მეცნიერებმა განსაზღვრეს ძილის ოპტიმალური ხანგრძლივობა ნებისმიერი ასაკისთვის

მეცნიერთა აზრით, ძილის ოპტიმალური ხანგრძლივობა ადამიანებისთვის ვარირებს მათი ასაკის მიხედვით. ახალგაზრდებსაც, მოხუცებსაც, შუა ხნის ასაკის ხალხსა და ბავშვებსაც სჭირდებათ სხვადასხვა ხანგრძლივობის ძილი. ამის შესახებ ჩვენი რედაქცია მოგიყვებათ.

სპეციალისტები ხაზს უსვამენ: ადამიანებისთვის ძილის ოპტიმალური ხანგრძლივობა ძლიერად განსხვავდება. აშშ-ს ძილის ეროვნული ფონდის მონაცემებით, ზრდასრული ადამიანის გამოძინებისთვის საკმარისია 7 საათი, ხოლო ახალშობილისთვის – 19 საათამდე.

აი, როგორ რეკომენდაციებს გვაძლევენ მეცნიერები ძილის ოპტიმალურ ხანგრძლივობასთან დაკავშირებით, სხვადასხვა ასაკობრივი კატეგორიის ადამიანებისთვის.

0-3 თვე

ყველაზე პატარა ბავშვებისთვის ძილის იდეალური ხანგრძლივობა დღეში 14-17 საათია, თუმცა, ზოგიერთ ბავშვს ჰყოფნის 11 საათი, როცა სხვებს 19 სჭირდება.

4-11 თვე

ბავშვები ღამის ძილს ეჩვევიან და დღის განმავლობაში სულ უფრო ნაკლები შესვენება სჭირდებათ. ძილის იდეალური ხანგრძლივობა დაახლოებით 15 საათს შეადგენს, თუმცა ზოგიერთ ბავშვს 10 საათი ჰყოფნის.

1-2 წელი

ძილის ოპტიმალური ხანგრძლივობა 12-15 საათია. ბავშვები, რომლებსაც 10 საათზე ნაკლებ ხანს სძინავთ, ხშირად, დაღლილობას ჰიპერაქტიულობით ინაზღაურებენ.

3-5 წელი

ამ ასაკის ბავშვებს 10-13 საათი უნდა ეძინოთ, ოღონდ, არავითარ შემთხვევაში 8 საათზე ნაკლები. წინააღმდეგ შემთხვევაში, ბავშვებს ქცევის პრობლემები შეექმნებათ.

6-13 წელი

ძილის ოპტიმალური ხანგრძლივობა ამ ასაკში 7-12 საათია. ტუბინჰენსკის უნივერსიტეტის მეცნიერების მიერ ჩატარებულმა კვლევამ დაადგინა, რომ აღნიშნულ ასაკში, რაც უფრო მეტხანს სძინავთ ბავშვებს (აღნიშნული ნორმის ფარგლებში), მით უფრო გონიერი ხდებიან.

14-17 წელი

სქესობრივი მომწიფების პერიოდში, ორგანიზმი საკუთარი ჰორმონების მსხვერპლი ხდება. ბავშვობიდან ზრდასრულობის ასაკში გადასვლასთან გასამკლავებლად, მოზარდმა დღეში 8-9 საათი უნდა იძინოს.

18-25 წელი

ცხოვრების ამ ეტაპის განმავლობაში, ძილის ხანგრძლივობა 7-9 საათს შეადგენს.

26-64 წელი

ცხოვრების ამ ყველზე ხანგრძლივი ასაკობრივი პერიოდის განმავლობაში, ადამიანებს, ჩვეულებრივ, 7-9 საათით ძილი სჭირდებათ. ამავდროულად, მეცნიერები თვლიან, რომ 6-10 საათით ძილიც ახლოსაა ნორმასთან, მაშინ, როცა 6 საათზე ნაკლებ ხანს ძილი ძალიან მავნეა ჯანმრთელობისთვის, თავისი შედეგების გამო, მათ შორისაა, გულ-სისხლძარღვთა დაავადებების განვითარება, მათალი წნევა და სიმსუქნე.