კიტრი კორეულად სტაფილოთი – წასახემსებელი, რომელზე უკეთესს ვერც იპოვით. მისი მომზადების რეცეპტი ბოშა გალინას ვიდეოებში ვიპოვე და ახლა პაპარაცის რედაქცია თქვენც გიზიარებთ.
კიტრი კორეულად სტაფილოთი
ინგრედიენტები:
- 1,3 კგ კიტრი
- 2 სტაფილო
- 1 ხახვი
- 2 ს/კ მარილი
- 25 გრ მწვანე ხახვი
- 100 მლ წყალი
- 6 კბილი ნიორი
- 25 გრ ქინძის კაკლები
- 100 მლ თევზის სოუსი
- 2 ჩ/კ შაქარი
- 2 ს/კ ცხარე წიწაკის ფანტელები
მომზადების წესი:
1. კიტრს ყუნწები მოაშორეთ და განივად (ბოლომდე არა) 4 ნაწილად ჩაჭერით.
2. კიტრი თასში მოათავსეთ და მარილი მოაყარეთ.
3. აურიეთ და 20 წუთით გააჩერეთ.
4. სტაფილო კორეული მეთოდით გახეხეთ. ხახვი თხელ ნახევარ რგოლებად დაჭერით.
5. გახეხილი სტაფილო და ხახვი თასში ჩაყარეთ, წიწაკა და შაქარი დაუმატეთ. დაჭყლეტილი და წვრილად დაჭრილი ნიორი დაუმატეთ. აქვე მწვანე ხახვი და ქინძი დაუმატეთ.
6. თევზის სოუსი წყალს აურიეთ. სტაფილოს და ხახვის ნარევს მოასხით.
7. ბოსტნეულს აურიეთ და 10 წუთით გააჩერეთ.
8. კიტრს კიდევ ერთხელ აურიეთ და გამდინარე წყალში გარეცხეთ. კიტრის ჩაჭრილი წვერები ოდნავ გადაწიეთ და სტაფილოს, ხახვის და მწვანილის ნარევით ამოავსეთ.
9. ასეთი კიტრი შეგიძლიათ იმწამსვე სუფრაზე გაიტანოთ, მაგრამ გირჩევთ კიდევ 1–2 საათით დააყენოთ. ესეც ასე, კიტრი კორეულად სტაფილოთი მზადაა. გემრიელად მიირთვით! წარმატებულ კულინარიულ ექსპერიმენტებს გისურვებთ!
