ხალხური ნიშნები ადამიანის ცხოვრების თითქმის ყველა სფეროს ეხება. უმეტესობა მათგანი გვეუბნება, როგორ შევინარჩუნოთ წარმატება და დავიცვათ თავი უარყოფითი ენერგიისგან. „პაპარაცი“ გთავაზობთ ნიშნების სიას, რა არ უნდა გააკეთოთ ღამით. ასე ზედმეტ პრობლემებს თავიდან აიცილებთ.
სია, რა არ უნდა გააკეთოთ ღამით
1. ნაგვის გატანა
ალბათ, არ არსებობს ადამიანი, ვისაც არ სმენია, რომ ნაგვის გატანა არ შეიძლება მზის ჩასვლის შემდეგ. ხალხში არსებობს რწმენა, რომ ამის გაკეთებით სახლიდან გადის წარმატება და ოჯახური კეთილდღეობა. ნიშნები ამბობს, რომ უმჯობესია ნაგავი გაიტანოთ დილით, თუ გინდა სიმდიდრის და იღბლის შენარჩუნება.
2. გასაშრობად დაკიდებული თეთრეულის დატოვება
ძველად ითვლებოდა, რომ ღამით სახლებს შორის სხვადასხვა ბოროტი სული დაძრწის. თუ თეთრეულს ან ქვედა საცვალს გარეთ დატოვებთ, მასზე ნეგატიური ენერგია შეიძლება მოკალათდეს. ვინაიდან ამ ნივთებს ტანთან ახლოს ვატარებთ, ადამიანი ხშირად შეიძლება დაავადდეს. მისი იმუნიტეტი მნიშვნელოვნად შესუსტდება. ამიტომაც ღამით თოკიდან სარეცხი ჩამოხსენით და სახლში შეიტანეთ გასაშრობად.
3. კამათი
ზოგჯერ დღის ბოლოს ემოციები გვიპყრობს. სკანდალი და კამათი ხშირად საღამოს პერიოდში ხდება. თუმცა მათი უარყოფითი ენერგია იზიდავს სხვადასხვა ბოროტ სულს სახლში. ნიშნები გირჩევთ, რომ ურთიერთობის გარჩევა მეორე დღემდე გადადოთ. ტყუილად არ ამბობენ, ჯერ გათენდეს და მერე ვნახოთ.
4. წყალსატევში ბანაობა
ერთი შეხედვით, სახალისო იდეაა, მაგრამ უსიამოვნება შეიძლება შეგიქმნათ. ძველად სჯეროდათ, რომ მდინარეებსა და ტბებში ცხოვრობენ არა მხოლოდ თევზები, არამედ მითური არსებები, რომელთაც არ სურთ, რომ ვინმემ ღამით მათი მყუდროება დაარღვიოს. მაშინაც კი, თუ არ გჯერათ ამის, მაშველებიც არ გირჩევენ ასე გართობას. სიბნელეში წყალმცენარეში გახვევის და პანიკის მაღალი რისკია. რა საჭიროა, საფრთხე შეუქმნათ საკუთარ თავს.
5. სარკეში ჩახედვა
კიდევ ერთი გავრცელებული ცრურწმენა. ალბათ, გსმენიათ, რომ უძველესი დროიდან სარკე ითვლება სხვა სამყაროს პორტალად. ეზოთერიკოსები ირწმუნებიან, რომ ღამით ეს ბარიერი სუსტდება. მზის ჩასვლის შემდეგ სარკეში ჩახედვისას თქვენი სასიცოცხლო ენერგია სხვა განზომილებაში გადადის.
6. ფანჯრებზე ფარდის არ ჩამოფარება
ფარდები გამოიგონეს არა მხოლოდ იმისთვის, რომ ცნობისმოყვარეების მზერისგან თავი დაიცვათ. ღამით ფარდა უნდა ჩამოუფაროთ იმისთვის, რომ სხვადასხვა უწმინდურმა თვალი არ დაადგას თქვენი ოჯახის კეთილდღეობას.
7. დანის დატოვება მაგიდაზე
ღამით ყველა ბასრი საგანი კარადაში ან ტუმბოში შეინახეთ. სამზარეულოს ღია სივრცეში დანის დატოვებამ შეიძლება მოიზიდოს უბედურება და ახლობლების ჯანმრთელობის მდგომარეობის გაუარესება.
8. საოჯახო საქმის შესრულება
ეს ცრურწმენა მარტივად შეიძლება აიხსნას. რწმენა მოდის უძველესი დროიდან, როცა ელექტროენერგია არ არსებობდა. ყველა საოჯახო საქმეს ასრულებდნენ მზის ჩასვლამდე. ითვლებოდა, რომ მზის ჩასვლის შემდეგ რაიმე საქმის გაკეთება ოჯახს უბედურებას მოუტანდა, რადგან ღამე არის დრო, როდესაც ბოროტი ძალები აქტიურდებიან.
9. გასარეცხი ჭურჭლის დატოვება
ღამით დატოვებული ჭუჭყი და საკვების ნარჩენები ნეგატიურ ენერგიას აგროვებს. უმჯობესია ჭურჭელი გარეცხოთ დილით, დაბნელებამდე.
10. მაგიდაზე ფულის დატოვება
ფინანსური ზარალი გარანტირებულია, თუ კუპიურებს ისე უბრალოდ დაყრით. ფულს დათვლა და წესრიგი უყვარს. უძველესი დროიდან ხალხი მიჩვეულია დანაზოგის დამალვას. მაგიდაზე ფულის დატოვება მოიზიდავს მძარცველებს, ანუ უბედურებას. აქედან მომდინარეობს ნიშანი.
ახლა იცით, რა არ უნდა გააკეთოთ ღამით, რომ უბედურება არ მოიზიდოთ. გირჩევთ ხალხური ნიშნების გათვალისწინებას, თუნდაც მათ მიმართ სკეპტიკურად იყოთ განწყობილი. სიფრთხილე ზედმეტი არასდროს არის. მით უფრო, რომ მარტივი მოქმედებები გაჩუქებთ უსაფრთხოების განცდას მენტალურ დონეზე.
