ორქიდეა თითქმის ყველა დიასახლისის სახლში შეგიძლიათ იპოვოთ. ბევრს მოსწონს მისი ლამაზი ყვავილობა და დიდი მწვანე ფოთლები. ამ ოთახის მცენარის მოყვარულებმა იციან ყვავილის სათანადო მოვლის ყველა მახასიათებელი და პირობა, რომელშიც ყველაზე უკეთ იზრდება. ზოგიერთი ჯიში არც ისე იაფია, ამიტომ მისი მფლობელები ცდილობენ ყვავილების გამრავლებას სახლის პირობებში, რომ რაც შეიძლება მეტი ყვავილი ჰქონდეთ თავისთვის ან გასაყიდად. ორქიდეის გამრავლება რამდენიმე მეთოდით ხდება, მაგრამ დღეს ვისაუბროთ ფოთლიდან გაზრდაზე.
ორქიდეის გამრავლება ფოთლიდან
„პაპარაცი“ გთავაზობთ დეტალურ ინსტრუქციას, რომელიც დაგეხმარებათ გაზარდოთ ორქიდეა ფოთლიდან. აღსანიშნავია, რომ რთული მეთოდია და შეიძლება დრო დასჭირდეს. შესაფერისია იმ მცენარისთვის, რომლის ფესვებით გადარგვა ან გაყოფა არ შეიძლება, მაგალითად, ავადმყოფების შემდეგ სისუსტის გამო.
საჭირო ინსტრუმენტები:
- სასხლავი ან ბასრი მაკრატელი
- პლასტმასის კონტეინერი
- გაფილტრული წყალი
- ფესვის წარმომქმნელი
- ციტოკინინის პასტა
- აქტივირებული ნახშირი
- ქარვის მჟავა
მოქმედების წესი:
1. პირველ რიგში, ორქიდეას ფოთოლი მოაჭერით. ეს გააკეთეთ მხოლოდ ჯანსაღ მცენარეზე, რომელიც ყველა დაავადებაზე ნამკურნალებია. თავად ფოთოლზე არ არის ზრდის წერტილები, საიდანაც ფესვები შეიძლება გამოჩნდეს, ამიტომ ღეროს მცირე ნაწილთან ერთად უნდა მოჭრათ. გადაჭრილი ფოთოლი მომდევნო 8 საათის განმავლობაში უნდა გაშრეს და მხოლოდ ამის შემდეგ შეგიძლიათ გააგრძელოთ ორქიდეის გამრავლების პროცედურა.
2. ღეროს ნაწილს, რომელიც გადაჭერით, ფესვის წარმომქმნელი წაუსვით. მას, როგორც სხვა დანარჩენ სასუქს, ნებისმიერ ყვავილების მაღაზიაში შეიძენთ. „კორნევინი“ შესანიშნავია. ერთი აბი ნახშირი და წყალი პლასტმასის კონტეინერში გახსენით. ეს ფოთლიდან ფესვების სისტემის ზრდას გაააქტიურებს.
3. ყლორტს შეგიძლიათ წაუსვათ ციტოკინინის მალამო ფესვის წარმოქმნის პროცესის დასაჩქარებლად. დამატებით წყალში 1 აბი ქარვის მჟავა გახსენით. ფოთოლი ამ ნარევში ღეროთი ზემოთ მოათავსეთ. აკონტროლეთ, რომ წყლის დონე ყოველთვის საკმარისი იყოს. ღერო, რომლიდანაც ფესვები გაიზრდება, წყლის ზემოთ უნდა იყოს, წინააღმდეგ შემთხვევაში, ასეთი გამრავლება არ გამოდგება.
4. დარგვამდე ფოთოლი და ფესვები სოკოს არსებობაზე კარგად შეამოწმეთ. თუ არის, აუცილებლად დაამუშავეთ ახალი მცენარე.
ფოთლიდან ორქიდეის გამრავლება ხანგრძლივი პროცესია, მაგრამ შედეგით კმაყოფილი დარჩებით. ამ მეთოდის წყალობით მიიღებთ არა მხოლოდ ახალ და ახალ ყვავილებს თქვენი ფანჯრის რაფაზე, არამედ გააცოცხლებთ მომაკვდავ მცენარეს.
