დიდი ასაკობრივი სხვაობა ცოლ-ქმარს შორის, დიდი ხანია ბევრისთვის წვრილმანი გახდა. მაგალითად, პაპარაცის დღევანდელი სტატიის გმირებმა მოახერხეს არა მხოლოდ ურთიერთობის დაწყება, არამედ ბავშვის გაჩენაც. ალბერტო კორმიო დაქორწინდა მასზე 48 წლით უმცროს ქალზე და გახდა მამა 83 წლის ასაკში. გვინდა გაგიზიაროთ ეს წარმოუდგენელი ამბავი!

დიდი ასაკობრივი სხვაობა

ალბერტო კორმიო დაიბადა 1938 წლის 31 აგვისტოს ბუენოს აირესში. ჯერ კიდევ ბავშვობაში ცხადი იყო, რომ გაიზრდებოდა და გავლენიანი ადამიანი გახდებოდა. ასეც მოხდა. ალბერტო ერთ-ერთი ყველაზე ცნობილი დიეტოლოგია არგენტინაში.ის ძალიან პოპულარულია თავის ქვეყანაში, ხშირად გამოდის ტელევიზიით, ატარებს სხვადასხვა საგანმანათლებლო ღონისძიებებს და იღებს კლიენტებს მთელი მსოფლიოდან. დღეს ინსტაგრამზე ექიმის საქმიანობას 335 ათასი ადამიანი ადევნებს თვალს.ალბერტომ თავისი ცხოვრების უმეტესი ნაწილი სამუშაოს მიუძღვნა. ის ნაკლებად ფიქრობდა თავის პირად ცხოვრებაზე, სანამ 74 წლის ასაკში არ გაიცნო ესტეფანია პასქვინი. ოცნების მამაკაცთან ასაკობრივმა უზარმაზარმა სხვაობამ – 48 წელმა, ქალს ხელი არ შეუშალა ურთიერთობის დაწყებაში.

თავდაპირველად შეყვარებულები ერთმანეთს ფარულად ხვდებოდნენ და მათი რომანის შესახებ მხოლოდ 2019 წელს გახდა ცნობილი, როცა განაცხადეს, რომ დაქორწინებას აპირებდნენ.შეხვედრის დროს ესტეფანია მხოლოდ 25 წლის იყო. ოჯახის შექმნასა და ბავშვის გაჩენაზე ოცნებობდა. წყვილმა დაანგრია ყველა არსებული სტერეოტიპი ასაკისა და სიყვარულის შესახებ და მოახერხა ბავშვის გაჩენა.

ბედნიერი ოჯახური ცხოვრება – ბიჭი სრულიად ჯანმრთელი დაიბადა და რამდენიმე დღის შემდეგ დედასთან ერთად სახლში გაწერეს. ალბერტო და ესტეფანია მიხვდნენ, რომ ახლა მათ კიდევ უფრო ფრთხილად უნდა მოეკიდონ საკუთარ ჯანმრთელობას. წყვილმა დაიწყო კვების მონიტორინგი. მაგალითად, მათ მთლიანად ამოიღეს რაციონიდან მარილი და შაქარი.გარდა ამისა, ალბერტო ეწევა აქტიური ცხოვრების წესს. მიუხედავად მრავალი ავადმყოფობისა და ტრავმისა, ის აგრძელებს ვარჯიშს, ცეკვავს ჩიჩოტკას და სამეჯლისო ცეკვებს.

როგორც ჩვეულებრივ ხდება ხოლმე, ბავშვის დაბადების შემდეგ, ალბერტოსკენ სიძულვილის ნაკადი წავიდა. ექიმი უპასუხისმგებლობაში დაადანაშაულეს: არ არის კარგი ამ ასაკში შვილების გაჩენა… ბავშვი ძალიან ადრე დაკარგავს მამას…თუმცა, არგენტინელ მამიკოს სულ სხვა გეგმები აქვს. მას სურს 105 წლამდე იცხოვროს, რათა ნახოს, როგორ დაამთავრებს მისი მემკვიდრე სკოლასა და უნივერსიტეტს. ამ დამოკიდებულებით შესაძლებელია მთების გადადგმა და ეს ძალიან შთამაგონებელია!სხვათა შორის, ალბერტოს მამობის გამოცდილება აქვს. მას ჰყავს ზრდასრული ქალიშვილი რენე და ვაჟი ადრიანი. მართალია, წლების განმავლობაში დაავიწყდა, როგორია ახალშობილის აღზრდა, მაგრამ მეუღლესთან ერთად მაინც კარგად გამოსდის.მიუხედავად კრიტიკის ქარ-ცეცხლისა, ექიმი არ ნანობს თავის გადაწყვეტილებას. ყოველ ჯერზე, როცა რაიმეში შეეპარება ეჭვი, უყურებს შვილის გაბრწყინებულ ღიმილს და სჯერა, რომ ის აუცილებლად მიაღწევს წარმატებას ხანგრძლივი და ბედნიერი ცხოვრების გეგმის შესრულებაში.

ახლობლების მხარდაჭერა – მამაკაცთან დიდი ასაკობრივი სხვაობა ბევრ ქალს აშინებს, მაგრამ ესტეფანიას არ ეშინოდა, რას იტყოდნენ მასზე სხვები და დაჯილდოვდა თავისი გამბედაობისთვის.ალბერტოს ოჯახი ყველაფერს აკეთებს მათ დასახმარებლად. ექიმის უფროსი შვილები აღფრთოვანებული არიან პატარა ძმით.ცხოვრება არ ჩერდება მხოლოდ იმიტომ, რომ ჩვენ დავბერდით. დაე, 83 წლის ალბერტო კორმიო იყოს სტიმული ბევრისთვის. საკუთარი მაგალითით ის გვიჩვენებს, რომ მნიშვნელოვანია მადლიერი ვიყოთ ყოველი სიახლისთვის ცხოვრებაში.

მიეცით თქვენს ცხოვრებას აზრი და მაშინ შეძლებთ იყოთ ბედნიერი ადამიანი მიუხედავად ასაკისა. თქვენ რას ფიქრობთ? გაგვიზიარეთ კომენტარებში.