უთოში ნადუღის გაჩენა პრობლემაა, რომელსაც ადრე თუ გვიან ნებისმიერი დიასახლისი აწყდება. ამ დროს ჩნდება კითხვა იმის შესახებ, თუ როგორ მოვაშოროთ ნადუღი და ჭუჭყი მოწყობილობას დამოუკიდებლად. ამის გაკეთება შეგიძლიათ სახლში, სპეციალიზებული საშუალებების ან ნაკლებად ხარჯიანი მეთოდების – ხალხური რეცეპტების გამოყენებით. განვიხილოთ არსებულთაგან ყველაზე ეფექტური ვარიანტები.
როგორ და რატომ ჩნდება ნადუღი უთოში
უთოს გაცხელებისას, შიდა მეტალის ელემენტებზე ჩნდება მარილის დაგროვებები. მათი წყაროა წყალი, რომელიც აუცილებელია “ორთქლის” ფუნქციისთვის. მარილიანი ნადები, დროთა განმავლობაში, ჩნდება ორთქლგამომყოფ ხვრელებში, ასევე, თავად წყლის ჭურჭელში.
თუ უთოს ნადუღს დროულად არ მოაშორებთ, ეს არამხოლოდ ტანსაცმელს გააფუჭებს, არამედ თავად მოწყობილობასაც დააზიანებს. გაწმენდის დროის მოსვლას ხშირად გვატყობინებს ხვრელებიდან უნებურად გამოჟონილი ჟანგიანი წყალი. როგორ ავიცილოთ თავიდან ეს? საჭიროა უთოს გაწმენდა 2-3 თვეში ერთხელ.
როგორ მოვაშოროთ უთოს ნადები
თვითწმენდის ფუნქცია
დიდი პლუსია, თუ უთოს თვითწმენდის ფუნქცია აქვს. ეს ამარტივებს მოწყობილობის მოვლას. მისი აქტივაციისთვის:
- მთლიანად გაავსეთ უთოს შესაფერისი დანაყოფი წყლით.
- ჩართეთ მოწყობილობა ელექტროქსელში და დააყენეთ მაქსიმალურ ტემპერატურულ რეჟიმზე.
- სასურველია, უთო წინასწარ მომზადებულ ნებისმიერ ჭურჭელზე იდოს.
- თერმოსტატის ავტომატური გამორთვის შემდეგ, დააჭირეთ ავტომატური წმენდის ღილაკს (ჩვეულებრივ, მას CalcClean).
- ორთქლის მძლავრი ნაკადი ნადუღს შიგნიდან გამოდევნის ხვრელებიდან უფრო ინტენსიური წმენდისთვის, უთო ოდნავ შეაქანეთ.
- პროცედურა გაიმეორეთ 3-4-ჯერ.
- როცა მოწყობილობა გაგრილდება, ზედაპირი სველი ხელსახოცით გაწმინდეთ.
ხალხური მეთოდები
უთოდან ნადუღის მოსაშორებლად, საჭირო არაა სპეციალური საშუალებების გამოყენება. ენდეთ გამოცდილ საშინაო რეცეპტებს, რომლებიც არანაკლებ ეფექტურია. ამ საქმეში რეკომენდებულია
- ლიმონმჟავა;
- ძმრის ხსნარი;
- მინერალური წყალი.
ორთქლის უთოს ლიმონმჟავით გაწმენდა ყველაზე მარტივი და ეფექტური საშუალებაა. ფხვნილი გახსენით 1 ჭიქა თბილ გადადუღებულ წყალში. შეაერთეთ მოწყობილობა ქსელში და ჩართეთ მაქსიმალურ სიმძლავრეზე. სრული გაცხელების შემდეგ, ჩართეთ ორთქლის რეჟიმი. სასურველია, ეს ვარცლზე გააკეთოთ. დაელოდეთ, სანამ ჩასხმული სითხე სრულად არ აორთქლდება. გაავსეთ და დააცარიელეთ უთოს წყლის ჭურჭელი ამ ხსნარით 3-4-ჯერ. შემდეგ გამორეცხეთ ჭურჭელი გამდინარე წყლით და გაწმინდეთ უთოს ძირი სველი ხელსახოცით.
ძმრის ხსნარი უფრო მოსახერხებელია იმ უთოებისთვის, რომლებსაც დასაუთავებელი ზედაპირი მეტალისგან აქვს დამზადებული. სანამ მოწყობილობას ძმრით გაწმენდდეთ, მოამზადეთ ცეცხლგამძლე ჭურჭელი, დაგით ცეცხლზე და ჩაასხით 1 ლ მდუღარე წყალი. დაუმატეთ წყალს 9%-იანი ძმარი და შეურიეთ. ჭურჭლის ფსკერზე, ერთმანეთისგან 10-15 სმ-ს დაშორებით, მოათავსეთ ორი ხის ჯოხი. მათზე მოათავსეთ უთო, წყალმა მისი საუთოვებელი ზედაპირი წყლით უნდა დაიფაროს. ცეცხლი ჩართეთ, აადუღეთ სითხე და გამორთეთ. გაიმეორეთ რამდენჯერმე. პროცესის დასრულების შემდეგ, ჩვეულებრივი წყლით გამოიყენეთ ორთქლის რეჟიმი, წყლის სრულად აორთქლებამდე, უსარგებლო ქსოვილზე.
ნადუღის მოშორების კიდევ ერთი პოპულარული საშუალებაა ჩვეულებრივი მინერალური წყალი. უთოს გასაწმენდად, ავზში ჩაასხით მინერალური წყალი, ჩართეთ მოწყობილობა მაქსიმალური სიმძლავრით. თერმოსტატის ავტომატური გამორთვის შემდეგ, ჩართეთ ორთქლის რეჟიმი და შეანჯღრიეთ უთო სითხის სრულად აორთქლებამდე. მარილის ნადები ორთქლთან ერთად გამოვა გარეთ. ხარისხიანი შდეგისთვის, პროცედურა 3-4-ჯერ გაიმეორეთ. ბოლოს, მინერალურის ნაცვლად, ჩვეულებრივი, გადადუღებული წყალი გამოიყენეთ.
