როგორ მოიქცეოდით, თქვენი რძალი ზედმეტად ძალაუფლების მოყვარული ქალი რომ ყოფილიყო, თქვენს ვაჟიშვილს კი თქვენთვის დახმარება ეთხოვა მასთან გამკლავებაში?

ხომ არ წახვიდოდით სიტუაციაში გასარკვევად და პრობლემის გადასაჭრელად?

ძალაუფლების მოყვარული ქალი

გასულ უქმეებზე, ჩემი ვაჟი უეცრად მესტუმრა. ჩვეულებრივ, იგი იშვიათად მოდის ხოლმე, მე თვითონ მივდივარ მასთან, რომ შვილიშვილებიც ვნახო…

მაშინ შევნიშნე, რომ თენგიზი აღელვებული და დაპანიკებული იყო. დავინტერესდი, რა მოხდა-მეთქი. არ მორიდებია, ყველაფერს თავიდან ბოლომე მომიყვა.

-“დედა, ირინა ბოლო ნახევარი წელია ძალიან შეიცვალა. გახსოვს, როგორი იყო ადრე? მოალერსე, კეთილი, მოსიყვარულე… გეგონება, ახლა ვიღაცამ ჩაანაცვლაო. სულ სკანდალებს მიწყობს, ისე მელაპარაკება, ვითომ მისი ქვეშევრდომი ვარ და არა ქმარი. ბავშვებსაც უყვირის. აზრზე არ ვარ, რით დაიწყო ყველაფერი და არც ის ვიცი, როგორ დავაბრუნო ძველ მდგომარეობაში…”

მოკლედ, მე და ჩემი ვაჟი გვიან საღამომდე ვსაუბრობდით. ძირითადად ის ლაპარაკობდა, მე უბრალოდ ვუსმენდი და ვერ ვიჯერებდი მის ნათქვამს. 

სიმართლე რომ გითხრათ, ჩემი ვაჟის საოჯახო საქმეებში ჩარევა არ მინდოდა. მაგრამ ისეთი განაწყენებული იყო… დამშვიდობებისას ვუთხარი, რომ ირინას დაველაპარაკებოდი. მას დედა არ ჰყავს, მე კი მასთან ყოველთვის კარგი ურთიერთობა მქონდა და მისი დარიგება გადავწყვიტე. იქნებ, ჩემმა ვაჟმა დააშავა რამე, რასაც ვერ იაზრებს.

როგორც დავპირდი, ორშაბათს ვესტუმრე. როგორც კი სახლში შევედი, დაძაბული ენერგეტიკა ვიგრძენი. ამას ადრე როგორ ვერ ვამჩნევდი? სულ რამდენიმე კვირის წინაც ვიყავი და ყველაფერი კარგად იყო. თუმცა, აღმოჩნდა, რომ უკვე 6 თვეა, რაღაც ცუდი ხდება.

სიმართლე რომ გითხრათ, თავიდან არ ვიცოდი, როგორ დამეწყო საუბარი რძალთან. შემდეგ კი გადავწყვიტე, რომ ძველი ნაცნობის ისტორიასავით მომეყოლა. მოვუყევი, რომ ერთი ნაცნობი ქმარმა იმიტომ მიატოვა, რომ ქალი ძალიან მომთხოვნი და გამაღიზიანებელი გახდა.

ირინამ კი ჩაიცინა და მიპასუხა, რომ ის ნაცნობი თავს უკეთ იგრძნობს. თუ კაცი ჩვარივით იქცევა, მასზე დროის დაკარგვა არ ღირს.

ასე გულდამძიმებული წავედი სახლში. იქნებ, პირდაპირ უნდა გამომეკითხა რძალი, რა ხდებოდა, მიკიბ-მოკიბვა საჭირო არ იყო? ახლა როგორ მოვიქცე? როგორ დავეხმარო ვაჟს?

რედაქციისგან

საკმაოდ რთული სიტუაციაა. შეუძლებელია ბოლომდე იმის გაგება, თუ როგორ უნდა გადაიჭრას პრობლემა, თუ მისი გაჩენის მიზეზს ვერ გავიგებთ. თუმცა, ერთ რამეს ზუსტად გეტყვით. ის, რომ ჩვენს დღევანდელ გმირს შვილის ოჯახურ ურთიერთობაში ჩარევა არ სურდა, აბსოლუტურად სწორი გადაწყვეტილებაა.

თუმცა, ის, რომ ოჯახური საკითხები და პრობლემები მხოლოდ და მხოლოდ მეუღლეებს შორის უნდა გადაწყდეს, რაც ფსიქოლოგებმა არაერთხელ დაამტკიცეს. ვფიქრობ, რომ ამ შემთხვევაში ერთადერთი სწორი გამოსავალი იმის დაჟინება იქნება, რომ ვაჟს აიძულოს თავის ცოლთან საუბარი, სიტუაციის გარკვევა. ხშირად, ქალს უბრალოდ მამაკაცის ყურადღება არ ჰყოფნის, თავი კარგად რომ იგრძნოს და ოჯახში ჰარმონიული ურთიერთობა შეინარჩუნოს. სავსებით შესაძლებელია, რომ ეს შემთხვევა გამონაკლისი არ იყოს.