ყვავილების მაღაზიებში კაქტუსებს ლამაზი კოკრებით ხშირად ვხედავთ. უმეტეს შემთხვევაში, ეს მხოლოდ გაფორმებაა. კაქტუსი ეფექტურად რომ გამოიყურებოდეს, შეღებილ გამხმარ ყვავილებს ამაგრებენ. ამ მცენარის ნამდვილად აყვავება რთული საქმეა, მაგრამ შესაძლებელია. Paparazzi გიამბობთ, როგორ აიძულოთ კაქტუსს ლამაზად და დიდებულად აყვავება. სასურველი შედეგის მიღებაში გამოცდილი ფლორისტების 5 რჩევა დაგეხმარებათ. მათი მოსმენა სწორი გადაწყვეტილებაა. ასე ფანჯრის რაფაზე ეფექტური კაქტუსი ნაზი ყვავილებით თავს მოიწონებს.
როგორ ვაიძულოთ კაქტუსს აყვავება: 5 ნაბიჯი – რებუცია, მამილარია, ექინოფსისი კაქტუსის სახეობებია, რომელთაც აქტიური ყვავილობის მაღალი შანსი აქვთ. სახლშიც შეგიძლიათ ააყვავოთ. რამდენიმე წესი დაიცავით და ლამაზი კოკრების გამოჩენა არ დააყოვნებს. კაქტუსი ზამთარში დაასვენეთ, შემდეგ საქმეს შეუდექით.
- სწორად მორწყვა – მორწყვის ბოროტად გამოყენება ამ მცენარის მიმართ უდიდესი დანაშაულია. ჭარბი მორწყვა ღეროს ლპობას იწვევს, ამიტომ მიწა მხოლოდ ოდნავ დანამეთ. კაქტუსი რომ აყვავდეს, ზაფხულში სამ დღეში ერთხელ მორწყეთ, ხოლო ზამთარში – 3 კვირაში ერთხელ.
- ტემპერატურის შემცირება – კაქტუსს სითბო უყვარს, რადგან გარეთ ცივ ამინდში ძილის ფაზაში გადადის. ამ პერიოდში მთელ ძალას ახალი ყვავილის კვირტების განვითარებაზე ხარჯავს. მომენტი არ გამოგრჩეთ. კაქტუსის ასაყვავებად შესაფერისი პირობები შექმენით, უფრო დაბალ ტემპერატურაზე გადაიტანეთ.
- ნაზი მოპყრობა – კაქტუსის ხშირად შეწუხება არ ღირს. ახალ პირობებს რთულად ეგუება. ქოთანს ადგილი ხშირად არ შეუცვალოთ და არ ატრიალოთ. როცა კაქტუსის ერთი მხარე სინათლის დაცემას ეჩვევა, მისი პოზიცია მინიმუმ 1 წელი არ უნდა შეცვალოთ. წინააღმდეგ შემთხვევაში, მცენარეს კოკრები დაცვივა.
- სათანადო მოვლა – კაქტუსი რომ აყვავდეს, კარგად განათებულ ოთახში მოათავსეთ. არ დაგავიწყდეთ, რომ მცენარე ყოველწლიურად უფრო დიდ კონტეინერში უნდა გადარგოთ. მნიშვნელოვანია! ქოთანი ოდნავ ვიწრო უნდა იყოს. ასე ყვავილების სტიმულირებას ხელს შეუწყობთ.
- საკვების დამატება – კაქტუსი განებივრებული მცენარე არაა, რადგან უდაბნოდან მოდის, ამიტომ სასუქი ფრთხილად დაუმატეთ. ზრდის სეზონზე მაქსიმუმ სამი სასუქი გამოიყენეთ, თუ აყვავებული კაქტუსის ნახვა გსურთ.
შეამოწმეთ, ხომ არ არის ფაქტორები, რომლებიც მცენარის აყვავებას ხელს უშლის. ოთახის განათებას, ტენიანობას, ზამთრის დასვენებას და დაავადებების არარსებობას ყურადღება მიაქციეთ. თუ ყველაფერი რიგზეა და ზემოთ მოცემული რჩევები გათვალისწინებული, კაქტუსი აყვავდება. გახსოვდეთ, რომ მცენარე ვერ გაგახარებთ რეგულარული კოკრებით, რომლებიც ყოველწლიურად გამოჩნდება. ყვავილობაც დიდხანს არ გრძელდება (მხოლოდ რამდენიმე დღე), მაგრამ ამად ღირს.
