დამსახურებულმა ექიმმა ოლგა შარაპოვამ ისაუბრა, თუ როგორ უნდა ავიცილოთ თავიდან ნაბახუსევი, ფერმენტირებული სასმელების გამოყენებით.
ექიმმა შარაპოვამ თქვა, რომ კეფირი ან თანი ხელს უწყობს ნაბახუსევის თავიდან აცილებას. ერთ-ერთ ინტერვიუში მან განაცხადა:
„კეფირი ან თანი შეიცავს ამინომჟავა ტრიპტოფანს, რომელსაც შეუძლია შეამციროს ნაბახუსევის სიმპტომები მეორე დღეს“.
ნაბახუსევის არასასიამოვნო მდგომარეობა, რომელიც იგრძნობა დილით, წინა ღამით ალკოჰოლის დალევის შემდეგ, ჩვეულებრივ ვლინდება თავის ტკივილით, გულისრევით, ძალის დაკარგვით, ზოგადი სისუსტით და გაღიზიანებით. ყველა ეს შეგრძნება არის ალკოჰოლური სასმელების დიურეზული ეფექტისა და სისხლში ტოქსინების მაღალი კონცენტრაციის შედეგი, რომლებიც გამოიყოფა ეთანოლის მეტაბოლიზმის დროს. ექიმმა შარაპოვამ აღნიშნა, რომ ასეთ ვითარებაში ნორმალური მდგომარეობის აღდგენას, პირველ რიგში ხელს უწყობს ელექტროლიტური ბალანსის ნორმალიზება. ნაბახუსევთან წარმატებით საბრძოლველად, საჭიროა არა მხოლოდ ბევრი სითხის დალევა, არამედ მასთან ერთად ელექტროლიტების მიღება: სასმელი წყალი ლიმონით, მინერალური წყალი, პომიდვრის წვენი.
რაც შეეხება კეფირს ან თანს, რომელთა დალევაც ხელს უწყობს ნაბახუსევის თავიდან აცილებას, უნდა დალიოთ ძილის წინ.
თანისა და კეფირის გარდა, სასარგებლოა B ვიტამინებით, კალიუმით, მაგნიუმით, თუთიით და C ვიტამინით მდიდარი საკვები, როგორიცაა ბანანი, გარგარი, მწვანე ჩაი, ფორთოხლის წვენი, თხილი, ავოკადო, კვერცხი, ზღვის პროდუქტები და მწვანე ბოსტნეული“, – დასძინა ოლგა შარაპოვამ.
ნაბახუსევის რისკის შესამცირებლად უპირატესობა უნდა მიენიჭოს მსუბუქ სასმელებს და მხედველობაში უნდა იქნას მიღებული ინდივიდუალური მგრძნობელობა ალკოჰოლის მიმართ. ასევე უნდა მოერიდოთ სხვადასხვა სახის ალკოჰოლის შერევას და ტკბილი კოქტეილების დალევას, რაც ამძაფრებს სასმელის უარყოფით ეფექტს, დაასკვნა ექიმმა.
მნიშვნელოვანია! ინფორმაცია მოწოდებულია საცნობარო მიზნებისთვის. უკუჩვენებებისა და გვერდითი მოვლენების შესახებ ჰკითხეთ სპეციალისტს და არავითარ შემთხვევაში არ ჩაიტაროთ თვითმკურნალობა. დაავადების პირველი ნიშნების გამოვლენისას მიმართეთ ექიმს.
