გაგიზიარებთ ჩემი მეზობლის მთავარ ხრიკებს, რათა სეზონზე თითო ბუჩქზე 10 – 15 კგ პომიდორი დაკრიფოთ!
პომიდორი ძალიან კარგად გაიზრდება: ხრიკები, რომლებიც მეზობელმა მასწავლა
თავიდან მეგონა, რომ ჩემი მეზობელი ახალ იაპონურ სასუქს იყენებდა, მაგრამ აღმოჩნდა, რომ ასე არ იყო. მეზობლებს ბოსტანში შესაშური პომიდვრის ბუჩქები აქვთ, ნაყოფი კი იმდენად დიდია, რომ საყრდენს საჭიროებს, თორემ ბუჩქი გატყდება.
„პომიდვრის მიწაში ჩადეთ თევზი“
მართალი გითხრათ, ეს არ ვიცოდი. ჩვენი ბაბუები სსრკ-ს დროს ძალიან ჭკვიანები იყვნენ, ამიტომ მათ მოიფიქრეს, თუ როგორ უნდა გაზარდონ უმარტივესი ჯიშების მოსავლიანობა. და ეს ყველაფერი ხალხის გამომგონებლობისა და დაკვირვების წყალობით.
ნაკვეთი შემოდგომაზე უნდა მოამზადოთ. მოსავლის აღების შემდეგ, ჯანსაღი ფოთლები და ღეროები უნდა მოაგროვოთ, დაჭრათ თოხით ან ცულით წვრილად და სწრაფად ჩაყაროთ გაფხვიერებულ მიწაში. არ დაიჯერებთ, როგორ გაიზრდება პომიდორი „თავის“ ნიადაგზე. როგორც ჩანს, ყველა სარგებელი მცენარეებიდან მიწაში გადადის, იქიდან კი პომიდვრის ახალ ბუჩქებში.
„და ჩადეთ ერთი თევზი, ან ორი, ეს უკეთესი იქნება – ამის შემდეგ კიდევ უფრო გამიკვირდა. თურმე იმისათვის, რომ ქიმიური საშუალებები არ გამოეყენებინათ, ჩვენმა წინაპრებმა დიდი ხნის წინ შენიშნეს, რომ პომიდორი კარგად იზრდება ცილოვან საკვებზე. თევზი უნდა იყოს ხელის გულის ზომის, ან ცოტა დიდი. მე ვყიდულობ ყველაზე იაფ მოივას – ჩემი კატებიც კი არ ჭამენ. მაგრამ არის ერთი პირობა – თევზი არ უნდა იყოს დამარილებული, უნდა იყოს უმი, ან გაყინული. მას ასევე შემოდგომაზე დებენ მიწაში, ან ადრე გაზაფხულზე ნიადაგის გაფხვიერების დროს, ბუჩქზე 1 თევზის ოდენობით. არ შეგეშინდეთ, ცუდი სუნი არ იქნება, მაგრამ მოსავლის აღებით დაიღლებით.
„შეასხურე ეს ნარევი და პომიდორი 2-ჯერ უფრო სწრაფად მომწიფდება“
ეს შესხურება მოსავლიანობას 20%-ით ზრდის!
უნდა აიღოთ 10 გრამი ბორის მჟავა (ფხვნილი) და გააზავოთ 10 ლიტრ წყალში. ამის შემდეგ დაუყოვნებლივ უნდა შეასხუროთ ბუჩქებს მთლიანად. უმჯობესია ამის გაკეთება დილით, რათა მზემ სველი ფოთლები არ დაწვას. ბორი აჩქარებს პომიდვრის გაწითლებას და მომწიფებას, ასტიმულირებს ახალი კვირტების წარმოქმნას და იცავს სოკოსგან. შეასხურეთ ბორი სეზონზე 1-2-ჯერ, ნაყოფის მომწიფების დროს, უფრო ხშირად არ შეიძლება.
გარდა ამისა, მეზობელმა მირჩია, მწვანე ფოთლების დაუზოგავად მოწყვეტა, რომ პომიდორი არ „გასუქდეს“ და ფოთლების ნაცვლად ნაყოფი გაიზარდოს. ზუსტად ასე მოვიქეცი, პომიდორი თითქმის შიშველი იყო, მაგრამ შესაშური მოსავლით! ჩემმა ცოლმა რამდენიმე ქილა დააკონსერვა, სალათებიც უამრავი მივირთვით და მთელ ნათესაობასაც დავურიგეთ. მე ახლა მე ყოველთვის მივყვები ამ მარტივ რჩევებს.
