ბავშვობაში უმეტესობა ჩვენგანი განებივრებული არ იყო მრავალფეროვანი ტკბილეულით, როგორც თანამედროვე ბავშვები არიან. ამიტომაც ჩვენი დედები მუდმივად იგონებდნენ დესერტების ახალ ვარიანტებს ხელმისაწვდომი პროდუქტებიდან. ზოგიერთი რეცეპტი იმდენად წარმატებული იყო, რომ ზოგჯერ თანამედროვე დიასახლისებიც მიმართავენ. ერთ-ერთი მათგანია ორცხობილასგან მომზადებული შოკოლადის ძეხვი.
ჩემს ბავშვობაში ამ ტკბილეულს ყველა დიასახლისი თავისებურად ამზადებდა. მე ვამზადებ რეცეპტით, რომელიც მეზობელმა, დეიდა ლელამ მასწავლა. მას ყოველთვის საოცრად ნაზი და არომატული გამოსდიოდა. მის რეცეპტს მრავალი წელი ვინახავდი და ხანდახან ვამზადებ ასეთ შოკოლადის ძეხვს ჩემი ოჯახისთვის. თქვენც სცადეთ.
შოკოლადის ძეხვის ორცხობილასგან
რეცეპტის მთავარი უპირატესობაა ის, რომ ტკბილეულის მოსამზადებლად საჭირო არ არის ძვირადღირებული პროდუქტების შეძენა და ქურასთან დიდხანს დგომა. მაგრამ ამით დესერტის გემო არ ზარალდება.
რეცეპტისთვის შესაფერისია ყველაზე მარტივი ორცხობილა შიგთავსის გარეშე. მთავარია, რომ მარტივად ტყდებოდეს, მაგრამ არ იფშვნებოდეს.
შოკოლადის ძეხვის რეცეპტი ორცხობილასგან
ინგრედიენტები:
- 400 გ ორცხობილა
- 200 გ კარაქი
- 250 გ შაქარი
- 1 კვერცხი
- 3 ს/კ რძე
- 3 ს/კ კაკაოს ფხვნილი
- 1 ჭიქა ნიგოზი (სურვილისამებრ)
მომზადების წესი:
1. ორცხობილა დააქუცმაცეთ. ეს ხელით გააკეთეთ ან გამოიყენეთ საგორავი ან კარტოფილის საჭყლეტი. ორცხობილას მთლიანად დაფშვნა საჭირო არ არის, უმჯობესია მსხვილად დატეხოთ. მზა დესერტში ძალიან ეფექტურად გამოიყურება, ნამდვილ ძეხვს მოგაგონებთ.
2. თუ ძეხვს უმატებთ კაკალს, ამ ეტაპზე დააქუცმაცეთ და ორცხობილას შეურიეთ.
3. რძე მიკროტალღურ ღუმელში ოდნავ შეათბეთ და კაკაო შეურიეთ. კარგად აურიეთ, რომ კოშტები არ დარჩეს.
4. ახლა აიღეთ პატარა ქვაბი, მასში კარაქი მოათავსეთ და სუსტ ცეცხლზე დადგით. როგორც კი, კარაქი გადნება, ქვაბი ქურიდან გადადგით.
5. გამდნარ კარაქში შაქარი ჩაყარეთ. მე ყავისფერ შაქარს ვიყენებ, რადგან მომწონს მისი არომატი, რომელსაც დესერტს გადასცემს. თქვენ შეგიძლიათ გამოიყენოთ ჩვეულებრივი ან ლერწმის შაქარი. შაქარი და კარაქი კარგად აურიეთ, სანამ შაქრის კრისტალები არ გადნება.
6. კარაქის და შაქრის ნარევს კაკაო დაუმატეთ. ქვაბში კვერცხი ჩატეხეთ და ინგრედიენტებს კარგად აურიეთ.
7. ქვაბი სუსტ ცეცხლზე დადგით და ადუღებამდე ხარშეთ. ნარევს მუდმივად ურიეთ. როგორც კი ნარევი ადუღდება, ქურიდან გადადეთ და ცოტა შეაგრილეთ.
8. ახლა თხევადი ნარევი ორცხობილას დაუმატეთ და კარგად აურიეთ. მასა ერთგვაროვანი და თანაბარი უნდა გამოვიდეს.
9. ძეხვის ფორმირების დრო მოვიდა. საკვების შესაფუთი პარკი აიღეთ და მაგიდაზე გაშალეთ. შოკოლადის მასა მასზე გადაიტანეთ და ძეხვის ფორმა მიეცით.
10. პარკი შეფუთეთ და დააფიქსირეთ. ძეხვი საყინულეში 1,5-3 საათით შეინახეთ.
11. ამის შემდეგ გამოიღეთ ძეხვი საყინულიდან, დაჭერით და სუფრაზე გაიტანეთ.
ორცხობილასგან მომზადებული ასეთი შოკოლადის ძეხვით შეგიძლიათ გაუმასპინძლდეთ როგორც ოჯახის წევრებს, ასევე სტუმრებს.
