ამბობენ, რომ სიზმრები ჩვენი აზრებისა და განცდების ანარეკლია. ხშირად ის, რასაც ადამიანი სიფხიზლის დროს განიცდის, ძილშიც გადადის. როდესაც ადამიანი რაღაცაზე ძალიან ღელავს და ფიქრობს, ტვინი ღამითაც კი არ ისვენებს და აგრძელებს ფიქრს ამ სიტუაციაზე. ის ისევ და ისევ განიცდის განცდილ მოვლენას, რომელიც ძალიან ძლიერი იყო ემოციურად. მაგრამ რატომ ესიზმრება ადამიანს ჯადოქარი და რით შეიძლება ამის ახსნა?
პაპარაცის დღევანდელ სტატიაში სწორედ ამ თემაზე ვისაუბრებთ და ასევე გიამბობთ, როგორ ამოიცნოთ ჯადოქარი რეალურ ცხოვრებაში და დაიცვათ თავი მისგან.
რატომ ესიზმრებათ ჯადოქარი
ჩვენი ტვინი უნიკალური ქმნილებაა, რომელსაც შეუძლია რამდენიმე წამში ინფორმაციის უზარმაზარი ნაკადი გადაამუშავოს. მას შეუძლია დახატოს სიუჟეტი ჩვენი ცხოვრების ნებისმიერი მოვლენისთვის.
ზოგჯერ ჩვენი სიზმრები სრულიად არარეალურია, შეიძლება ითქვას, ფანტასტიკური და მისტიკურიც კი. ხან სადმე ვვარდებით, ხან სადღაც მივფრინავთ, ხან უცნაურ არსებებს ვხვდებით. დილით, ზოგჯერ ვერც კი ვიჯერებთ, რომ ასეთი რამის დასიზმრება შესაძლებელია. მაგრამ სიზმრის თითოეული ფრაგმენტი, მისი თითოეული პერსონაჟი – რეალობის ანარეკლია, რომელშიც ჩვენ ვცხოვრობთ. უბრალოდ, ჩვენმა ტვინმა გადაწყვიტა გამოესახა რაიმე სახის პრობლემა, მაგალითად, კაქტუსის ან არნახული ფრინველის სახით. ხშირად ჩვენი ტვინი სიზმარში სხვადასხვა ზღაპრულ და ეპიკურ პერსონაჟს ხედავს, მაგალითად, როგორიცაა, ჯადოქარი ან ალქაჯი. რატომ ესიზმრებათ ჯადოქარი, ამის გარკვევას ახლა შევეცდებით.
ჯადოქარი თუ ალქაჯი?
ჯერ უნდა გავარკვიოთ ვინ არის ჯადოქარი და ვინ არის ალქაჯი. დღეს ეს ორი სიტყვა გაიგივებულია, მაგრამ მათ შორის ფუნდამენტური განსხვავებაა. ალქაჯები დასახმარებლად მოდიან და ადამიანს რთული ცხოვრებისეული სიტუაციების გარკვევაში ეხმარებიან. ძველად ალქაჯები მკურნალები იყვნენ. მათ შეეძლოთ განკურნება და კარგად ერკვეოდნენ ბალახებში.
ჯადოქარი ბოროტია. ის ადამიანებისთვის ბოროტებას სჩადის. თუ ადამიანს ალქაჯი ესიზმრება, ეს შეიძლება იყოს გაფრთხილება და, შედეგად, თქვენ მიიღებთ მხარდაჭერას და დახმარებას მცოდნე ადამიანებისგან. შესაძლოა, გელოდებოდეთ რომანტიკული მოგზაურობა, ბედნიერი დასასრულით. ან შესაძლოა ხელოვნებით დაკავდეთ და ახალი იდეები გაგიჩნდეთ.
თუ ჯადოქარი დაგესიზმრებათ, მაშინ ასეთი სიზმარი მოასწავებს პრობლემებს სამსახურში ან პირად ცხოვრებაში. ეს შეიძლება იყოს ქვეცნობიერის ნიშანი იმისა, რომ გელოდებათ საშიშროება გარიგების დადებისას ან ახალი ადამიანის გაცნობისას. ქალისთვის სიზმარში ჯადოქრის ნახვა შეიძლება ნიშნავდეს რაიმე პრობლემის გადაჭრის შიშს. სიზმარში ჯადოქრის ნახვა მამაკაცს ჰპირდება ცოლთან ჩხუბს ან სამსახურში კონფლიქტს. ნებისმიერ შემთხვევაში, ეს საფრთხის შესახებ გაფრთხილების ნიშანია და უახლოეს დღეებში ძალიან ფრთხილად და ყურადღებით უნდა იყოთ.
მაგრამ, სამწუხაროდ, ჯადოქრები ჩვენს გარშემო არიან არა მხოლოდ სიზმარში. ხშირად მათ რეალურ ცხოვრებაშიც ვხვდებით და მათ ასევე შეუძლიათ უსიამოვნების მოტანა. ჯადოქრები ძალიან შურიანები არიან, ყოველთვის წუწუნებენ და პრობლემებზე ჩივიან. მას შეუძლია გაგიღიმოს და ქათინაურიც კი გითხრას, მაგრამ როგორც კი მის მზერას შეხვდებით, მაშინვე იგრძნობთ სიცივეს. ეს ჯადოქრის ნიშნებია!
ასეთ ადამიანი მზად არის ყველაზე მზაკვრული საქმეებისა და მოქმედებებისთვის. თუ გსურთ დაიცვათ თავი ასეთი ადამიანის გავლენისგან, ერთი მარტივი რიტუალი დაიმახსოვრეთ. ასეთ ადამიანთან ურთიერთობისას შეეცადეთ არ ისაუბროთ ბევრი და დეტალურად საკუთარი საქმეების შესახებ. შეეცადეთ, საუბრის დროს ხელები ზურგს უკან გადაიტანოთ, ორივე ხელით მუშტი შეკარით და ცერა თითი საჩვენებელ და შუა თითს შორის მოიქციეთ. ისე რომ არავინ დაინახოს. და ძალიან ჩუმად ან თქვენს გონებაში ეს სიტყვები წარმოთქვით: “ყველაფერი ჩემი ჩემთან რჩება, ყველაფერი შენი – შენ გიბრუნდება”.
შეგიძლიათ გაიმეოროთ ეს რიტუალი ასეთ ადამიანთან საუბრის შემდეგ, თუ მის შემდეგ უარყოფითი ენერგიის კვალს იგრძნობთ. ეს სიტყვები და მოქმედებები ხელს უწყობს ამ ადამიანის ნეგატიური მესიჯების განეიტრალებას და ისინი მას დაუბრუნდება. სამწუხაროდ, ჩვენი ცხოვრების გზაზე სხვადასხვანაირ ადამიანებს ვხვდებით და ყველა ადამიანი არ არის მზად ჩვენთან ერთად გაიხაროს ჩვენი წარმატებებით. უმჯობესია, ვისწავლოთ, როგორ დავიცვათ თავი სხვადასხვა ადამიანების ცუდი აზრებისგან. ამაოდ კი არ ამბობენ, რომ ბედნიერებას სიჩუმე უყვარს.
