ბაღში ქაცვის რამდენიმე დიდი ხე მეზრდება, რომელთაგანაც წელს კარგ მოსავალს ველი. მინდა ქაცვისგან რამე სასარგებლო მოვამზადო. გთხოვთ, მირჩიეთ, როგორ გავაკეთო ეს. პატივისცემით, ს.ზ.
წერილს პასუხობს ექიმი ფიტოთერაპევტი, ორიგინალურ იდეათა უკრაინული საერთაშორისო აკადემიის აკადემიკოსი ევგენი ტოვსტუხა:
ქაცვის რბილობი შეიცავს სურნელოვან ზეთს, შაქარს, ვაშლისა და ციტრუსის მჟავას, ტანინებსა და პექტინებს, C, B1, B6 ვიტამინებს, ფოლიუმის მჟავას, ინოზიტებს.
ქაცვის სასმლის მოსამზადებლად კრეფენ მწიფე ნაყოფს, უმჯობესია, პირველი ყინვების შემდეგ.
გთავაზობთ სასმლის რეცეპტს: 3 ლ ქაცვის წვენი, 3 ლ თავშავას წყლიანი ნაყენი, 500 გ ახალგაზაფხულის თაფლი, 96%-იანი სპირტი. ნედლი ნაყოფი გარეცხეთ, გადაარჩიეთ, დაწურეთ წვენი, დააყენეთ 4 საათით და გაფილტრეთ. 200 გ ხმელი თავშავას ბალახს დაასხით 3 ლ მდუღარე წყალი, დააყენეთ 4 საათით, გაფილტრეთ და ისევ მიიყვანეთ 3 ლ მოცულობამდე.
სასმელი გამოიყენება სასუნთქი გზების ანთებითი დაავადებების დროს, ათეროსკლეროზის, კუჭისა და თორმეტგოჯა ნაწლავის წყლულოვანი დაავადებების სამკურნალოდ და პროფილაქტიკისთვის, ღვიძლისა და კუჭქვეშა ჯირკვლის დაავადებების დროს, რადიონუკლიდების დაკავშირებისა და გამოდევნისთვის, როგორც კოსმეტიკური საშუალება სახის კანის გათეთრებისთვის, ეკზემის, ნეიროდერმიტის, დამწვრობისა და მოყინვის სამკურნალოდ.
სასმელს იღებენ 1-3 ს.კ.-ს, ჭამამდე 30 წუთით ადრე, დღეში 3-4-ჯერ. სასმლით სახისა და კისრის კანს კვირაში 3-4-ჯერ, ძილის წინ, 1-2 თვის მანძილზე იწმენდენ.
