ხანდახან ძალიან გვენანება სადილის შემდეგ დარჩენილი საკვების გადაყრა, არადა მეორე დღეს კერძი ისეთი გემრიელი აღარ არის. განსაკუთრებით, ხორცი, რომელიც მშრალი ხდება. ხორცი ადვილად რომ იღეჭებოდეს და გემო არ დაკარგოს, მიკროტალღური ღუმელი და ტაფა არ გამოიყენოთ გასაცხელებლად. მაშ, როგორ გავაცხელოთ ხორცი სხვა მეთოდით?
ყველაფერი უჩვეულოდ მარტივია! არსებობს სამი მეთოდი, რომელიც მიკროტალღური ღუმელის ჩართვას არ მოითხოვს. ასე გუშინდელი ხორცი გემრიელ ნაჭრებად გადაიქცევა. ისიამოვნეთ ღორის, ძროხის და ქათმის ხორცის არომატული კერძით მიკროტალღური ღუმელის მავნე გამოსხივების გარეშე!
როგორ გავაცხელოთ ხორცი: 3 გამოცდილი მეთოდი
პარკში
იდეალური მეთოდია გუშინდელი სტეიკის გასაცხელებლად. ხორცი წვნიანი რომ დარჩეს, აიღეთ ზიპ პარკი. მასში ხორცი მოათავსეთ, ცოტა სანელებელი დაუმატეთ და მთელი ჰაერი გამოუშვით. პარკი მჭიდროდ დახურეთ. ქვაბში წყალი ჩაასხით და ადუღებამდე მიიყვანეთ. შემდეგ მასში ხორცი მოათავსეთ. საშუალო ცეცხლზე 5-7 წუთით გააჩერეთ. მზადაა!
ღუმელში
გაცხელების ამ მეთოდს სწრაფს ვერ ვუწოდებთ, მაგრამ პროდუქტში მაქსიმალურ სარგებელს ინარჩუნებს. საცხობ ლანგარზე ფოლგა დააფინეთ და მცენარეული ზეთი შეასხურეთ. ზემოდან გუშინდელი ხორცი დააწყვეთ. ზემოდან ფოლგა დააფარეთ. 120 გრადუსამდე გახურებულ ღუმელში 10-15 წუთი აცხვეთ. მნიშვნელოვანია! დრო დამოკიდებულია ღუმელის სიმძლავრეზე, ამიტომ გაცხელებას კიდევ რამდენიმე წუთი შეიძლება დასჭირდეს.
ორთქლის აბაზანაზე
მესამე მეთოდი იდეალურია მათთვის, ვისაც ღუმელის გამოყენების შესაძლებლობა არ აქვს. დაგჭირდებათ ქურა და ორი ჭურჭელი. ქვაბში წყალი ჩაასხით და ქურაზე მოათავსეთ. ზემოდან მცირე ზომის ჭურჭელი დაადეთ. მასში მოათავსეთ ხორცი, რომელსაც გაცხელება სჭირდება. ამ მიზნით საწური შეგიძლიათ გამოიყენოთ. დაელოდეთ გაცხელებას, შემდეგ წვნიანი ხორცით ისიამოვნეთ.
ზემოთ ჩამოთვლილი მეთოდებით ხორცს უკეთ გააცხელებთ, ვიდრე მიკროტალღური ღუმელის და ტაფის გამოყენების შემთხვევაში. ამ მეთოდების გამოყენებით ხორცი ნაზი და წვნიანი რჩება.
