სარეცხი მანქანა მოსახერხებელი რამ არის, მაგრამ, სამწუხაროდ, არ არის პანაცეა. იდეალურ შემთხვევაში, სხვადასხვა ტიპის ქსოვილზე სხვადასხვა სახის ლაქის ამოსაღებად, თქვენ უნდა გქონდეთ რამდენიმე სახის ფხვნილი და სარეცხი საშუალება. თუმცა, თუ თქვენ გეცოდინებათ რამდენიმე საიდუმლო, შეგიძლიათ გაუმკლავდეთ იმპროვიზირებული მასალებითაც კი. მაგალითად, სოდა, ამიაკი და სარეცხი საპონი დაგეხმარებათ რეცხვის ხარისხის გაუმჯობესებაში.პაპარაცის ამ სტატიაში გაგიზიარებთ რამდენიმე ხრიკს, რომელიც დაგეხმარებათ არა მხოლოდ ჭუჭყიან ნივთებთან გამკლავებაში, არამედ სარეცხი მანქანის სიცოცხლის გახანგრძლივებაშიც.

სოდით რეცხვა

როგორ გავრეცხოთ პირსახოცები – იმისათვის, რომ პირსახოცები რბილი და სასიამოვნო იყოს, უმჯობესია გარეცხოთ სარეცხი საპნისა და სოდას ნარევით. ამისათვის საჭიროა წვრილ სახეხზე გახეხილი 2 სუფრის კოვზი საპონი და 1 სუფრის კოვზი სოდა.იმის გამო, რომ საპონი და სოდა წყალში ნელა იხსნება, შეიძლება სარეცხი მანქანის დაზიანება გამოიწვიოს (სოდა არის აბრაზიული, ხოლო გაუხსნელი საპნის ნაწილები შეიძლება გაიჭედოს სანიაღვრე სისტემაში). ამიტომ, ტექნიკის დასაცავად, მოათავსეთ ჩვეულებრივ წინდაში გახეხილი საპნისა და სოდის ნარევი, შემდეგ განასკვეთ და ჩადეთ დოლურაში. ასე ყველა მყარი ნაწილაკი დარჩება წინდის შიგნით, ხოლო საპნის და სოდა ხსნარი წარმატებით გამოვა ქსოვილიდან და გარეცხავს პირსახოცებს.

როგორ გავრეცხოთ ჯინსები – იმისათვის, რომ მკვრივი ქსოვილისგან დამზადებული ჯინსი უკეთ გაირეცხოს, სარეცხი მანქანის დოლურაში ჩადეთ მყარი ღრუბელი. ეს ხელს შეუწყობს სარეცხი ფხვნილის აქაფებას და გაზრდის ზეწოლას ჯინსებზე. ასე რომ თქვენ შეგიძლიათ ამოიღოთ ღრმად ჩამჯდარი ლაქებიც კი! უბრალოდ დაიმახსოვრე, რომ ეს ხრიკი მხოლოდ სქელ ჯინსთან მუშაობს, ხოლო თხელ ნივთებთან არ არის რეკომენდებული.

როგორ მოვაშოროთ ტანსაცმელს ბეწვი – შინაური ცხოველების მფლობელებმა იციან, თუ რა ძნელია ტანსაცმლიდან ბეწვის მოშორება. გარეცხვის შემდეგაც კი, ის ხშირად რჩება ქსოვილზე. ამის თავიდან ასაცილებლად, რეცხვის დროს ტანსაცმელთან ერთად შედეთ ჭურჭლის სარეცხი სილიკონის ფუნჯი. ის ამოიღებს ბეწვს და ხელს შეუწყობს სარეცხი ფხვნილის უკეთესად აქაფებას. ასევე შეგიძლიათ სცადოთ სპეციალური სარეცხი ბურთები, რომლებიც მუშაობენ იგივე პრინციპით.

როგორ გავრეცხოთ ჟელეთი – თუ სარეცხს რეცხავთ ჟელეთი, დაასხით ის ხელსახოცზე და ტანსაცმელთან ერთად შედეთ დოლურაში. ამ გზით თქვენ დაიჭერთ ორ ჩიტს ერთად! ჯერ ერთი, სითხე უფრო ეკონომიურად დაიხარჯება და მეორეც, ხელსახოცი მიიკრავს წვრილ ნამცეცებს და ჭუჭყს.

როგორ გავაუმჯობესოთ იაფიანი სარეცხი ფხვნილის ხარისხი – თუ ნივთების დაბალ ტემპერატურაზე გარეცხვა გჭირდებათ და იყენებთ ბიუჯეტურ სარეცხ ფხვნილს, მაშინ გარეცხვამდე კარგად გახსენით ის წყალში (ნახევარი ლიტრში საკმარისი იქნება). ამის შემდეგ, დაასხით ხსნარი ფხვნილის განყოფილებაში ან პირდაპირ დოლურაში. ასე თქვენი ნივთები უკეთესად გაირეცხება და მანქანა დაზოგავს თავის რესურსს.ასევე შეგიძლიათ გაზარდოთ სარეცხი ფხვნილის ეფექტურობა ამიაკით. ჩაასხით 2-3 სუფრის კოვზი ფხვნილი მანქანის სასურველ განყოფილებაში და დაამატეთ 50 მლ. ამიაკი. ამ კომბინაციით ლაქები უკეთ ირეცხება, ქსოვილი კი ფერს შეინარჩუნებს. განსაკუთრებით ძლიერი დაბინძურების დროს უმჯობესია გამოიყენოთ ჟანგბადის მათეთრებელი.

არ დაგავიწყდეთ თავად მანქანაზე ზრუნვა, რადგან მისი მდგომარეობა პირდაპირ გავლენას ახდენს რეცხვის ხარისხზე. ბევრი ყურადღებას არ აქცევს ძირითადი განყოფილების დალუქვის რეზინს. იქ დროთა განმავლობაში ჩნდება ნადები, რომელიც იწვევს უსიამოვნო სუნს. ამიტომ პერიოდულად გაწმინდეთ წყალბადის ზეჟანგით.

როგორც ხედავთ, რეცხვა შემოქმედებითი პროცესია და იმისათვის, რომ დაეუფლოთ რეცხვის ხელოვნებას, საჭიროა არა მხოლოდ საკუთარი გამოცდილება, არამედ სხვა ადამიანების გამოცდილების გულდასმით შესწავლა. ასე რომ, ნუ მოგერიდებათ და გაგვიზიარეთ თქვენი ხრიკები კომენტარებში!