ცოტა ხნის წინ ვალენტინობა აღვნიშნეთ. შეყვარებულები ჩქარობდნენ თავიანთი მეორე ნახევრებისთვის ყვავილების და ტკბილეულის ჩუქებას. რა თქმა უნდა, მშვენიერი გრძნობაა სიყვარული. საიდან მოდის ეს დღესასწაული და აქვს თუა არა მას სასულიერო დღესასწაულთან რამე კავშირი, პაპარაცის დღევანდელ სტატიაში გაიგებთ.

ყველაზე ამაღლებული გრძნობა

წმინდა ვალენტინის შესახებ ლეგენდა გვიყვება, რომ ის იყო მღვდელი და ფარულად სწერდა ჯვარს წყვილებს, რადგან იმ დროს ხელისუფლება კრძალავდა მარტოხელა მამაკაცების დაქორწინებას. ახალგაზრდები უნდა წასულიყვნენ ჯარში და ჩამდგარიყვნენ ქვეყნის სამსახურში. ვალენტინი კი შეყვარებულებს ეხმარებოდა და მათ ჯვარს სწერდა ხოლმე. საბოლოოდ მისი ქმედება გაიგეს და 14 თებერვალს სიკვდილით დასაჯეს.არსებობს კიდევ მეორე ლეგენდა: ვალენტინი ფარულად ემსახურებოდა ღმერთს, რაც იმ პერიოდში აკრძალული იყო. ამასთან ჯვარს წერდა შეყვარებულ წყვილებს და ღვთის მადლით მოსავდა მათ. ხელისუფლებამ ვალენტინი დააკავა და სიკვდილით დასაჯა. მან დატოვა მადლიერების წერილები პატარა ფურცლებზე, რომელსაც პატარა ვალენტინებს უწოდებენ.

კომერციული გათვლა – ვალენტინობის დღეს ყვავილებისა და საჩუქრების გაყიდვები მკვეთრად მატულობს. მოთხოვნადია თემატური სადღესასწაულო ატრიბუტები: შოკოლადები, სათამაშოები, სამკაულები… ამ დღეს ყველა ცდილობს თავისი დამოკიდებულების დემონსტრირებას და მაქსიმალურად დახარჯვას. რაც კომერციული მხარისთვის საკმაოდ მომგებიანი ხდება.უმჯობესი იქნებოდა, წყვილებმა ერთმანეთის მიმართ პატივისცემა წელიწადის სხვა დღეებშიც გამოიჩინონ და არა მხოლოდ დღესასწაულებზე.

სასულიერო პირების პოზიცია – სასულიერო პირები ადასტურებენ, რომ წმინდა ვალენტინი ნამდვილად იყო ისტორიაში. ეს იყო მღვდელი, რომელიც დასაჯეს რწმენის გამო, შეყვარებული წყვილების დაქორწინებაზე არაფერია ნათქვამი.მნიშვნელოვანია, გავაცნობიეროთ, რომ ურთიერთობა ეს არის ორი ადამიანის შრომა. სიყვარული იწყება პატარა ნაპერწკლით და შემდეგ დიდ ცეცხლად იქცევა. ის ათბობს ყველას, ვისაც სჭირდება. ცეცხლს კი მოვლა და შენარჩუნება უნდა.

როგორ შევინარჩუნოთ ყველაზე ამაღლებული გრძნობა? – მუდმივად უნდა გამოხატოთ გრძნობები საყვარელი ადამიანის მიმართ. ეს არ უნდა იყოს დამოკიდებული კვირის რომელიმე დღესა და დღესასწაულებზე. საუბარი არ არის ძვირფას საჩუქრებსა და ყვავილებზე. მნიშვნელოვანია საყვარელი ადამიანის მოსმენა და მისთვის დროის დათმობა. უნდა დაინტერესდეთ იმით, თუ რას გრძნობს, განმარტოვდეთ მასთან. არ აქვს მნიშვნელობა წყვილი რამდენი ხანია ცხოვრობს ერთად, ყავთ თუ არა შვილები. სითბო და ყურადღება ყოველთვის საჭიროა.

როგორ უნდა გამოხატოს ადამიანმა სიყვარული? რა უნდა გააკეთოს ამ დროს? რას ურჩევდით წყვილებს, რომელთა ურთიერთობაში სიცივე გაჩნდა? გაგვიზიარეთ კომენტარებში.