ფული ყოველთვის საჭიროა, ამიტომ არასდროს არის საკმარისი. კარგი შემოსავალი ავტომატურად ნიშნავს წარმატებას და კომფორტულ ცხოვრებას. მაგრამ ფულის ქონა საფულეში დამოკიდებულია არა მხოლოდ ფულის გამომუშავების უნარზე. ფულის ნიშნებიც მნიშვნელოვან როლს თამაშობს. მათ შეუძლიათ ხელი შეუწყონ მატერიალური კეთილდღეობის როგორც ზრდას, ასევე შენელებას.
მეგობარმა, რომელიც წლები იცავს ფულის ნიშნებს, მიამბო, რა გავლენა შეიძლება იქონიოს ფულის ნიშნებმა მატერიალურ მდგომარეობაზე. ერთხელ დაინახა, როგორ მივეცი ბოლო კუპიურა საფულიდან მაღაზიაში გამყიდველს და მისაყვედურა. თურმე, ამის გაკეთება არ შეიძლება. გარდა ამისა, მეგობარმა მიმითითა კიდევ რამდენიმე შეცდომაზე, რომელსაც ხშირად ვუშვებდი. მათი გამოსწორების შემდეგ ჩემი ფულადი შემოსავალი რამდენჯერმე გაიზარდა.
ფულის ნიშნები, რომლებიც ხელს უწყობს ფულის ნაკადის გაზრდას
მნიშვნელოვანია გახსოვდეთ, რომ ფული ენერგიაა. ამ ენერგიას პატივი უნდა სცეთ და სწორად გამოიყენოთ. მხოლოდ ამ შემთხვევაში ფული გაავსებს თქვენს საფულეს.
როგორ შევინახოთ ფული
- ფულადი ნაკადი რომ არ შეაფერხოთ, ფულის შენახვის წესები უნდა დაიცვათ:
- ფული არ უნდა ინახებოდეს წყალთან ახლოს, მაგალითად, ნიჟარასთან ან უნიტაზთან ახლოს. წინააღმდეგ შემთხვევაში, ფული სწრაფად „გაცურავს“.
- სივრცე შემოსასვლელ კართან, მაგალითად, ტუმბოზე ან უჯრაში, ფულის შესანახად საუკეთესო ადგილი არ არის. იქიდან მუდმივად გაქრება ფული ყოველგვარი შესყიდვის გარეშე.
- ლეიბის ქვეშ ფულის შენახვა კარგი იდეა არ არის. გარდა იმისა, რომ ეს ფულის ზრდას ხელს არ უწყობს, ფული ლეიბის ქვეშ ძილზეც ნეგატიურად მოქმედებს.
- ფულის დასტები რეზინით ან სამაგრით მჭიდროდ არ შეკრათ შენახვისას. ამის გამო ფული ნაოჭდება და ირღვევა ენერგეტიკული ნაკადები, რომლებიც ფულის დაგროვებას ხელს უწყობს.
- სახლში ფული ყოველთვის რომ იყოს, რამდენიმე კუპიურა სასადილო მაგიდის სუფრის ქვეშ შეინახეთ. ეს ხელს შეუწყობს სიუხვეს, ანუ თქვენი მაგიდა არასდროს იქნება ცარიელი. ფულის კუპიურის ნომინალს მნიშვნელობა არ აქვს. მთავარია, რომ იყოს სუფთა და მთელი.
- საფულეში შეინახეთ მხოლოდ მთელი და სუფთა ბანკნოტები. თუ გაქვთ დახეული კუპიურა, შეაწებეთ და მხოლოდ ამის შემდეგ შეინახეთ საფულეში.
- თუ საფულეს იყენებთ, მასში ყოველთვის უნდა იყოს ფული. ბოლო კუპიურა არასდროს არ უნდა გასცეთ. საფულე ცარიელი არ უნდა დატოვოთ.
- სხვათა შორის, საფულეში კუპიურები განსაკუთრებული პრინციპით უნდა ჩააწყოთ. „პირისპირ“ ერთი მიმართულებით უნდა ჩააწყოთ. გარდა ამისა, ქაღალდის კუპიურები ისე უნდა ჩააწყოთ, რომ მსხვილი ნომინალები თქვენთან უფრო ახლოს იყოს.
- საფულე უნდა იყოს მთელი. გაცვეთილი საფულე დაზიანებული ელვა შესაკრავით და ნახვრეტებით ფულის გადინებას ხელს უწყობს. საფულე ყოველთვის მოწესრიგებული უნდა იყოს. ფულის „სახლი“ უნდა გაწმინდოთ, მოაშოროთ ქვითრები, ქაღალდები და სხვა ნაგავი.
- თუ საფულეს არ იყენებთ, ამის გამოსწორებას გირჩევთ. ფული, როგორც ვთქვით, პატივისცემას მოითხოვს. ჩანთის ან ტანსაცმლის ჯიბეში ფულის შენახვა კარგი გადაწყვეტილება არ არის. თუ კუპიურა ქაოსურად მიმოფანტულია სხვადასხვა ჯიბეში და განყოფილებაში, არსებობს საფრთხე, რომ „გაბრაზდეს“ და აღარ მოვიდეს თქვენთან.
როგორ დავხარჯოთ ფული
- ხელფასის მიღების და ვალის დაბრუნების შემდეგ, ფულის დახარჯვა არ იჩქაროთ. ამ ფულს თქვენს სახლში „ღამე გაათენებინეთ“. ასე საცხოვრებელს დადებითი ენერგიით აავსებთ.
- ფული საღამოს არ აიღოთ და არ გასცეთ. ამან უბედურება შეიძლება მოგიტანოთ. ასევე არ ღირს ფულის დათვლა მზის ჩასვლის შემდეგ.
- ფული ხელიდან ხელში არავის გადასცეთ. ფული მაგიდაზე ან სხვა ზედაპირზე დადეთ. ამის შემდეგ შეუძლია სხვა პირს მისი აღება.
- ფული მარჯვენა ხელით უნდა გასცეთ, მარცხენა ხელით აიღოთ.
- ფული ყოველთვის რომ გამრავლდეს, შემოსავლის ნაწილი გაეცით. მაგალითად, დაეხმარეთ მოხუცებს, გაჭირვებულებს, დევნილებს და სხვადასხვა საქველმოქმედო ფონდს.
- ვალი კვირა დღეს არ აიღოთ, ხოლო სამშაბათს არ ითხოვოთ.
- ვალი დააბრუნეთ იმაზე დაბალი ნომინალის კუპიურებით, ვიდრე ნასესხები გქონდათ.
- თუ რამეს ყიდულობთ, გადახდისას ფული შუაზე გაკეცეთ.
- ფული არ უნდა გაჩერდეს, ამიტომ დროდადრო კუპიურები ახლით შეცვალეთ. ამრიგად, ფულად ნაკადს გააუმჯობესებთ.
- თუ დაგიბრუნეს ხურდა ფული გადახდისას, ყოველთვის დაითვალეთ.
- არასოდეს შეინახოთ ფული დახეულ ჯიბეში.
ფულის ნიშნები და ცრურწმენები
არსებობს ხალხური ნიშნები, რომლებიც ფულთან დაკავშირებული არ არის, მაგრამ ჩვენი კეთილდღეობა მათზე პირდაპირ შეიძლება იყოს დამოკიდებული:
- სახლში ფული რომ არ გამოილიოს, ცოცხი სახელურით ქვემოთ დადეთ, რომ სახლიდან სიმდიდრე არ „გახვეტოთ“.
- მაგიდიდან ნამცეცები ხელით არ გადაფერთხოთ.
- ქუდი და გასაღები მაგიდაზე არ დადოთ წარუმატებლობის თავიდან ასაცილებლად.
- მაგიდაზე დაჯდომა არ შეიძლება.
- სასადილო მაგიდაზე და თაროზე ცარიელი ჭურჭელი არ შეინახოთ. ჭურჭელი, რომელსაც ყოველდღე არ იყენებთ, რამდენიმე მონეტა მოათავსეთ.
- გახსოვდეთ, რომ სახლში სტვენა არ შეიძლება.
- უნიტაზს თავსახური ყოველთვის დაახურეთ, რომ ფული უნიტაზში არ ჩაირეცხოს.
- ყველა დაზიანებული მილი და არხი დროულად შეაკეთეთ, რომ წყალთან ერთად ფული არ წავიდეს.
- მზის ჩასვლის შემდეგ იატაკი არ მოწმინდოთ და არ დაგვათ.
- სახლში ფული ყოველთვის რომ იყოს, აუცილებლად გაზარდეთ ფულის ხე.
ფულის ნიშნები დაგეხმარებათ გაზარდოთ და შეინარჩუნოთ თქვენი მატერიალური სიმდიდრე. გახსოვდეთ, რომ რაც უფრო მეტ პატივს სცემთ ფულს, მით უფრო გაიზრდება მათი რაოდენობა თქვენს სახლში.
