ომში წასული ვაჟისთვის ლოცვა ყველა დედის ბაგესა და გულშია. ეს ქალები ნამდვილი გმირები არიან, ყოველ დღე შიშითა და სასოწარკვეთილებით იღვიძებენ, ან ნახავენ შვილს ცოცხალს, ან არა. უკრაინელი ჯარისკაცები ახლა სამშობლოსთვის იბრძვიან და რთულია იმ დედის ადგილას ყოფნა, ვისი შვილებიც ახლა ფრონტის ხაზზეა.
ლოცვა ომში მყოფი შვილისთვის
რა თქმა უნდა, ძალიან მნიშვნელოვანია ადამიანის ფსიქიკური ჯანმრთელობა. ომი კი არა მარტო სხეულს უქმნის საფრთხეს, არამედ ადამიანის სულსაც ანადგურებ. საშინელებაა იმის წარმოდგენაც კი, თუ რას გრძნობს დედა, რომლის შვილი ომშია. ადამიანი, რომელიც მუცლით ატარა, გაზარდა და სიცოცხლეზე მეტად უყვარს, ახლა უდიდესი საფრთხის წინაშეა.პაპარაცის რედაქცია ყველა დედას გაძლიერებას უსურვებს, მათ ლოცვის ძალით უნდა დაიფარონ შვილები განსაცდელისგან. ლოცვა დაეხმარება სულიერად დამშვიდებასა და ძალების მოკრებაში. დედებო, მიენდეთ ღმერთს და არ დაკარგოთ რწმენა!
ლოცვა შვილებისთვის
“ჰოი, ყოვლადწმიდაო დედუფალო ღვთისმშობელო! იხსენ და დაიცევ შვილნი ჩემნი (სახელი) ცილისწამებისაგან, ყოვლისაგან ჭირისა და უეცარი სიკვდილისაგან.
შეიწყალენ შვილნი ჩემნი ჟამთა დღისათა, განთიადისა და მწუხრისა და ყოველთა ჟამთა შინა, მძინარენი დაიცევ, დაიფარე და შეზღუდე. დაიცევ შვილნი ჩემნი დედუფალო ყოველთაგან მტერთა ხილულთა და არახილულთა, ყოველთა ჟამთა და საქმეთა ექმენ შვილთა ჩემთა, დედაო, გადაულახავ კედლად და მტკიცე შემწედ. ყოვლადვე აწ და მარადის და უკუნითი უკუნისამდე. ამინ!”
“ჰოი, დიდო მთავარანგელოზო მიქაელ! – შეეწიე შვილთა ჩემთა (სახელები), დაიცევ ისინი ყოვლისაგან ძვრისა, ცეცხლისა, მახვილისა, ქარისაგან მომსვრელისა და ყოვლისაგან ბოროტისა და სიკვდილ შემოსილისა წყლულებისა. დაიცევ ისინი, დიდო მთავარანგელოზო მიქაელ, მხედართმთავარო უფლისაო, ყოვლადვე აწ და მარადის და უკუნითი უკუნისამდე. ამინ”
“ჰოი, სამებაო, ერთარსებაო და განუყოფელო, მამაო, ძეო და წმიდაო სულო! გევედრები შენ, უფალო, დაიცავ შვილნი ჩემნი (სახელები) ყოვლისაგან ჭირისა, რისხვისა და იწროებისა, მტერთაგან ხილულთა და უხილავთა და უცნაურისა სიკვდილისაგან და ღირს ჰყავ ისინი ზეცისასა შენსა სასუფეველსა. დაუსაბამოისა მამისა, თანადაუსაბამოით შენით ძითურთ და ყოვლად-წმიდით და სახიერით და ცხოველისმყოფელით სულით შენითურით, თაყვანის გცემ არსობით და გევედრები, ნუ დახშავ საუნჯეთა შენთა შვილთა ჩემთათვის (სახელები).ნუ მოიძულებ მეფეო, რამეთუ ხელთა შენთა ქმნილნი არიან. დაიცავ შვილნი ჩემნი (სახელები) ამა სოფლის ამაოებათა ხიბლისაგან, არამედ სრულიად აღავსე გულნი მათნი სულითა შენითა წმიდათა, რათა ყოველნი მათნი საქმენი წარემართნონ სულიერთა შენთა კეთილთა და საუკუნო ცხოვრებისაკენ. ამინ! ამინ! ამინ!”
რჩევა რედაქციისგან: დედის ლოცვას უდიდესი ძალა აქვს, მისი სიყვარული შორი მანძილიდანაც გზას უნათებს შვილს. იმედია, გმირი ვაჟები უვნებლად დაუბრუნდებიან ოჯახებს და ყველაფერი კარგად იქნება.
