მებაღეები და მებოსტნეები სამართლიანად მიიჩნევენ მაისს წლის მნიშვნელოვან დროდ. სწორედ ამ თვეში ეყრება საფუძველი მომავალ მოსავალს. იმისათვის, რომ ნარგავები წარმატებით გაიზარდოს, პაპარაცის დღევანდელ სტატიაში მოგიმზადეთ თესვის 2022 წლის კალენდარი. მასში ნახავთ ყველაზე ხელსაყრელ დღეებს ბოსტნეულის და მწვანილის დასარგავად.
მთვარის კალენდარი 2022 წლის მაისისთვის
მაისის ამინდი ხშირად გვატყუებს ხოლმე. ერთ დღეს სასიამოვნო მზეა, ხვალ კი შეიძლება ქარიშხალი ამოვარდეს, ღამით კი მინუსამდე დაეცეს ტემპერატურა. ამიტომ მთვარის კალენდრის გარდა უნდა გაითვალისწინოთ გარემო ტემპერატურაც. სასურველია, რომ არ იყოს 8-10 გრადუსზე დაბალი.
მაისის დასაწყისში ღია გრუნტზე ითესება ლობიო, სტაფილო, ბოლოკი, თალგამი, სალათი, მუხუდო, ოხრახუში. ყველა ეს მცენარე გამძლეა დაბალი ტემპერატურის მიმართ და უყვარს ტენი. ამიტომ მიზანშეწონილია მათი დარგვა სანამ ნაკვეთი ბოლომდე გამოშრება სიცხისგან.
10 მაისის შემდეგ შეგიძლიათ დარგოთ პომიდორი, წიწაკა და ბადრიჯანი. კარტოფილის დარგვამდე ნიადაგი უნდა გათბეს 6-8 გრადუსამდე. ხალხის დაკვირვებით, კარტოფილი უნდა დაირგოს მაშინ, როდესაც ყვავილობას იწყებს შოთხვი, ანუ ჩიტის ალუბალი.
მაისის შუა რიცხვებიდან ამინდი თბილია და შეიძლება ლობიოს, სიმინდის, მზესუმზირის, ჭარხლის, ნივრის და მწვანე ხახვის დათესვა. მაისის ბოლო ათეულში დარგეთ თეთრი კომბოსტო, ბრიუსელის კომბოსტო, ნიახური. შემდეგ კი კიტრის, ყაბაყის, გოგრის და სხვა ბაღჩეული კულტურების ჯერია.
მთვარის ფაზები 2022 წლის მაისში
- მზარდი მთვარე – 1-15, 31 მაისი
- ჩამქრალი მთვარე – 17-29 მაისი
- მთვარის დაბნელება – 16 მაისი
- ახალი მთვარე – 30 მაისი
- სავსე მთვარე – 16 მაისი
სასურველი და არასასურველი დღეები თესვისთვის
- კეთილსასურველი დღეები: 1–8, 12, 13, 14, 15, 19, 20, 23, 24, 27, 28 მაისი
- არაკეთილსასურველი დღეები: 9, 16, 21, 22, 29, 30, 31 მაისი
- ნეიტრალური დღეები: 10–11, 17, 18, 25, 26 მაისი
ოპტიმალური დღეები ბოსტნეულის თესვისთვის
- საუკეთესო დღეები ხახვის დასათესად: 1–2, 5–7, 15, 17–20, 23, 27–28 მაისი
- მარცვლეული, ლობიო, მუხუდო: 16–17, 22–24, 28–29 მაისი
- სტაფილო: 1–2, 5–7, 15, 19–20, 23–24, 27–28 მაისი
- ყაბაყი: 1–2, 5–7, 15, 23–24, 27–28 მაისი
- კომბოსტო: 1–2, 5–7, 12–15, 23–24, 27–28 მაისი
- პომიდვრის ჩითილები: 1–2, 5–7, 15, 23–24, 27–28 მაისი
- კიტრი: 1–2, 5–7, 12–15, 23–24, 27–28 მაისი
- კარტოფილი: 1–6, 10, 11, 15, 17, 19, 23, 24, 27 მაისი
- გაზაფხულის ნიორი: 1–2, 15, 17, 27–28 მაისი
- ჭარხალი: 1–2, 5–7, 15, 19–20, 23–24, 27–28 მაისი
- ბოლოკი: 1–2, 5–7, 15, 19–20, 23–24, 27–28 მაისი
იმედი გვაქვს, რომ ეს ინფორმაცია დაგეხმარებათ მოსავლის მოყვანის საუკეთესოდ დაგეგმვაში. წარმატებებს გისურვებთ და გელოდებით კომენტარებში.
