წმინდა ნიკოლოზ საკვირველთმოქმედი მთელ მსოფლიოში პატივცემულია. მისადმი ლოცვა ჯანმრთელობისთვის ყოველთვის დაგეხმარებათ სირთულეების გადალახვაში, ზოგიერთ შემთხვევაში კი ბედს უკეთესობისკენაც კი შეცვლის.
ლოცვა წმინდა ნიკოლოზ საკვირველთმოქმედისადმი, ჯანმრთელობისთვის
წმინდა ნიკოლოზ საკვირველთმოქმედი ბავშვებისა და ყველა მოგზაურის მფარველად ითვლება. თუმცა, შეგიძლიათ, მას სხვა შემთხვევებშიც მიმართოთ. იგი ბევრს ეხმარება სამსახურის, ჯანმრთელობისა და, ზოგადად, ბედისწერის გაუმჯობესებაში.
წმინდანის ცხოვრება სავსეა საკვირველი ისტორიებით, რომელთა მიხედვითაც, ნიკოლაი ეხმარება ყველას, ვისაც ეს დახმარება ნამდვილად სჭირდება. სწორედ ამ ისტორიებმა ჩაუყარა საფუძველი ისეთ ცნობილ პერსონაჟს, როგორიც სანტა-კლაუსია.
წმინდა ნიკოლოზ საკვირველთმოქმედის ხსოვნის მთავარი დღეები:
- 19 დეკემბერი
- 22 მაისი
- 11 აგვისტო
წმინდა ნიკოლოზ საკვირველთმოქმედის წმინდა ნაწილები ბარიში, იტალიაში ინახება. საინტერესო ფაქტი: 2014 წელს, მეცნიერებმა შეძლეს წმინდანის გარეგნობის აღდგენა მისი ნეშთის გამოყენებით. სიმაღლეში 167 სმ, გრძელი წვერითა და დიდი წვერით.
არსებობს რამდენიმე ლოცვა წმინდანისადმი. მათ შორის, ყველაზე ცნობილია ლოცვა ჯანმრთელობის, ბედისწერის შეცვლისა და უსაფრთხო მგზავრობისთვის.
ლოცვა ჯანმრთელობისთვის
ტროპარი: კანონად სარწმუნოებისა და ხატად სიმშვიდისა, და მოძღვრად მარხვისა გყო შენ ქრისტემან, სამწყსოსა შენისათვის ჭეშმარიტებით, ამისთვისცა მოიგე სიმდაბლითა სიმაღლე და სიგლახაკითა სიმდიდრე, წმიდაო მღვდელთმთავარო ნიკოლოზ ევედრე ქრისტესა ღმერთსა შეწყალებად სულთა ჩვენთათვის!
კონდაკი: მირონით გამო, წმიდაო, მსხვერპლის შემწირველად გამოსჩნდი, რამეთუ შენ ქრისტეს სახიერებაჲ აღასრულე, და დასდევ სული შენი ერისა მისთვის შენისა, და იხსენ უბრალონი სიკვდილისაგან, ამისთვისცა წმიდა იქმენ შენ, დიდი მესაიდუმლე მადლისა ღმრთისა.
ლოცვა მგზავრებისთვის
გზა და ჭეშმარიტება შენ ხარ, ქრისტე, მოგზაური ანგელოსი აწ მოუვლინე მონასა (ანუ მხევალსა) შენსა (სახელი) მფარველად, ვითარცა ოდესმე ტობიას და ყოვლისაგან ბოროტისა და ყოველსა კეთილ-მითვალულებასა შინა უვნებელად დამცუელი სადიდებელად შენდა, მეოხებითა ღმრთისმშობელისათა, მხოლოო კაცთმოყვარე.
დიდება მამასა და ძესა და წმიდასა სულსა.
ნუ შეგეშინდებათ წმინდანებისთვის მიმართვისა, როცა დახმარება და მხარდაჭერა დაგჭირდებათ. ლოცვების კითხვა ამშვიდებს, განგაწყობთ მშვიდობიანად და აზრებს აწესრიგებს. ხშირად, სწორედ ასეთი მედიტაციის დროს მოსდით ადამიანებს ძალიან კარგი იდეები. გამოსავლის პოვნა ნებისმიერ სიტუაციაში შეიძლება.
